ṬŌNTLOHEI 2:22 - LEKHARABU INTHENG (BSI)

²² “Ka-Israel changpui hei, hiva ṭong hi rangei ruh! Pathen in ama a inphut nankâra a’nlak ka-om leh ṭōn-inlak aleitlo rakip khana inphut Nazareth Jesu kha ratha neina inpek ti kha inchên jo. Hivahi nantak khet a nanmanhret, ajârchu hinahin nankâra akasōk kae.

ṬŌNTLOHEI 2:22 ပူးပေါင်းရင်းမြစ်များ

ISAIAH 41:14

Rōngpu’n ati, “Akatlômtek leh ratha katlasam, Israel, nangni ṭimak ruh; ke’n ka’nṭangpui sik chei. Israelhei a’ntheng Pathen kei hi, nankahuk inhring eng kha kae.

MATTHEW 12:28

Beelzebul tapek eng changmak, Pathen Rengram kha nankâra jōng katlungdek jo ti manchênna sik ṭaihei hnongsōt torna ratha hi Pathen Rathla tapek eng kae.

MATTHEW 2:23

Nazareth inti khōpui inkhat a inn avamatung jo; ti chu hivahi sânkathemhei taleihri, “Ama Nazareth mi a’nti sik kae” tina kha huitlungna sik kachang jo.

MATTHEW 9:8

Mipuihei khan kha anhmu pha kaṭi jo hei, khana mihei hnenga hiva kapō torna ratha kha apek jâra Pathen kha anmanpâk jo.

LUKE 11:20

Changmak, ke’n Pathen ratha hratna vâng jôk a ṭai kha kahnong sōt hei kae, hivahin Pathen rengram kha nanhnenga kajōng jo ti hi amanchên jo kae.

LUKE 18:37

Anmani’n ahnenga, “Nazareth Jesu akahong kae,” anti.

LUKE 24:18

Khava pha ankâra arahming, Cleopas intipa khan ahnenga, “Tûnlai kani ṭhahrep shunga Jerusalema omchen kasōk manhret lo khōhme kha nang rōk che mo?” ati.

JOHN 1:45

Philip in Nathanael ahmua ahnenga, “Ama chungchânga Moses’n Dânrabu a amazet leh sânkathemhei talei mazet mipa kha keini’n kanhmu jo; ama kha Nazareth a Jesu, Joseph sapa kha kae,” ati.

JOHN 10:37

Kapa’n amantlo hnōm eng ṭōn kha katlomak inchu, ataksen mak ruh.

JOHN 11:47

Khava jâra Phariseehei leh thempu kalen he’n Sehmang-pachonghei an-inhmupui jo heia, “Heimo nitlo sik? Hiva mipa hin ṭōn-inlak rakip atlosōt jo heiso va-en ruh!

JOHN 12:17

Jesu’n thlânna inphut abeksōt a thina inphut amathōlai Jesu hnenga aka-om mipuihei khan omchen kasōk kha anvahri manthang joa kae.

JOHN 15:24

Ke’n anmani kâra tûte taleitlo phungmak ṭōnhei kha kaleitlo mak achang inchu, ansetnahei jâra masetna antachen mak sik kae; tâk tûnchu anmani’n kaṭōntlo kha anhmu jo khana kei leh kapa kan-inhnia anhōt jo ung.

JOHN 19:19

Pilate in lekha inkhat amazet a thingrake chunga khan antâr, “Nazareth Jesu, Jehudihei Reng.”

JOHN 3:2

Ama jân khat Jesu hneng kahonga, “Rabbi, nang Pathena inphut akajōng Oja che ti keini’n kanmanhret; ajârchu Pathen inthōpui tei loa tûte’n natlo ṭōn inlak-hei hi tlotor mak,” ati.

JOHN 4:48

Jesu’n ama hneng, “Ṭōn kalen leh ṭōn inlak-hei nanhmu mak inchu, ahei tik a tûte’n taksen mak tinnei,” ati.

JOHN 5:36

Tâk-kha John sâkhi tlo kanek a akalen chet kachungchânga sâkhi inkhat ke’n kanei; Kapa khan katlo sik ṭōn apek eng, kaṭōn tlohei khan kei kahlânga ṭong anhria, kapa tahei tirna eng kha’m amalâra kae.

JOHN 6:14

Mihei khan aṭōn inlak tlo kha anhmua anhri, “Kadiktak a ama hi raleichunga akajōng sik Sânkathem kha kae!”

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

JOHN 7:31

Tâk-kha mipui kâra akatamtak in ama antaksena, “Christa ajōng pha leh, hiva mipa tatlo kanek a ṭōn kalen atlo tor sik nâk mo?” antia kae.

JOHN 9:33

Ama Pathena inphut akajōng achangmak inchu, ama’n hiva ṭōn hi atlo tor mak sik kae.”

ṬŌNTLOHEI 13:16

Paul kangirsōt a, akut akalânga, hing’hin ṭong aleihri manphut jo: “Ka-Israel changpui hei leh hina ka-om Pathen inmuk Jât-hlop rakip in eirangei ruh!

ṬŌNTLOHEI 14:27

Antioch antlung jo pha, Bekrup mi rakip ankhôm mantûp heia, anchunga Pathen in atlo pekna hei rakip khana Jât-hlop he’num antaksen theina sik a kot amahlang pekna hei kha anleihri pek jo hei.

ṬŌNTLOHEI 2:19

Marvân chunga ṭōn-inlak katlosōt sik khana raleichunga’m a’nlak heikatlosōt sik. Thisen, hmei, khana hmeikhu kadup kasōk sik;

ṬŌNTLOHEI 2:43

Sonle heia inphut ṭōn-inlak leh mandon hlana hingja le’ntloa mi rakip, kajana leh ṭitna leikasip hei.

ṬŌNTLOHEI 21:28

“Eh Israel mihei! Abôm ruh! Hmun rakip a akasea Israel mipui leh Moses Dân khana hiva Bek-inn kadōia mi rakip mantheina kanei kha hiva mipa hi kae. Khana tûnhin um Bek-inn shunga Jât-hlop hei aheiṭhōi manhlut a hmun intheng hi amanbok a kae!” tia anlei-ôn.

ṬŌNTLOHEI 22:8

‘Tu che mo, Rōngpu?’ tia kaleider. ‘Nasuk manrim Nazareth Jesu eng kae,’ kahnenga aleiti.

ṬŌNTLOHEI 24:5

Hiva mipa hi ṭit ka-om tak chokchi katlo mi kae; ama hin raleichung pumpuia Jehudihei kâra inchok inhângna amasō khana Nazarene inti rup-hei hlamkakei kae.

ṬŌNTLOHEI 26:26

Reng Agrippa! Hivahei hi namanhretsa achang jâra nahnenga kangamtak a kahritor kae. Hiva inkha-khat hei hi namanhret sōpet hei tia inhlamrin eng ajârchu hivahei rakip hi arakir inkhat a marûk a a’ntlo changmak heia kae.

ṬŌNTLOHEI 26:9

“Nazareth Jesu dōina hi katlo tor chenna inṭanghmun lorong tia kabinga kaleimandon.

ṬŌNTLOHEI 3:12

Mipuihei kha Peter in aleihmu hei pha, hing’hin aleihri pek hei, “Eh ka-Israel changpui hei, heisa mo hivahi nanta det-hla, khana heisa mo hinga nanta-en ung? Hiva mipa hi keini ratha neina vâng a-emak leh Pathen kapō kanchang jâra ake kanta manchoitor kachang sik tia nantamandon mo?

ṬŌNTLOHEI 3:6

Peter in ahnenga, “Ke’n sêr heite neimak eng, tâk kanei hi pek che rong: Nazareth Jesu Christa rahminga ke choi roh, tia ṭong kapek che kae,” ati.

ṬŌNTLOHEI 4:10

nankhenga manhret ruh, khana Israel mipui rakip inum manhret ruh, ajârchu hiva nanhma akangirpa hi, nantalei makhei hlon jo tâk thia inphut Pathen in akei mathōi, Nazareth Jesu Christa rahming ratha hratna vânga akadam seng jo kae.

ṬŌNTLOHEI 5:35

Khana ama’n intûpna a’ntûp mihei hneng, “Eh ka-Israel changpui hei, hiva mihei chunga nanṭōn tlo kha insing thei ruh.

ṬŌNTLOHEI 6:14

Khana hiva Nazareth Jesu hin Bek-inn aṭhetsō sik leh Moses inphut ahei inpek nidân rakip hi athleng pet sik a ahri kanthei,” tia anleihri!

CORINTHIANHEI INHNINA 12:12

Kei sonle inkhat kachang manchênna ṭōn-inlak leh det-hlana katamtak nankâra dehrattak a kalei tlosōt jo hei.

HEBREWHEI 2:4

Kha leh inṭhōia Pathen in alungdo dungjuia Rathla Intheng kutchoi kha asempek heia ṭōn-inlak katamtak leh det-hlana hei aleitloa anmani tatlo chunga asâkhi kha aleibesa pek hei.