ṬŌNTLOHEI 16:1 - LEKHARABU INTHENG (BSI)

¹ Paul kha abân bâna kasea Derbe leh Lystra katlung jo, khava hmun a khan Timothy inti Christian inkhat leika-om. Anu kha’m Jehudi Christian inkhat kae, tâk apa khachu Greek mi kae.

ṬŌNTLOHEI 16:1 ပူးပေါင်းရင်းမြစ်များ

EZRA 9:2

Jehudi he’n jât-hlop mihei nuhmei an-ompui hei, khava jâra Pathen mi intheng hei kha kachok jo hei. Hlamkakei leh vaikarônhei kha apuipena akasukṭhe hei kha kae.

ṬŌNTLOHEI 14:1

Iconiuma kha’num khang tlit a leikasōk: intûpna innpuia Paul leh Barnabas kase heia anṭonghri them jâra khan Jehudi leh Jât-hlop katamtak akataksen loi hongkachang jo hei

ṬŌNTLOHEI 14:21

Derbea khan Paul leh Barnabas in Ṭong kaṭha anphônga mi katamtak sonle anleimanchang hei. Khang’khan Lystra, Iconium khana Pisidia ram a Antioch katlung kha anvachōn malet nôk a kae.

ṬŌNTLOHEI 14:6

Khava ṭong kha sonle he’n anthei pha Lycaonia shunga Lystra leh Derbe khōpui heia leh akimve ram shunga katlân jo hei.

ṬŌNTLOHEI 17:14

Inrangtak a takkasen he’n Paul kha tui-ôngpui pangting anvathaksōt jo; tâk Silas leh Timothy chu Berea a khanga leika-om hei.

ṬŌNTLOHEI 18:5

Macedonia a inphut Silas leh Timothy anheitlung pha khan chu, Jehudihei hneng Jesu hi Messiah kae tia ṭong phôngsōtna leh sâkhi pekna Paul in apha nei rakip aleipek sōt a kae.

ṬŌNTLOHEI 19:22

Khava jâra ama Asia ramṭhen shunga pha bongkhat a-om shunga ama inthōpui 2, Timothy leh Erastus hei kha Macedonia ting aleitir hei.

ROMANHEI 16:21

Kaṭōn tlopui Timothy in achibei ahei manrôn chei, khana ka-Jehudi changpui hei, Lucius, Jason, Sosipater he’n chibei anheitlo chei.

CORINTHIANHEI INKHATNA 16:10

Timothy nanhnenga ajōng inchu, nankâra malung kamōnga a-omna sik kaṭha leiratō ruh; ajârchu ama’m kei kapōa Rōngpu ṭōnkatlo kha kae.

CORINTHIANHEI INKHATNA 4:17

Khava sik a ke’n, Christian hringkhōa lungset leh taksen ka-om tak kasapa khet Timothy nanhnenga kahei tir kae. Ke’n Christa leh inchunna shunga hringkhōther kajui leh hmun rakip a bekrup-hei hneng kamanthei hei chôndân kha nanmandonsōtna sik ama’n avea amanthei sik chei.

CORINTHIANHEI INKHATNA 7:14

Ajârchu akataksenmak puise kha anuhmei leh an-omsap jâra Pathen hnōm pekna achen, khana akataksenmak nuhmei kha apuise leh an-omsap jâra Pathen hnōm pekna achen a kae. Kha alei changmak inchu ansahei kha Pathen ka-ôimak hei sa ka-ang sik hei; tâk hinga akachang ansahei khachu Pathen talothei kachang hei.

CORINTHIANHEI INHNINA 1:1

Pathen lungdoa, Christa Jesu sonle inkhat Paul, khana nisōpui Timothy in, Corinth a Pathen bekrup hneng, khana Achaia ram pumpuia Pathen mi rakip hei hneng kantahei mazet kae:

CORINTHIANHEI INHNINA 1:19

Ajârchu Pathen Sapa, Jesu Christa kha, Silas, Timothy, khana kei khet in nankâra kantalei phôngsōt khachu, “Ôk” leh “Dâng” kha changmak. Khava kanek a ama chu, Pathen in “Ôk” ati kha kae;

PHILIPPIANHEI 1:1

Christa Jesu sōk Paul leh Timothya inphut, Christa Jesu leh a’nchun hei, bekrup hlamkakeihei leh bekrup inthōpui hei leh inṭhōia Philippia ka-om Pathen mi rakip hei hnenga:

PHILIPPIANHEI 2:19

Pathen lungdo achang inchu, nanṭong kathei pha karatha ahrok theina sik, Timothy nanhnenga inranga kahei tir tor sik tia inhōrna kanei.

COLOSSIANHEI 1:1

Pathen manṭhatna dungjuia Christa sonle inkhat kachang Paul leh nisōpui Timothya inphut,

THESSALONIANHEI INKHATNA 1:1

Paul, Silas khana Timothya inphut, Pa Pathen leh Rōngpu Jesu Christa ta kachang, Thessalonica bekrup mihei hneng kantahei mazet chei kae: Maritna leh malung mōngna nanta chang rasoh.

THESSALONIANHEI INKHATNA 3:2

Khava pha Christa Ṭong kaṭha hrina Pathen ṭōn kantatlopui nisōpui Timothy kantahei tir jo kae. Nangni taksenna ting nanngarna sik a nan-inthōpui sik kantahei tir kae,

THESSALONIANHEI INKHATNA 3:6

Tûnchu Timothy nanhnenga inphut he’nle jo, khana nantaksenna leh nanlung setna vâng nanlei ratōna ṭonghei kha kanhnenga ahei rôn joa kae. Nangni’n keini ahei tik a akaṭha hlam a nanlo ung khana keini’n nangni kantahmu hnōm chei kapōa nangni’num keini nanhmu hnōm ung tia ahri pek ung.

THESSALONIANHEI INHNINA 1:1

Paul leh Silas khana Timothy, Heia inphut Pathen leh ni-Rōngpu Jesu Christa ta kachang, Thessalonica bekrup mihei hneng kantahei mazet kae.

TIMOTHY INKHATNA 1:18

Kasa, Timothy, hiva ṭongpek hi nang kangense che kae, hivahi hmalaia sânkathem in nang chunga aleihrisōt dungjuia kae. Nang kaṭhatak a re natukna sik khava ṭonghei kha nare hmangchâk manchang hei roh,

TIMOTHY INKHATNA 1:2

Taksenna shunga kasapa kadik Timothy hneng kaheimazet kae: Pa Pathen leh ni-Rōngpu Jesu Christa’n lungsetna, maritna, khana lung mōngna pek che rasoh.

TIMOTHY INHNINA 1:2

Kasapa marit Timothy hneng kahei manrôn che kae: Pa Pathen leh ni-Rōngpu Jesu Christa khan lungsetna, maritna leh lung mōngna pek che rasoh.

TIMOTHY INHNINA 1:5

Malung inthengtak a nataksenna kha kamandonsōt, napi Lois leh nanu Eunice hei taksen je hei kha’m kamandonsōt. Nang inum khava taksenna kha nanei ti inchênna kahlamrina kae.

TIMOTHY INHNINA 3:11

kei inrim thōkna, leh kei inrengna hei nahmu jo. Khan chu Antioch a, Iconiuma, Lystra a ṭit ka-om tak suk manrimna kalei thōk kha namanhret. Tâk-kha heirakip a inphut Rōngpu’n alei huksōt eng.

PHILEMON 1:1

Jesu Christa jâra kurkhum a ka-om, Paul leh nisōpui Timothya inphut, Kanṭhōnpa leh kanṭōn tlopui Philemon hnenga,

HEBREWHEI 13:23

Nisōpui Timothy kurkhum a inphut masō achang jo hi nantamanhret sik kamadu. Ama inrangtak a ahong tlung bei inchu, nangni leh inhmuna sik a kahong pha, amale he’nṭhōi sik ung.