ṬŌNTLOHEI 3:12 - LEKHARABU INTHENG (BSI)

¹² Mipuihei kha Peter in aleihmu hei pha, hing’hin aleihri pek hei, “Eh ka-Israel changpui hei, heisa mo hivahi nanta det-hla, khana heisa mo hinga nanta-en ung? Hiva mipa hi keini ratha neina vâng a-emak leh Pathen kapō kanchang jâra ake kanta manchoitor kachang sik tia nantamandon mo?

ṬŌNTLOHEI 3:12 ပူးပေါင်းရင်းမြစ်များ

A’NPHUTNA 40:8

Anmani’n, “Keini inkhat et in rahmang inkha-khat kannei, kanrahmang inlesōt thei mi tûte hinahin om mak hei,” anti. Joseph in, “Rahmanghei male torna ratha kapek kha Pathen kae. Nan rahmang kha ahei manthei ruh,” ati hei.

A’NPHUTNA 41:16

Joseph in, “Reng Kalûr, Ke’n kha tor mak eng, tâk Pathen in akaṭhalanga malesōtna kha ahei pek sik me,” ati.

JOHN 7:18

Mi inkhat abing ratha neina vâng akaṭong khan abing lûrna sik ajong kae. Achang ravâng ajōng katirpa lûrna sik kajōng ama khachu amalung intheng, khana akadik mak heite neimak.

ṬŌNTLOHEI 13:26

“Abraham sōn, Israel kasōpuihei leh Pathen inmuk sik a hiva hmun a ka-om Jât-hlop hei: hiva hukmanhringna ṭong hi eini sik mônga ajōng-intir jo kae!

ṬŌNTLOHEI 2:22

“Ka-Israel changpui hei, hiva ṭong hi rangei ruh! Pathen in ama a inphut nankâra a’nlak ka-om leh ṭōn-inlak aleitlo rakip khana inphut Nazareth Jesu kha ratha neina inpek ti kha inchên jo. Hivahi nantak khet a nanmanhret, ajârchu hinahin nankâra akasōk kae.

ṬŌNTLOHEI 3:11

Mipa khan Solomon Sumpuk antati hmun a khan Peter leh John aleimatulai hei, mipui he’n det-hlatak a anhnenga heikatla’n inhlut hei.

ṬŌNTLOHEI 3:13

Nipi leh nipusōnhei Pathen, Abraham, Isaac, khana Jacob Pathen khan asōkpa Jesu chunga marvân lûrna aleipek jo. Nangni’n ama kha ṭong kaneihei kut chunga nanpek sōt a, Pilate in masō sik ati kapha’m nangni hnōm mak chei.

ROMANHEI 11:1

Khava sōa ke’n kader: Pathen in amihei ahnōm mak jo kha heimo kae? Changmak! Kei khet um Israel inkhat eng kae, Abraham sōn, Benjamin phung mi inkhat eng kae.

ROMANHEI 9:4

Anmani Pathen mihei kae; asa amanchang jo hei khana alûrna anhnenga amalârpek jo hei; ṭong a’nteppui heia Dân kha apek hei; anmani’n akadik kamukna kha annei jo; Pathen ṭongtepna kha anchen jo;

CORINTHIANHEI INHNINA 3:5

Ajârchu keini’n hiva ṭōn hi akatlo tor ung kae tia hrina sik ratha heite neimak ung. Hiva ṭōn tlotorna ratha kantanei hi Pathena inphut akajōng kae;

ṬONGPHÔNG 7:13

Khana upahei kâra inkhat in ader enga, “Hiva pōn bang kasi mihei hi tuhei mo, khontinga inphut akahong hei mo?” ati.