ṬŌNTLOHEI 26:18 - LEKHARABU INTHENG (BSI)

¹⁸ Kei anitaksen jâra ansetnahei rangei mandam anchenna sik leh Pathen takadeisōt mihei kâra hmun anchenna sik a anmani hmit namanvâr pek sik hei khana inthima inphut vâra, Seitan ratha neina inphut Pathena nahong mahe sik hei kae.’

ṬŌNTLOHEI 26:18 ပူးပေါင်းရင်းမြစ်များ

HLAHEI 119:18

Nadân shunga akadik inlak-hei kha, kahmu theina sik kahmit amanhar pek roh.

HLAHEI 146:8

khana hmit kachô hei kha khō amanhmu hei. Akatlu jo hei kha akei mathōihei, ami kadik-hei kha alungset hei.

ISAIAH 29:18

Khava kani ajōng tlung pha, kōr kaset khan lekharabu inhnaktak a’ntei kha athei sik, khana hmitkacho khō inthimpak a aleikahring khan, ahmit amahlânga khō ahmu sik jo.

ISAIAH 32:3

Inṭangpui inngei hei sik a anhmit leh ankōr anmahlâng ṭhak sik.

ISAIAH 35:5

Hmitkacho khan khō ahmu sik jo, Khana kor kaset khan khō athei sik jo.

ISAIAH 42:16

“Ke’n kami hmitkachohei kha antahro phung hêrmakna hlamdung heia kaṭhōi sik hei. Ke’n ankhō inthim kha vâr kamanchang pek sik hei khana anram kaphok hei kha anhmai kunga kamannejap pek sik hei. Hihei hi kei intepna kae, khana ke’n sôilo jen a katlo mathluk sik hei kae.

ISAIAH 42:7

Nangni’n hmitkachohei hmit nanmanvâr pek sik hei khana kurkhum inthima a’n-ong hei kha nanmasō sik hei.

ISAIAH 43:8

Pathen in ati, “Kamihei kha ṭong tanna behei ruh. Anmani hmit annei, tâk anhmit kacho; anmani kōr annei, tâk ankōr kaset!

ISAIAH 49:6

Rōngpu’n kahnenga ahri, “Kasōk, nang sik a ke’n ṭōn kalen chet inkhat kanei. Alakahringa ka-om Israel mipuihei ansei lenna sik naheiṭhōi male sik rōk hei kha changmak tâk raleichung pumpui huksōt theina sik a ke’n jât-hei sik a vâr inkhat a nang kasyemsa sik che kae.”

ISAIAH 9:2

Khō inthim thōia ka-om mihe’n, vâr kalentak inkhat anhmu jo. Anmani ram kajing rahle thōia leika-om hei. tâk-kha tûnchu vâr in anchunga asat manvâr jo.

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 4:10

Khava sōa Jesu’n amasôn, “Seitan, Sesōt roh! Ṭong intheng in hinga ati, ‘Nang in Rōngpu na-Pathen rōk kha nakamuk a narazen sik kae!’”

MATTHEW 4:16

Khō inthim thōia ka-om mihe’n vâr kalen inkhat anhmu sik. Khana thina ram daihlim thōia aka-om hei chunga vâr kha hong kavâr sik.”

LUKE 1:77

amihei kha ansetna inphut rangei mandam heia huk sik hei kae ti hi navahri pek sik hei kae.

LUKE 1:79

khana thina daihlim thōia ka-om rakip hei chunga marvâna inphut ajōngsat manvâr sik, lung mōngna hlam a nikethon ensuina atlo sik.”

LUKE 2:32

Jât-hlop hei hnenga nahlam malârna sik vâr inkhat, khana nami Israelhei lûrna kapek sik kha hi kae.”

LUKE 24:45

Khava sō tōa Ṭong intheng kha anmanhretna sik anmalung amahlang pek jo hei,

LUKE 24:47

khana Jerusalema inphut a jât rakip hneng malung thlengna leh set rangei mandamna sik ama rahminga ṭong inhri inthang sik kae.

LUKE 4:18

“Rōngpu Rathla kha kachunga ka-om, ajârchu sara khōdeng katheihei hneng ṭong kaṭha kahri sik a akadei jo eng. Sura ka-om hei hneng masōna ṭong avakahri inthangle sik leh hmitkachohei khō hmuna sik atir jo eng; suk manrima ka-om hei masōna sik,

JOHN 17:17

Akadik vâng khan anmani hei hi nahnenga tōksōt hei roh; nang ṭong chu akadik kae.

JOHN 3:19

Ṭongtan ṭōn kha hi kae: ti chu vâr kha raleichunga kajōng jo, tâk mihe’n ṭhatmak ṭōn kha antlo jâra, vâr kanek a a’nthim jôk kha anmadu.

JOHN 4:10

Jesu’n amasôn, “Nang in Pathen kutchoi pek kha namanhret a, khana tui in sik nakaderpa kha namanhret a, nang in ama hneng jôk nalei der inchu, ama’n hringna tui apek sik che kae.”

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JOHN 8:12

Jesu’n Phariseehei hneng ṭong ahri nôk: “Kei vânhnōi vâr eng kae. Tu achang inum kei kahnung kajui khan hringna vâr kha anei sik, khana khō inthim thōia lônmak ning.”

JOHN 9:39

Jesu’n ahri, “Hmitkachohei khō hmuna sik, khō kahmuhei hmit chona sik, hiva raleichunga ṭong katan sik a kei akajōng eng kae.”

JOHN 9:5

Kei raleichunga ka-omlai seng kei vânhnōi ralei sik a vâr eng kae.”

ṬŌNTLOHEI 10:43

Tu achang inum ama taksenna kanei rakip hei setnahei kha arahming ratha neina jâra rangei mandam anchen sik tia ama chungchânga sânkathem rakip in anta leihridek jo kae.”

ṬŌNTLOHEI 13:47

Ajârchu hivahi Rōngpu tapek ung ṭongpek kha kae: ‘Vânhnōi pumpui huksōt achangna sik, Jât-hlop hei sik vâr inkhat a kasyem jo che kae.’”

ṬŌNTLOHEI 15:9

Ama’n einihei leh anmani anikhōi ṭhenna heite damak jo, ajârchu anmani’m antaksenna jâra ansetnahei arangei mandam pek jo hei.

ṬŌNTLOHEI 2:38

Khava pha Peter in hing’hin aleihri pek hei: “Nansetna rakip a inphut rangei mandam nanchena, Pathen kutchoi pek Rathla Intheng nanchenna sik; nansetna heia inphut nanbing et a he’nhesōt ruh, khana Jesu Christa rahminga tui kahlut chang ruh.

ṬŌNTLOHEI 20:21

Jehudihei leh Jât-hlop hei hneng in-angtlinga ansetna inphut Pathen langa anhong inhena sik leh ni-Rōngpu Jesu antaksenna sik a khôk saktak a kaleihri pek hei.

ṬŌNTLOHEI 20:32

“Khana tûnchu Pathen in ami rakip sik a amantluk, nankasyemsōt tor leh mahâmṭhatna kapek tor Pathen leh ama maritna ṭong ta-ensuina shunga nan-omna sik ṭong pekna kanei jo chei kae.

ṬŌNTLOHEI 26:19

“Khava jâra Reng Agrippa, marvâna inphut kaleihmu hmangtalâr kha ke’n juilo tlomak eng.

ṬŌNTLOHEI 26:23

Ti chu Messiah kha khōdeng theina athōk nger sik, thina inphut akathōisōt hma inkeipen akachang sik khana Jehudihei leh Jât-hlop hei hneng hukmanhringna vâr akaphôngsōt sik kha kae.”

ṬŌNTLOHEI 3:19

Nansetnahei rangei mandam achangna sik, insir una, Pathen langa he’nhe ruh. Hivahi nantlo’nchu

ṬŌNTLOHEI 5:31

Israel mipuihei hi an-insira ansetnahei rangei mandam anchen theina sik a tûnchu hlamkakei leh huksōtpa inkhat a Pathen in akut changting a’n-ong sik a amatungsōt jo.

ROMANHEI 8:17

Eini Pathen sa nichang jo jâra, amihei sik a ada mahâmṭhatna khana Christa sik a ada mahâmṭhatna kha’m nichensap sik jo; ajârchu tûn eini’n Christa inrengna kha nidepui inchu, alûrna kha’m nichenpui sik kae.

CORINTHIANHEI INKHATNA 1:2

Corinth a ka-om Pathen bekrup, Pathen mi intheng kachang sik a abek hei seng, Jesu Christa leh inchunna shunga ami kachang jo hei, eini leh anmani Rōngpu kachang ni-Rōngpu Jesu Christa inmuk, khana hmun rakip a ka-om mi rakip hneng:

CORINTHIANHEI INKHATNA 1:30

Tâk-kha nangni chu Pathen in Christa Jesua inchunna shunga aṭhōi manhlut jo chei, khana Pathen in Christa kha eini singna amanchang joa kae. Ama jâra Pathen leh kadik a adasap jo me, eini Pathen mi intheng kachang jo me, khana eini ning leh hnōma amasō jo me kae.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

CORINTHIANHEI INHNINA 4:6

Ajârchu, “Khō inthimna inphut vâr kha hong kavâr sik!” kati Pathen khan Christa hmaisōa Pathen lûrna vâr kha kanman hretna sik kanmalung shunga avâr kasat invâr kha Pathen khet kha kae.

CORINTHIANHEI INHNINA 6:14

Akataksenmak hei leh in-anga ṭōn katlo sik a inreimak ruh, ajârchu kha ethei mak. Heikhong mo akadik leh akadik mak in chen antaneisap thei sik? Heikhong mo a’nthim leh akavâr aka-omsap thei sik?

GALATIANHEI 2:20

akahring hi kei emak jo eng, tâk kashunga akahring Christa kha kae. Tûna hringkhōa kahring hi, ani’nlungset a ahringkhō kei sik a anileikapek, Pathen sapa taksenna jâra akahring eng kae.

GALATIANHEI 3:14

Pathen in Abraham hneng aleitep mahâmṭhatna kha Christa Jesu jâra Jât-hlop he’num anchenna sik, khan chu taksen jâra Pathen Rathla kha nichenna sik Christa khan khava ṭōn kha atlo jo kae.

GALATIANHEI 3:2

Hiva ṭong inkhat hi amanthei ruh: Dân tamadu kha nantlo jâra mo, a-emak leh ṭong kaṭha nantheia inphut taksen jâra mo, Pathen rathla nangni’n nantaleichen?

EPHESIANHEI 1:11

Ajârchu Pathen in amandon leh aṭōn mantluk dungjuia heirakip hi atlo kae; akungbia inphut Pathen in aleimandonsa chunga khan, amantlukna dungjuia Christa leh inchunna shunga ami kachang sik a aleikadei jo me kae.

EPHESIANHEI 1:14

Pathen in amihei hneng ale’ntepna eini tachen sik manchênna kha Rathla hi kae, khana amihei hneng pui katluk ning leh hnōm apek sik me manchênna kha hi kae. Ama lûrna kha choi ka-ân rih!

EPHESIANHEI 1:18

Amihei hneng heituk inlak mahâmṭhatna aleitep hei kha akachen sik a, abekna chei chunga nan-inhōrna kha nanmanhret theina sik, ama vâr kha nanhmuna sik, nanmalung kot a’nhlangna sik,

EPHESIANHEI 1:7

Heijâra mo niti’nchu Christa thisen vânga niset arangei mandam jo, khana ning leh hnōma amasō jo me. Khangtuk hrep a apek me Pathen maritna kha heituk a akalen jo mo,

EPHESIANHEI 2:8

Ajârchu hivahi taksen jâra Pathen maritna khan ahuk manhring jo chei kae. Hivahi nanṭōn tlo jâra changmak, tâk Pathen kutchoi pek kae, hiva chunga tûte’n a’nlensak makna sik a kae.

EPHESIANHEI 4:18

khan chu malung kajîng hei kapōa om mak jo ruh. An-êng setna leh heite anmanhret makna kha pui atluk jâra, Pathen tapek hringna shunga anmani’n chen neimak heia kae.

EPHESIANHEI 5:11

Khō inthim ta kachang, hnemna kase mihei ṭōntlohei kha leh heite sap changmak ruh. Khava kanek a chu khōvâra malârsō pet hei ruh. (

EPHESIANHEI 5:14

ajârchu heirakip inchêntak a a’nlârna kha vâr kha kae. Khava jâra hing’hin inhri: “Akaje nang, ṭhang jo roh, thina inphut ṭhōisōt roh, khana Christa khan nang chunga hong kavâr sik.”

EPHESIANHEI 5:8

Nangni inthim thōia khanga ale’nhmang chei kae, tâk tûnchu nangni Pathen mi nanchang jo jâra, khōvâra ka-om jo chei. Khava jâra vârta akachang hei kapōa aka-om sik chei kae,

EPHESIANHEI 6:12

Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

TIMOTHY INHNINA 2:26

Khan chu Diabol in asur heia aṭong amanjui jo hei khan manhret theina kha anheinei sik khana achâng kam a inphut heikasōksōt sik jo hei.

HEBREWHEI 10:10

Ajârchu Jesu Christa’n ataksakhet vōi khat rōk a ahei tik sik a inpek sōt a Pathen tamadu kha atlo jo jâra, eini nikhenga setna inphut amantheng jo me kae.

HEBREWHEI 10:14

Khang’khan, vōi khat inthoina vâng ansetna manthengpek hei kha ahei tik a pui katluk a asyem jo hei.

HEBREWHEI 11:6

Taksen kasea tûte’n Pathen mantlai tor mak, ajârchu tu enum Pathen hneng akahong khan Pathen hi kahring ṭhak, ama kajong hei kha tloman apek sik hei, ti hi antataksen nger sik kae.

HEBREWHEI 9:15

Khava jâra Pathen tabek mihei khan Pathen intepna kumsôt mahâmṭhatna kha anchen theina sik, intepna ther ṭōn intluk kha Christa hi kae. Hivahi kaethei ajârchu hma-inkei intepna thōia khan mihei tlosetna inphut ajōng kasōk thina inkhat kha leika-om jo.

JAMES 2:5

Kasōpui marit hei, rangei ruh! Hiva raleichunga sarahei kha taksenna langa akahao sik a, khana ama inlungset hei sik a, aṭongteppek Rengram kha akachen sik a, Pathen in akadei hei kae.

PETER INKHATNA 1:4

khava jâra Pathen in amihei sik mahâmṭhatna hingja ada kha nichenna sik nihma ting ni-en kae. Khahei kha anṭōi makna, an-inṭhet makna, an-invōi makna ram marvâna nangni sik a adapek chei.

PETER INKHATNA 2:25

Nangni kemōng hlam invai kapō chei kae, achang ravâng tûnchu kemōng kakhempa nanrathla kahrungpa kahnung kajui sik a aheiṭhōi male jo cheia kae.

PETER INKHATNA 2:9

Tâk-kha nangni chu kadeisōt phung, Rengpa thempu, a’ntheng jât, Pathen khet mi, Pathen ṭōntlo inlak kahrile sik a a’nthima inphut a vâr inlak a abeksōt jo chei kha kae.

JOHN INKHATNA 1:9

Tâk-kha eini’n nisetnahei Pathen hneng nihrisōt inchu, aṭong tepna kha ajui sik khana akadik kha atlo sik: nisetnahei kha arangei mandam sik me khana dikmak nilei tlona rakip a inphut amantheng sik me.

JOHN INKHATNA 2:12

Kasahei, nanhnenga kaheimazet kae, ajârchu Christa jâra nansetnahei rangei mandam jo chei kae.

JOHN INKHATNA 3:8

Tu achang inum setna katlo injônṭhak mi kha Diabol ta kae, ajârchu Diabol khan a’nphutbia inphut setna aleitloa kae. Diabol ṭōntlohei kha akasuk inhmang sik a Pathen Sapa kha ajōng inlâr kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

JUDE 1:1

Jesu Christa sōk, James naipa Jude a inphut Jesu Christa takahuk hei leh– Pa Pathen lungsetna shunga aka-om, Pathen tabek hei hneng kaheimazet kae:

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.