ṬŌNTLOHEI 2:4 - LEKHARABU INTHENG (BSI)

⁴ Anmani Rathla Intheng kasip phet jo hei, khana Rathla khan ṭong theina apek hei jâra, ṭong hlop-hlop a kaṭong inphut jo hei.

ṬŌNTLOHEI 2:4 ပူးပေါင်းရင်းမြစ်များ

SAMUEL INHNINA 23:2

Rōngpu rathla khan keia inphut ṭong ahri; aṭong hri kha kahner heia kachōng.

ISAIAH 28:11

Nangni’n kei ṭonghri nanrangei mak inchu, nangni ṭongrup inthei sik a Pathen in ram hlop ṭong kajôm hei ahmang sik hei kae.

ISAIAH 59:21

Khana ke’n nangni leh intepna inkhat kasyem: ke’n karathahrat leh kaman theina ahei tik a nangni sik a kapek jo chei, khana tuna inphut nangni’n kaṭong nantajui sik khana akahong sik pha rakip a kei juina sik a nansahei leh nansōn nanpâr hei nanta manthei sik hei kae.”

JEREMIAH 6:11

Anmani chunga nahnuk natna khan ke’m atôn eng, Rōngpu, ke’n, khavakha detor mak eng.” Khava sōa Rōngpu’n kahnenga ahri, “Hlampuia naipanghei leh rether intûp hei chunga kahnuknat kha sun mathla roh. Sanghram hei, annuhmei leh anpuisehei kha ṭhōisōt sik hei kae, akaterber hei kapha’m ṭhōisōt sik jo hei kae.

EZEKIEL 3:11

Khava sōa naram mi rehringa antasurhei hneng se roh, nang anrangei che’num, anrangei mak che’num, Chunghnung Rōngpu ke’n anhnenga kahri hi vamanthei hei roh.”

MICAH 3:8

Tâk-kha kei sik a chu, Rōngpu’n arathla leh aratha neina kha amansip enga Israelhei setnahei manthei torna sik a akadik leh rathahrat kha apek eng.

MATTHEW 10:19

Anmani’n anpek sōt chei pha, heimo hri sik khana heikhong mo ṭong sik tia nanmalung manrim mak ruh; apha kha atluk leh nangni’n heimo nanta hri sik kha inpek sik chei.

MARK 16:17

Khana akataksenhei kha hiva ṭōn-inlak tlona ratha a’npe sik hei kae: karahminga ṭaihei anhnongsōt sik; ṭonghlop a kaṭong sik hei;

LUKE 1:15

Ama kha Rōngpu hmit-hmua akalen inkhat akachang sik kae. Ama’n vomhrui ju leh kahu inhnak inmak ning. Ama anu shunga ajōng intet sōlima inphut Rathla Intheng akasip sik kae.

LUKE 1:41

Chibei atlo kha Elizabeth in athei pha ashunga nai kha inhlinga kae. Elizabeth kha Rathla a akasip achang jâra,

LUKE 1:67

John pa Zechariah kha Rathla Intheng kasip phet a Pathen ṭong aleihri:

LUKE 12:12

Ajârchu Rathla Intheng in aphatak a khan nanta hri sik kha amanthei sik chei.”

LUKE 21:15

ajârchu nan-inrepuihei tûte’n anmakhetor makna sik chei leh anmasônthei makna sik chei singna leh themna ṭong beisō ke’n kapek sik chei.

LUKE 4:1

Jesu Jordan tuidunga inphut Rathla Intheng kasip phet a he’nle khana Rathla khan nêrdiram thōia aṭhōi jo,

JOHN 14:26

Pa khan Inthōpui, Rathla Intheng kei rahminga ajōngtir sik khana heirakip amanthei sik chei khana kaleihri pek chei rakip mandonsōtna apek sik chei.

JOHN 20:22

Ama’n hi ahria, anchunga akaphuk amasâ khum heia, “Rathla Intheng kha chen ruh!

ṬŌNTLOHEI 1:5

John in tui manhlutna aleitlo, tâk nangni chu kanikhō ṭhahrep shunga Rathla Inthenga manhlutna akachang sik jo chei kae.”

ṬŌNTLOHEI 1:8

Tâk-kha Rathla Intheng kha nanchunga ajōng pha leh, ratha hratna kasip a nannei sik, khana nangni Jerusalem, Judea leh Samaria ram pumpuia khan chu raleichung achaina katlunga kasâkhi akachang sik chei kae,” ati.

ṬŌNTLOHEI 10:46

Ajârchu ṭonghlop a akaṭong heia Pathen lenna antachoi ka-ân kha anmani’n anleitheia kae. Khang’khan Peter in:

ṬŌNTLOHEI 10:47

“Eini chunga ajōng katlung kapōa, hiva mihei hinum Rathla Intheng hi anchen jo. Tuihlut sik a inphut tu inkhat in akhâmtor sik hei mo?” aleiti.

ṬŌNTLOHEI 11:15

Khana ke’n ṭonghri kahei phut pha, aphutna pet a eini chunga ajōng katlung kapōa, anmani chunga’m Rathla Intheng kha jōng kaṭum jo.

ṬŌNTLOHEI 11:24

Barnabas kha Rathla Intheng leh taksenna kasip mikaṭha inkhat kae, khana ama’n mi hingja Rōngpu hneng aheiṭhōi manhlut heia kae.

ṬŌNTLOHEI 13:52

Antioch a taksenna kaneihei kha inpâkna leh Rathla Intheng leikasiptak heia kae.

ṬŌNTLOHEI 13:9

Khava pha Paul ti’m a’nhret, Saul kha Rathla Intheng kasip phet a; khava dôi kachoipa kha a-enhrek a

ṬŌNTLOHEI 15:8

Khana mi rakip malung mandon inhretsō Pathen khan eini apek me kapōa anmani chunga’m Rathla Intheng ajōng pek hei hin ahnōm pekna hei kha amanchên jo kae.

ṬŌNTLOHEI 19:6

Anchunga Paul in akut aleida pek hei, khana Rathla Intheng kha anchunga kajōng jo; anmani ṭonghlop kaṭong jo hei khana Pathen ṭong um anphôngsōt jo.

ṬŌNTLOHEI 2:11

Jehudi leh Jât-hlop Jehudi Beklang tinga ahong kahlut ther me kha kae; ṭhahrep nôk in Crete leh Arabia inphut me kae, kha’num Pathen ṭōn kalen tlo antahrisōt hichu nibing ṭong et a nithei phâk a kae!” anti.

ṬŌNTLOHEI 2:3

Khava sōa, anmani’n hmeimale kapōa a’nsemṭhen heikhat in anchung et a aleisit hei kha anleihmu.

ṬŌNTLOHEI 4:31

Anderna nei kha anchaichai leh an-intûpna hmun kha hong innok jo. Khang’khan Rathla Intheng kasip phet jo heia, Pathen ṭong kha kangamtak a anleiphông manphut jo.

ṬŌNTLOHEI 4:8

Rathla Intheng kasip phet a Peter in aleimasôn hei, “Eh mipui hlamkakeihei leh upahei,

ṬŌNTLOHEI 6:3

“Khava jâra, sōpuihei, nankâra singna kanei leh Rathla Intheng kasip tia nantamanhret pase 7 lim he’ndeisōt ruh, hiva katinta sik a kanda sik hei.

ṬŌNTLOHEI 6:5

Anrup pumpui kha sonlehei ṭong heirônsōt chungchânga khan anmalung leikatlâia, taksenna leh Rathla Intheng kasip, Stephen khana Philip, Prochorus, Nicanor, Timon, Parmenas, khana amak hmadet a Jehudi bekṭonga aheikahlut, Antioch a inphut Jât-hlop mi, arahming Nicolaus intipa, anmani hei hi anleikadei hei.

ṬŌNTLOHEI 6:8

Pathen rathahrat leh mahâmṭhatna kasip phet Stephen in mipuihei kâra ṭōn inralak leh tlo inralak aleitlosōt jo.

ṬŌNTLOHEI 7:55

Tâk-kha Stephen kha Rathla Intheng kasip phet a, marvânting a-enna, Pathen lûrna leh Jesu kha Pathen changting angir kha ahmua kae.

ṬŌNTLOHEI 8:17

Khava sōa Peter leh John in anchunga ankut andapek hei pha, Rathla Intheng anleichen jo.

ṬŌNTLOHEI 9:17

Khava pha Ananias kasea, Saul omna inna khan leikahlut, khana achunga akut aleidapek. “Sōpui Saul, najōngna hlam a nahnenga ajo’nlâr, Jesu ama khet in, Rōngpu khan ajōngtir eng kae. Avea khō nahmu nôkna sik leh Rathla Intheng nasipna sik a ama’n nahnenga ajōngtir eng kae,” atipek.

ROMANHEI 15:13

Rathla Intheng hratna vâng nan-inhōrna kha akhangchet thei ṭhakna sik, ama nantaksenna vâng mōngna leh inpâkna rakip kha inhōrna kung kachang Pathen in mansip chei rasoh.

CORINTHIANHEI INKHATNA 12:10

Rathla khan mi inkhat hneng ṭōn-inlak tlotorna ratha apek; khan chu mihlop inkhat hneng Pathen ṭonghri theina kutchoi apek; khana mihlop inkhat hneng Rathla a inphut akajōng kutchoi akae leh aka-emak hrisōt theina apek a kae. Mi inkhat hneng ṭongsō inlak a ṭong theina, mihlop inkhat hneng khava ṭongsō inlak kha hrimanchên theina ratha apek a kae.

CORINTHIANHEI INKHATNA 13:1

Ke’n mihring ṭonghei leh marvân ngevahei ṭong kajômthei inum, lungsetna kaneimak inchu, kaṭong kha dâr mahring leh sumkutben mahring kapōhrep kha kae.

CORINTHIANHEI INKHATNA 13:8

Lungset hi are-rea ka-om ṭhak. Malung mathokna ṭong ka-om hei, tâk pha bongkhat rōk sik hei kae; ṭonghlop a ṭong theina kutchoi um ka-om, tâk alakatlang sik kae; themna ka-om, tâk ala’nhmang sik kae.

CORINTHIANHEI INKHATNA 14:18

Kei nangnihei kanek a ṭonghlop a kaṭongsōt chet jâra Pathen kamanpâk.

CORINTHIANHEI INKHATNA 14:5

Nankhenga ṭonghlop a nanṭong et sik kamadu; tâk Pathen ṭonghri manthangna kutchoi nantachen sik a kamaduchet. Ajârchu, ṭonghlop a kaṭongpa ṭongsō kha bekrup pumpui inthōpuina sik a mi inkhat in ahri manchênmak inchu, ama kanek a Pathen ṭong kahri sōtpa kha aman katam jôk a kae.

EPHESIANHEI 3:19

Kadik, ama lungsetna chei manhretna nei ruh, pui katluk a manhret thei achangmak inum, khana Pathen chôndân kha pui katluk a akasip chang ruh.

EPHESIANHEI 5:18

Ju inruimak ruh, khava khan nang rōk amanhmang sik che; khava kanek a Rathla kasip a om ruh.

EPHESIANHEI 6:18

Hiva rakip hi derna leh inṭhōia tlo una, Pathen inthōpuina sik der ruh. Ṭōn kasōk rakip a, Rathla’n hlam akeina sik chei der ruh. Hiva sik a inrin ṭhak a om ruh, masō hêrmak ruh; Pathen mihei seng sik a derṭhak ruh.

PETER INKHATNA 1:12

Khava sânkathemhei ṭōntlo kha anbing hnemna sik changmak, tâk nangnihei hnemna sik a kae tia Pathen in anhnenga aleiphông pek hei. Khahei chungchânga anmani’n anta leihri kha tûn nangni’n marvâna inphut ajō’ntir Rathla Intheng ratha hratna vâng, Ṭong kaṭha kaphông tlângva heia inphut nanthei jo. Hiva ṭong hi ngevahei kapha’num antamanhret hnōm kae.

PETER INHNINA 1:21

Ajârchu sânsōt sik ṭong kha mihring lungdoa inphut hongsōk phungmak, tâk Rathla Intheng in mihei chunga ṭōn atloa Pathena inphut akajōng ṭong kha antasânsōt kae.

SAMUEL INKHATNA 1:14

Khana ati, “Naju inrui malârna kha bâng jo roh! Naju inrui kha bâng ina hlimseng jo roh.”

SAMUEL INKHATNA 10:10

Saul leh asōkpa kha Gibia anjōngtlung pha, sânkathem rup khat in anleiratō hei. Pathen rathla’n manhret theiloa achunga hongkachu jo, khana akalâm leh akapenga inveisa joa kae.