ṬŌNTLOHEI 17:5 - LEKHARABU INTHENG (BSI)

⁵ Tâk-kha Jehudi ṭhahrep anthang kase joa hnemna kase, hlamlena akalôn lele hei kha anchom heia mipui inchokna anleitlo jo. Anmani’n khōpui pumpui anmanbōicher joa Paul leh Silas jongsōt heia mipui ângkunga keisōna sik a Jason intipa inn kha anleibuhlu jo.

ṬŌNTLOHEI 17:5 ပူးပေါင်းရင်းမြစ်များ

HLAHEI 35:15

Tâk-kha kei ka’nreng pha, anmani ankhenga lei-inpâk hei, kakimvea intûp heia sem tlona annei eng; khōhme he’n anvōk eng anvōk manjôn eng.

HLAHEI 69:12

Hlampuia kei ṭong rōk anhri manchōr, khana ju inrui he’n hla anphō khum eng.

ṬONGCHÎK-HEI 14:30

Malung kadaia om hin taksa amandama kae, tâk thang kasehrat hi kenser nat kapō kae.

ISAIAH 26:11

Nang inrepui he’n karâkna napek sik hei kha manhret mak hei. Rōngpu, inzakna pek hei roh, inrenghei rasoh; nang in namantluk karâkna kha khōdeng theipui hei rasoh. Namihei heituk a nalungset hei mo ti kha manhmu hei roh.

MATTHEW 27:18

Jehudi hlamkakei he’n ahnenga Jesu anta heipek sōt hi achunga anthang set jâra kae ti hi amanhret joa kae.

ṬŌNTLOHEI 13:45

Mipui intûp kha Jehudi he’n anhmu hei pha, thangsetna leikasip jo heia Paul ṭonghri hei kha andema inzakna anleipek jo.

ṬŌNTLOHEI 14:19

Pisidia ram a Antioch a inphut leh Iconiuma inphut akahong Jehudi ṭhahrep in, mipuihei kha anlangting anleijôr mathlâk heia, Paul kha hlung vâng andenga, kathi jo tia anmandon jâra khōpui vângting anleikeisōt jo.

ṬŌNTLOHEI 14:2

Tâk-kha takkasenmak Jehudihei khan Jât-hlop hei kha ankachok heia takkasenhei kadōi anmanchang hei.

ṬŌNTLOHEI 17:13

Tâk-kha Thessalonica a ka-om Jehudi he’n Berea khana’m Paul in Pathen ṭong aphông jo ti ṭong anthei pha kahong heia mipuihei kha anmathok heia anmanchōr jo hei.

ṬŌNTLOHEI 17:6

Tâk-kha anhmumak hei pha, Jason leh takkasen alak-hei kha khōpui vaikarônhei ângkunga ankei heia, “Hiva mihei hin ahmun rakip a inchok inhângna anmasō! Tûn nôk hin kankhōpuia kahong heia,

ṬŌNTLOHEI 17:7

Jason in a-inna amathlung hei. Anmani’n Caesar dân heirakip ansukkhōia, Jesu inti Reng hlop inkhat ka-om anti,” tia ka-ông hei.

ṬŌNTLOHEI 17:9

Vaikarônhei khan Jason leh aralak-hei kha masō anchangna sik sêr anmantei heia, anmasō jo hei.

ṬŌNTLOHEI 18:12

Gallio kha Achaia ram a Rome vai karôna matungsōt aheichang pha, khana ka-om Jehudihei kha intûp heia, Paul kha ansura, ṭongtan hmun a anleiṭhōi.

ṬŌNTLOHEI 19:40

Ajârchu tuninga ṭōn asōksō kahnunga hinchu, inchokna insō hei kae tia nichunga themmô antapek sik me ṭit ka-om tak inkhat laka-om. Hiva inhângna chungchânga hin rangei mandam om mak ning khana eini’n ajâr kadik inkhat pek tor mak min.”

ṬŌNTLOHEI 7:9

“Jacob sahei khan ansōpuipa, Joseph chunga thangsetna anhongneia Egypt ram a sōk kachang sik a anleijōr. Tâk-kha Pathen in aleiompui

ROMANHEI 16:21

Kaṭōn tlopui Timothy in achibei ahei manrôn chei, khana ka-Jehudi changpui hei, Lucius, Jason, Sosipater he’n chibei anheitlo chei.

CORINTHIANHEI INKHATNA 3:3

Heijâra mo niti’nchu tûn katlung taksa ralei mihei kapōa lakahring chei. Nankâra thangsetna khat leh khat innâkna a-om pha, khava khan nangni vânhnōi om ngaia nanhring jâra ama ta chei kae ti malârmak mo?

CORINTHIANHEI INHNINA 11:26

Khōhme kalônna hmun katamtak a tuilena, inru mikachom heia, Jehudi changpui heia Jât-hlop heia inphut khōdengthei katamtak karatō; khōpui shunga, ram thōia, tui-ôngpui chunga, ṭhōn kadikmak heia inphut khōdengthei inrimna katamtak karatō joa kae.

GALATIANHEI 5:21

anmani in-enkada hei, ju-inruihei, inlensak hei, hinghiva omchen ralak antlo heia kae. Hma inkeia kapōa tûn karakôk nôk chei kae: hinghiva omchen katlo he’n Pathen rengram kha antachen mak sik kae.

GALATIANHEI 5:26

Eini khat leh khat chunga a’nlensak mak sik me khana hnuk a’nnattō mak sik me khana thang a’nsettō hêrmak sik me kae.

THESSALONIANHEI INKHATNA 1:6

Nangni’n keini leh Rōngpu omchen kha nantamanchu kae; nangni’n khōdeng theina katamtak nande ravâng, Rathla Inthenga inphut inpâkna ṭong akajōng kha nanchen joa kae.

JAMES 4:5

Ṭong intheng in hinga ahri hi adikna heite om mak tia mandon mak ruh, “Pathen in nishunga adapek me rathla khan ṭit ka-om tak madu rangeina kasip hêra kae.”

ṬONGKATANHEI 9:4

Anmani’n Intepna Baal bek-inna inphut dangka 70 anpek a; khava sêr vâng khan mikase rup khat anek heia akahnung amanjui jo hei.