ṬŌNTLOHEI 2:24 - LEKHARABU INTHENG (BSI)

²⁴ Tâk-kha Pathen in ama kha thina inphut akei mathōi jo, khava ratha neina inphut a amasō jo; ajârchu ama kha thina khan akhum tor sik leichang mak.

ṬŌNTLOHEI 2:24 ပူးပေါင်းရင်းမြစ်များ

HLAHEI 116:16

O, Rōngpu, kei nasōk eng kae; kanu tatlo kapōa, ke’n nang karazen che. Nang in thina inphut nahuksōt eng.

ISAIAH 10:7

Tâk-kha Assyria rengkalen inchu abinga re mantlukna anei. Ama’n jât katamtak suk manhmang sik a intluk a kae.

ISAIAH 25:8

Chunghnung Rōngpu’n thina kha ahei tik a sik a asuk manhmang sik jo! Mi rakip hmit-rathli ahni manhi pek sik hei, khana raleichung pumpuia amihei inzakna kha alosōt pek sik jo hei. Rōngpu ama khet in ahri jo kae!

ISAIAH 26:19

Kanmi aleikathi jo hei kha hongkahring nôk sik hei! Antaksa hei hongkahring nôk sik. Anthlâna aleikaje hei seng kathōisōt sik hei khana inpâk hla anhongsak sik. Radaitui akadi rik-rak in ralei amahlimseng kapōa, Rōngpu’n kasôttak a aleikathi jo hei kha amanhring ther nôk sik hei.

ISAIAH 53:10

Rōngpu’n ati, “Ama inrim sik kha kei lungdo kae; ama thina khan rangei mandam heirônsōtna sik a inthoina kha kae. Kha achang jâra ama’n asōn leh apâr ahmu sik hei; ama ahringkhō kasei sik, khana ama a inphut kei ṭōn mantlukna kha hme asō sik kae.

HOSEA 13:14

Thina raleia inphut hiva mihei hi hukmak hei ning, khana thina ratha hratna inphut hukmak hei ning. Eh thina, nang hrise thina kha heimathlung jo roh. Nang suksetna, thina raleichung kha heimathlung jo roh! Hiva mihei chunga lungset rôn hêrmak hei ning.

MATTHEW 27:63

“Apu, mimalei kaseipa khan ahring lai hinga, ‘Ni 3 sōa akathōisōt sik eng kae,’ aleiti kha keini’n kanmandonsōt.

JOHN 10:18

Kahringna hi keia inphut tûte’n losōt mak. Ke’n kalungdotak a katōksōt kae. Ke’n khavakha tōksōtna leh lo male torna ratha kanei. Hiva tlotorna sik a kapa khan ṭong apek jo eng.”

JOHN 10:35

Ṭong intheng tahri khachu ahei tik a kadik ṭhak ti eini’n nimanhret; khana aṭong intheng karônhei kha Pathen in pathenhei atia kae.

JOHN 12:39

Hiva jâra hin anmani’n taksen tor mak hei, ajârchu Isaia’num hing’hin aleihri:

JOHN 20:9

(Ṭong intheng tahri ti chu ama thina inphut akathōi nger sik kae ti kha anmani’n leimanhret tor mak heia kae.)

ṬŌNTLOHEI 1:16

“Kasōpui akataksenhei, Jesu kasur mihei hlam heikaṭhōi Judah chungchânga amak hma Rathla Intheng in David beia aleimanhrisōt ṭong intheng kha hui akatlung nger sik kae.

ṬŌNTLOHEI 13:30

Tâk-kha thina inphut Pathen in aleikei mathōia,

ṬŌNTLOHEI 13:37

Tâk-kha Pathen in thina inphut amathōipa chunga chu khang’khan leichang mak.

ṬŌNTLOHEI 17:31

Ajârchu akadeisōt mi inkhatpa jâra vânhnōi pumpui hi akadik a ṭong atanna sik kanikhō kha atep jo. Amapa kha thina inphut akei mathōi jo jâra khan hivahi mi rakip hneng malâr manchênna anei jo!”

ṬŌNTLOHEI 2:32

Hiva Jesu khet hi Pathen in thina inphut amathōi jo, khana hiva omchen kasōk khet sâkhi hi keini kankhenga ung kae.

ṬŌNTLOHEI 3:15

Hringna hlam kasâtpa kha nanleithat, tâk thina inphut Pathen in aleimathōi sōt jo, khana khava sâkhi kha keini ung hi kae.

ṬŌNTLOHEI 3:26

Nanṭhat makna inphut nanhe’n hea, nankhenga mahâmṭhat abukna sik chei, Pathen in asōkpa hi akadeia ahma inkeipena nanhnenga ahei tir jo kae.”

ṬŌNTLOHEI 4:10

nankhenga manhret ruh, khana Israel mipui rakip inum manhret ruh, ajârchu hiva nanhma akangirpa hi, nantalei makhei hlon jo tâk thia inphut Pathen in akei mathōi, Nazareth Jesu Christa rahming ratha hratna vânga akadam seng jo kae.

ṬŌNTLOHEI 5:30

Jesu kha thirkir vâng thingrakea nanhembek a nanleithat, tâk kanpi leh kanpuhei Pathen in thina inphut akei mathōi jo.

ROMANHEI 10:9

Nanbei in Jesu kha Rōngpu kae tia nanhri sōt a khana ama thina inphut Pathen in akei mathōi jo tia nanmalung shunga nantaksen inchu, nangni hukmanhring kachang sik chei.

ROMANHEI 14:9

Khava jâra Christa kha akahring leh akathi Rōngpu achangna sik aleikathia aleikathōisōt jo kae.

ROMANHEI 4:24

Ni-Rōngpu Jesu thina inphut akakei inthōipa takkasen, mikadik a arahlâng sik seng eini sik a’m khavakha a’nzet kae.

ROMANHEI 6:4

Pa lûrna rathahrat khan Christa kha thina inphut akei mathōi kapōa eini hringkhōther inkhat a nihringna sik, eini tuihlut a khan ama leh inphûmsap jo me khana athina kha nichenpui sap jo kae.

ROMANHEI 8:11

Thina inphut Jesu akakei inthoi Pathen rathla kha nanshunga a-om inchu, Christa kha thia inphut akakei inthōipa Rathla nanshunga aka-om khan nantaksa akathihei kha hringna ahongpek nôk sik hei.

ROMANHEI 8:34

Khan chu tu’n mo anmani masetna apek sik hei? Akathi jo Christa Jesu khana Pathen changting a’n-onga eini sik akaderpa kha’num tlomak ning.

CORINTHIANHEI INKHATNA 15:12

Tûnchu, Christa kha thina inphut kathōisōt jo ti ṭong hi keini’n kantahrile achang inchu, nankâra mi ṭhahrep in heikhong mo akathi thōi nôkna om mak antati thei sik?

CORINTHIANHEI INKHATNA 15:15

Khava chunga, keini Pathen chungchânga malei kasei akachang jo unga kae, ajârchu ama’n Christa kha thina inphut akei mathōi jo tia kantahri jo kae, tâk akathihei kha kahringa keimathōimak ti hi akadik achang inchu, Christa kha leikei mathōimak jo.

CORINTHIANHEI INKHATNA 15:20

Tâk-kha akadiktak khachu Christa kha thina inphut kathōi jo, hivahi akathia akaje hei kha’m kathōisōt sik heitina manchênna kha kae.

CORINTHIANHEI INKHATNA 15:4

khachu ṭong inthenga a’nzet dungjuia ama thlânna anvûma ni 3 ning kahringa kathōisōt jo;

CORINTHIANHEI INKHATNA 6:14

Pathen in Rōngpu kha thina inphut amanhring jo, khana eini’m aratha hratna vâng amanhring sik me kae.

CORINTHIANHEI INHNINA 4:14

Ajârchu Rōngpu Jesu akahringa akakei inthoi Pathen khan akei mathōi sik ung, khana nangni leh inṭhōia a-âng shunga aṭhōi manhlut sik me ti hi kanmanhret.

GALATIANHEI 1:1

Mihringa inphut leh mihring themna vânga changloa, tâk Jesu Christa leh ama thina inphut akakei inthōipa, Pathena inphut sonle inkhat kachang sik a beksōt, Paul ke’n kaheimazet kae.

EPHESIANHEI 1:20

ama’n thina inphut Christa amathōisōtna leh marvân ram a achangting amanongna sik aleihmang rathahrat inhnak kha leh thakhat kae.

COLOSSIANHEI 2:12

Ajârchu nangni tui hlutna nanchen pha, Christa leh a’nvûmsap jo chei kae, khana tui hlutna khan nantaksen jâra ama thina inphut akakei inthōi Pathen ratha hratna khan nangni’m Christa leh akei mathōisap jo chei kae.

THESSALONIANHEI INKHATNA 1:10

khan chu Pathen hnuk natna ajōng katlung sik a inphut, ani kahuk inhringpa, Pathen khan thina inphut akei mathōi Asapa Jesu kha marvâna inphut ajōng sik nantahngâk hi mi rakip in anhri joa kae.

HEBREWHEI 13:20

Athisen vâng kumsôt intepna chunga mêrchîkna intatkhum Kemōng Kakhem Kalen, ni-Rōngpu Jesu kha thia inphut Pathen in akei mathōi jo. Mōngna Pathen lungdo kha nantlona sik, ama’n akaṭha nanta rangei rakip pek chei rasoh, khana Jesu Christa jâra keini chunga ama tlaina kha intlo rasoh. Khana Christa kha are-rea lûrṭhak rasoh! Amen.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

PETER INKHATNA 1:21

Akathia inphut akei mathōia lûrna apek ama inphut nangni’n Pathen kha nantaksen; khava jâra nangni taksenna leh nan-inhōrna kha Pathen chunga a’nphun inhnet kae.

ṬONGPHÔNG 1:18

Kei akahring ṭhak inkhat eng kha kae! Kei leikathi eng, tâk tûnchu are-rea sik a kahring jo eng. Ke’n thina ram chunga leh thina chunga torna ratha kanei.