ṬŌNTLOHEI 22:1 - LEKHARABU INTHENG (BSI)

¹ “Kasōpui Jehudihei, nan-ângkunga hiva ka’nhrungna ṭong hi arangei pek ruh!”

ṬŌNTLOHEI 22:1 ပူးပေါင်းရင်းမြစ်များ

LUKE 12:11

“Anmani intûpna innpuia, vaikarôn leh ṭōnkarônhei hmaikunga ṭong tan sik a anṭhōi chei pha, heikhonga inhrung sik, heimo masôn sik tia malung mandong mak ruh.

LUKE 21:14

Nanbinga heikhonga mo a’nhrung sik ung tia nan-Inreng makna sik a hmatak a malung insyem kaṭha ruh;

ṬŌNTLOHEI 13:26

“Abraham sōn, Israel kasōpuihei leh Pathen inmuk sik a hiva hmun a ka-om Jât-hlop hei: hiva hukmanhringna ṭong hi eini sik mônga ajōng-intir jo kae!

ṬŌNTLOHEI 19:33

Jehudi he’n Alexander kha hmating anhei manhong jâra, mipui ṭhahrep in bōina insōkpa kae tia mo anleipek. Khava pha mipuihei kha sip antina sik a Alexander in akut ajâp a, a’nhrungna ṭonghri sik a le’ntluk.

ṬŌNTLOHEI 23:1

Sehmang-pachonghei kha Paul in kasang kanga a-en heia ahri, “Eh kasōpui Israelhei! Pathen hmit-hmua tuning katlunga kahringna hlam hro chungchânga kamalunga dik leh dikmak ṭhen theina hi pui katluk a la’ntlam senga kae.”

ṬŌNTLOHEI 23:6

Mipuihei kha ṭhahrep Sadduceehei khana ahlop khat in Phariseehei anchang kha Paul in ahmu sōt pha, Sehmang-pachong intûpna kâra khan ka-ônga ati, “Kasōpui Israelhei! Kei hi Phariseehei sapa Pharisee eng kae. Akathi kathōi nôk sik tia inhōrna kanei jâra hiva hmun a hin kaṭong antan eng hi kae!”

ṬŌNTLOHEI 24:10

Khava sōa ram vaikarôn khan Paul kha aṭongna sik a akut ahei kalânga, khava pha Paul in hing’hin ahri, “Hiva jât-hei chunga kum katamtak ṭongkatan inkhat hongkachang jo che ti hi kamanhret, khana na-ângkunga kabing inhrungna kahri sik jâra hin inpâk eng.

ṬŌNTLOHEI 25:16

Tâk-kha ke’n keini Rome mi ung hichu tu mo inkhat tloṭhe kanei kha ama inher hei leh hmai leh hmai intōna annei mak a khana anmaherna hei jâra abinga a’nhrungmak kârseng chu tûte kut chunga pesōt phungmak ung tia kaleihri pek hei.

ṬŌNTLOHEI 25:8

Tâk-kha Paul in inhrungna anei: “Ke’n Jehudihei dân a-emak leh Bek-inn a-emak leh Rome Caesar dōina tlosetna heite neimak eng.”

ṬŌNTLOHEI 26:24

Paul a’nhrungna ṭong kha khang’khan ahrilai, Festus khan ka-ônga, “Paul, nang invet jo che! Nathemna katamtak khan amanvet jo che!” atipek.

ṬŌNTLOHEI 28:17

Ni 3 sōa Paul in akhō kanei Jehu-di hlamkakei senghei kha intûpna sik a aleibek hei. Anhe’ntûp pha, ama’n anhnenga ati, “Kasōpui, Israelhei, nimipuihei leh nipusōn heia inphut nihongchen jo Dân kadōia tloset heite kaneimak ravâng, kei hi Jerusalema kurkhum mi anleimanchang eng khana Romanhei kut a anleipek sōt eng.

ṬŌNTLOHEI 7:2

Stephen in hing’hin aleimasôn: “Kapa dôrhei leh kasōpuihei, rangei ruh! Nikachoi Abraham kha Harana avaka-om sik a aleise mak hma Mesopotamia hmun a khan ahnenga akalûr Pathen kha le’nlâra,

ROMANHEI 2:15

Anmani omchen khan anmalung shunga Dân ṭongpek kha inzet ti kha amalâr. Anmani dik leh dikmak ṭhen theina malung kha’num hivahi kadik tia amalâr, ajârchu anmandonna khan vōi khat leh amaset hei, vōi khat leh amandikri heia kae.

CORINTHIANHEI INKHATNA 9:3

Mihe’n kei anmaset eng pha, hing’hin kei a’nhrung eng kae.

CORINTHIANHEI INHNINA 12:19

Ahei tik a nanhmai kunga inhrungna sik kantajong kae tia nanmandon thei. Kha changmak! Pathen ângshunga Christa tamanhri hnōm ung kha, keini’n kantahria kantatlo rakip hi, nangni inthōpuina sik kantatlo kae, ṭhōn marit hei.

CORINTHIANHEI INHNINA 7:11

Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

PHILIPPIANHEI 1:17

Her khat inchu malung inthengtak a Christa hi hrimanthang mak hei, tabing malunga antlo; ke’n kurkhum a ka-omlai hin suk manrim chetna sik enga anmandon.

PHILIPPIANHEI 1:7

Kamalung shunga nangni ka-om ṭhak chei! Nangnihei seng hinga kamandon sik chei hi kei sik a akadikpen kha kae. Ajârchu ṭong kaṭha hrungna sik leh kahnet a phunsōt theina sik tuna kurkhum a ka-omlaia leh masōa kalei omlai, Pathen tapek eng pha kaṭha kha nangni nankhenga nanchenpui enga kae.

TIMOTHY INHNINA 4:16

Hma inkeia tûte’n kahnenga leingir mak hei, kei kabinga le’nhrung eng; ankhenga anleidahlon eng. Khavakha Rōngpu’n anchunga maset teipek mak hei rasoh.

PETER INKHATNA 3:15

Tâk-kha nanmalunga Christa kha nan-Rōngpu manchang una kajana nei ruh. Nan-inhōrna kha tu mo inkhat in ader cheia achang inchu, nanhri manchên torna sik ahei tik a inrin ṭhak ruh,