ṬŌNTLOHEI 22:12 - LEKHARABU INTHENG (BSI)

¹² “Khava khōpuia khan nidân kajui khana inshângtak a kajana antanei bektinga malung kahlut, Ananias inti mi inkhat leika-om.

ṬŌNTLOHEI 22:12 ပူးပေါင်းရင်းမြစ်များ

LUKE 2:25

Khava pha pase inkhat arahming Simeon inti Jerusalema leika-om. Ama Pathen kaṭit mikaṭha, Israelhei hukmanhringna sik ahngâk a aka-om inkhat kae. Rathla Intheng in ale’nṭhōipui

ṬŌNTLOHEI 10:22

Anmani’n anmasôn, “Captain Cornelius tahei tir ung kae. Ama hi Pathen inmuk leh mikaṭha khana Jehudi mipui in inshângtak a kajana antanei mi inkhat kae. Naṭong hri arangeina sik nang hi a-inna abekna sik che Pathen ngeva’n aleihri pek kae.”

ṬŌNTLOHEI 17:4

Ankâra mi ṭhahrep anhri manhnōm heia Paul leh Silas kahnung anleijui jo; khang’khan hlamkakei nuhmei katamtak leh Pathen inmuk Greek mi katamtak he’n anleijui jo hei.

ṬŌNTLOHEI 6:3

“Khava jâra, sōpuihei, nankâra singna kanei leh Rathla Intheng kasip tia nantamanhret pase 7 lim he’ndeisōt ruh, hiva katinta sik a kanda sik hei.

ṬŌNTLOHEI 8:2

Malung kahluttak a Pathen ka-ôi pase ṭhahrep in Stephen kha anleihrea, ṭajai sui pum a aralum anleide.

CORINTHIANHEI INHNINA 6:8

Keini hnōi anse ung, kaja’m ankaja ung; anmaset ung, manpâk um anmanpâk ung. Keini malei kasei kapōa antlo ung, kha’num akadiktak kantahri kae;

TIMOTHY INKHATNA 3:7

Ama kha Seitan châng shunga ahlut makna sik leh inzakna achen makna sik, bekrup vângtinga mihei takajathei mi inkhat akachang sik kae.

HEBREWHEI 11:2

Hmalaia mihe’n Pathen hnōm pekna anta leichen kha antaksen jâra kae.

JOHN INTHUMNA 1:12

Mi rakip in Demetrius anhri manṭhat; akadik khet kha’num ama ahri manṭhat a kae. Khana keini’m asâkhi kachangsa ung, khana keini tahri hi kadik tia nanmanhret.