ṬŌNTLOHEI 16:5 - LEKHARABU INTHENG (BSI)

⁵ Khang’khan Bekrup-hei kha taksenna langting kangar chet-chet heia anmija um ani tina inbesa chet-chet jo hei.

ṬŌNTLOHEI 16:5 ပူးပေါင်းရင်းမြစ်များ

THUHMINGHEI INHNINA 20:20

Abâna jîngkâr hmatak a mipuihei kha Tekoa hnenga ramhânga kasōk jo hei. Anmani se anphut pha, Jehoshaphat in hiva ṭong vâng hin mansena anei hei: “Judah leh Jerusalem mipuihei! Nan-Pathen Rōngpu hnenga nantaksenna kha da ruh, khan chu nanraleia khan kangirtor sik chei. Ama sânkathemhei mantheina chei kha taksen ruh, khan chu hme nansō sik.”

ISAIAH 7:9

Israel in Samaria khōpui kanek a akahrat chet changmak, khana Samaria kha Reng Peka kanek a akahrat chet changmak. “Nantaksenna a’njônjet mak inchu, nangni’m injônjet a omṭhak mak tin.”

ṬŌNTLOHEI 11:21

Rōngpu ratha hratna’n a’nthloppui heia, mi katamtak in taksenna anleinei khana Rōngpu langting he’nhe jo hei.

ṬŌNTLOHEI 12:24

Khava shung heia khan Pathen ṭong kha inzersōt a kakhang joa kae.

ṬŌNTLOHEI 15:41

Syria leh Cilicia ahroa kasea, Bekrup-hei kha aleisuk manhnet heia kae.

ṬŌNTLOHEI 2:47

Pathen manpâkna leh inṭhōia mi rakip hri manṭhatna kha anleichen. Khang’khan hukmanhringna kachen jo hei rup kha ani tina Rōngpu’n abesapek ṭhak heia kae.

ṬŌNTLOHEI 4:4

Tâk-kha anṭonghri kathei mi hingja’n antaksena mihring 5,000 kapō leikapungsa hei.

ṬŌNTLOHEI 5:14

Achang ravâng Rōngpua taksenna kanei nuhmei, pase kakhea heikahlut chet jo hei.

ṬŌNTLOHEI 6:7

Khang’khan Pathen ṭong kha abân bâna inzer chet-chet jo. Jerusalema’m sonle kha kapungsa chet-chet jo hei, khana thempu katamtak inum khava taksenna kha anleirahlâng jo.

ṬŌNTLOHEI 9:31

Khang’khan Judea, Galilee khana Samaria pumpuia bekrup-hei chunga mōngna leikaleng. Rōngpu kajana’n vai arôn leh inṭhōia Rathla Intheng inthōpuina jâra anratha leikahrat khana anja um leikapung jo.

ROMANHEI 16:25

Eini’n Pathen hneng lûrna kha perih! Nangni taksenna kha Jesu Christa chunga Ṭong kaṭha kahrile dungjuia leh khava kum kasôttak ale’nthup a ka-om a’n-ip ṭong kadik a’nphôngsōt dungjuia ama’n kahnet a amanngir tor cheia kae.

CORINTHIANHEI INKHATNA 15:58

Khava jâra kasōpui marit hei, inhlinglo jena kahnet a ngir ruh. Rōngpu razenna nanṭōn tlo kha môk a inhmang mak ning ti namanhret jo jâra, Rōngpu jâra nanṭōn tlona kha insaler ṭhak ruh.

GALATIANHEI 5:1

Christa’n eini ning leh hnōma amasō jo me, khava ning leh hnōm kha nichen jo kae! Khava jâra ning leh hnōmtak a ngir ruh, khana sōk changna sik, nanbinga hnōm nôk mak ruh.

COLOSSIANHEI 2:6

Nangni’n Jesu Christa kha Rōngpua nantahnōm jo achang jâra, ama leh inchun a hring ruh.

THESSALONIANHEI INKHATNA 3:13

Hing’hin nangni ratha amanngarpek sik chei, khana ni-Rōngpu Jesu kha amihei seng leh inṭhōia ajōng pha, ni-Pa Pathen hmaikunga nangni a’ntheng leh pui katluk kachang sik jo chei.

THESSALONIANHEI INKHATNA 3:2

Khava pha Christa Ṭong kaṭha hrina Pathen ṭōn kantatlopui nisōpui Timothy kantahei tir jo kae. Nangni taksenna ting nanngarna sik a nan-inthōpui sik kantahei tir kae,

THESSALONIANHEI INHNINA 2:16

Ani’nlungset leh amaritna vâng akatlasam mak ratha hrokna leh inhōrna kahnet anikapek ni-Pa Pathen leh ni-Rōngpu Jesu Christa khet khan,

HEBREWHEI 13:9

Akadik hlam a inphut ahlopdet mantheina akadik mak khan ṭhōi mak chei rasoh. Thlaisâk chunga dân jui kha changloa, Pathen maritna shunga ratha a ngarna chen sik kha kaṭha jôk; khana dân kajuihei kha’n inthōpuina heite chendek mak heia kae.

PETER INKHATNA 5:10

Tâk-kha nangni’n pha bongkhat inrimna nande pha, Christa leh inchunna shunga kumsôt a lûrna kachen sik a nankabekpa, Pathen amatak in pui amathluk sik chei khana akahnet, ratha kahrat, ngirna hmun inkhat apek sik chei.