ṬŌNTLOHEI 19:9 - LEKHARABU INTHENG (BSI)

⁹ Tâk-kha ankâra ṭhahrep hei khachu anrahe kase khana leitaksen mak hei, khana rup pumpui ângkunga Rōngpu hlam chungchânga ṭhatmak ṭong anleihri. Khava jâra Paul in takkasenhei kha anṭhōi heia aleidahlon jo hei, khang’khan ani tina 11 a.m. a inphut 4 p.m. katlung Tyrannus inti ṭonghrina innden a houlim aleitlopui hei.

ṬŌNTLOHEI 19:9 ပူးပေါင်းရင်းမြစ်များ

RENGHEI INHNINA 17:14

Tâk-kha anmani’n aṭong juidek mak hei, anmani Rōngpu an-Pathen akataksenmak, anpu anpahei kapōa anracham kase.

THUHMINGHEI INHNINA 30:8

Anmani kapōa ṭong inngeimak changmak ruh, tâk-kha Rōngpu kha jui ruh. Rōngpu nan-Pathen in ahei tik a sik amanthengsōt Jerusalem Bek-inna hong ruh, khana nanchunga ahnuk anat nôk makna sik a kamuk ruh.

THUHMINGHEI INHNINA 36:16

Tâk-kha anmani’n Pathen ṭongkarônhei kha sem manlona annei heia anṭonghri donpek mak hei khana asânkathemhei kha anmanuisō pek hei, khana achaina amihei chunga Rōngpu hnuk natna kha inhnak hêr joa inkhatbek tlânsōt tor mak jo hei.

NEHEMIAH 9:29

Nang mantheina hei kha anjuina sik a gîkna napek hei, nadân jui sik kha hringna hlam achangjen ravâng, inlensaktak a nadânhei kha anhlonsōt hei. Anrahê kasea naṭong rangei mak hei.

HLAHEI 95:8

“Meriba hmun a nanpu sōnhei kapōa khan nanracham manse mak ruh, Massa nêrdiram a anleiom lai kapō kha angmak ruh.

ṬONGCHÎK-HEI 8:34

Ka-inn hlutna kot hnenga ani tina aka-om ṭhak hei; ka-inn hlutna hnenga ani kahngâk ṭhak hei, kaṭong inngei mihei kha inpâkna anchen sik.

ISAIAH 8:14

Kei ṭit ka-om tak inthengna jâra, kei hi mihei inpaina hlungpui inkhat ka-ang eng; kei hi Judah leh Israel rengram khana Jerusalem mihei in-ôkna sik châng ka-ang eng.

JEREMIAH 19:15

Chunghnung Rōngpu, Israel Pathen in ahri kha kamanthei jo hei, “Ke’n hiva khōpui leh ahneng vena khō kalenhei chunga karâkna pek sik heia kalei ti rakip kha katlosōt sik, ajârchu anmani anracham kase, khana kaṭong rangei mak heia kae.”

JEREMIAH 7:26

Kha’num tûte’num rangei mak chei, khana donmak chei. Khava kanek a, nanpu-nanpahei kakhe chet a nanracham intak khana nankhe maṭang kasea kae.

MATTHEW 15:14

Anmani chunga nanmalung manrim mak ruh! Anmani hmitkachohei hi hmitkachohei hlamkakeihei kae; hmitkacho inkhat in hmitkacho inkhat hlam akei inchu, an-inhnibât a khur kōk a akatla sik hei kae.”

MATTHEW 16:4

Tûnlaia mihei hi heituk a akaṭhamak leh Pathen kadonmak jo hei mo! Nangni’n mêrchîkna ṭōn-inlak inkhat malâr sik a nantader eng mo? Changthei mak! Nangni hnenga mêrchîkna ṭōn-inlak inkhat rōk a’npe sik chei khachu Jonah ṭōn-inlak kha kae.” Khan chu ama’n adahlon heia kase jo.

MATTHEW 26:55

Khava pha Jesu’n mipuihei hneng, “Dân kajuimak inkhat kasur sik kapōa chemjâm leh sung inthōa kei kasur akahong chei mo? Ani tina bek-inna in-ong enga kalei manthei chei; aleisur mak chei.

JOHN 12:40

“Anhmit in ahmu makna sik leh anmalung in amanhret makna sik, Pathen in anhmit amancho pek hei, anmalung akhârsi pek hei, khana ke’n anmani kamandamna sik hei kahnenga ho’nle mak hei ning, Pathen in ati.”

ṬŌNTLOHEI 11:26

Ama’n avahmu pha, Antioch ting aleiṭhōia kum khat katluk set a an-inhnia Bekrup mipuihei anle’nhmupui hei khana rup kalen he’m anleimanthei hei. Takkasenhei kha Christian tia bekna masa pen hei hi Antioch a inphut kae.

ṬŌNTLOHEI 14:4

Khava khōpui mihei kha rup hnia le’nṭhen jo hei: ahlek in Jehudihei langa, khana ahlek in Jât-hlop hei langa.

ṬŌNTLOHEI 17:4

Ankâra mi ṭhahrep anhri manhnōm heia Paul leh Silas kahnung anleijui jo; khang’khan hlamkakei nuhmei katamtak leh Pathen inmuk Greek mi katamtak he’n anleijui jo hei.

ṬŌNTLOHEI 19:23

Hiva laitak hin Rōngpu ṭōnhlam chungchânga Ephesus shunga bōina inhnaktak kasōk jo.

ṬŌNTLOHEI 19:30

Paul inchu mipuihei hmaikunga vase sik aleimadu, tâk takkasen he’n leimanse mak jo hei.

ṬŌNTLOHEI 20:31

Khava jâra insing thei ruh, khana kum 3 katluk set, sûn leh jân tiloa hmit-rathli pum a nangni inkha-khat mantheina kaleinei chei kha mandonsōt ruh.

ṬŌNTLOHEI 22:4

Hinghiva Hlam a akase hei kha thina katlunga suk manrimna kaleipek hei. Nuhmei leh pase kasur heia kurkhum shunga kaleikhum hei.

ṬŌNTLOHEI 24:21

an-ângkunga kangir shunga kahrisōt inkhat lim khachu: ‘Nangni he’n tuninga kaṭong nantanna ajâr hichu akathi hi akahringa kathōi nôk sik ti hi kataksen jâra kae,’ kalei ti.”

ṬŌNTLOHEI 28:22

Tâk-kha namalung mandon kha kanthei hnōm ajârchu hmun rakip a mihe’n hiva nang loiruphei chunga hin dōina ṭong anhria kae.”

ṬŌNTLOHEI 7:51

“Heituk a rahe kase jo chei mo!” Stephen in abân ahri manjōm nôk. “Nanmalung hi heituk a a’nthengmak mo, nankōr hi Pathen ṭong rangeina sik a heituk-hrep akaset jo mo! Nangni nanpi leh nanpuhei kapō chei kae: Rathla Intheng hi nangni’n nanlating ṭhak a kae!

ṬŌNTLOHEI 9:2

Rōngpu Chônhlam kajuihei ahmu pou he’nchu, nuhmei-pase ṭhenloa asur heia Jerusalemting aheikei male theina sik, Damascus a intûpna innpuia hnōm pekna lekha amazet pek roh tia avader.

ROMANHEI 11:7

Khan chu heimo? Israel mihe’n anta-enpen kha leihmu tor mak hei. Akahmu sōt hei, Pathen in akadeisōt hei kha, rup katlômtek rōk hei kae; alakseng chu Pathen bekna heia khan ankōr kasak a kae.

ROMANHEI 9:18

Khava jâra Pathen in amadudu chunga lungset maritna aneia, racham kase amanchang hnō-hnōm kha racham kasea asyem kae.

CORINTHIANHEI INKHATNA 16:9

Hiva hmun a hin anikadōi antam inum ṭōn kalen leh rahōi kasōk tlona sik hi kot inhlânga kae.

TIMOTHY INKHATNA 6:5

khana a’ndon theimak hei leh dikna kaneimak hei leh bânglo jena inkhena amannei ṭhak a kae. Anmani’n bekṭong hi haona sik hlam inkhat a anmandona kae.

TIMOTHY INHNINA 1:15

Phygelaus leh Hermogenes inveina, Asia ram a mihei seng in antadahlon jo eng kha nang in namanhret a kae.

TIMOTHY INHNINA 3:5

khana avângting rōk nibekṭong kha anmatu sik, tâk aratha neinakhet khachu anhlonsōt sik. Khang khava miheia inphut sesōt roh.

TIMOTHY INHNINA 4:2

ṭong kha nahrilena sik, phôngsōtna sik a, mi mansena sik a (aphatak achang inum, achangmak inum), mi jôrna, mi rakôkna, mathokna, mansena, khana dehratna rakip leh manthei hei roh.

HEBREWHEI 3:13

Khava kanek a, nankâra tûte inkhat setna’n ahōn mathlâk makna sik leh amalung asak makna sik, ṭong inthenga “Tuning” inti kha eini chunga manngan achanglai seng nangni khat leh khat ani tina a’nthō nger sik chei kae.

PETER INHNINA 2:12

Hiva mihei hin avângphông mandonna vâng ṭōn antlo, ramsha kapōa sur heia that sik hrep a a’ntet hei kae; antamanhret phâk hêrmak hei kha anmanuisō heia kae. Ramshahei kapōa suk manhmang sik hei kae,

PETER INHNINA 2:2

Kha achang inum, mi katamtak in an-omchen kadikmak kahnung antajui sik kae; khana anmani ṭōntlo jâra akadik hlam kha mihe’n antahri maset sik kae.

JUDE 1:10

Tâk-kha hiva mihei hinchu antamanhret phâkmak heirakip kha anhrimaset; anmanuisō, khana ranhring kapōa aphônga manhretna antaneitak khan asukset heia kae.