ṬŌNTLOHEI 14:1 - LEKHARABU INTHENG (BSI)

¹ Iconiuma kha’num khang tlit a leikasōk: intûpna innpuia Paul leh Barnabas kase heia anṭonghri them jâra khan Jehudi leh Jât-hlop katamtak akataksen loi hongkachang jo hei

ṬŌNTLOHEI 14:1 ပူးပေါင်းရင်းမြစ်များ

MARK 7:26

Khava nupuinu kha Syria ram a Phoenicia ramtlâk a a’nte Jât-hlop mi inkhat kae. Amanu khan asanua inphut ṭai kha Jesu’n ahnong sōt pekna sik aleingek.

JOHN 12:20

Revei shunga Jerusalema Pathen inmuk sik a Greek mi ṭhahrep um leikase hei.

JOHN 7:35

Jehudi hlamkakei he’n anmani kâra anhri, “Khon mo akasea eini’n ama nihmu mak sik hi? Jehudihei omna Greek khōpuia akasea Jehudihei ava manthei sik hei mo?

ṬŌNTLOHEI 11:21

Rōngpu ratha hratna’n a’nthloppui heia, mi katamtak in taksenna anleinei khana Rōngpu langting he’nhe jo hei.

ṬŌNTLOHEI 13:43

Mipui he’n khava inkhômna a inphut ansōksōt pha, Jehudi katamtak hei leh Jehudihei bek ka-ôi Jât-hlop katamtak he’n Paul leh Barnabas kha anleijui jo hei. Sonlehei khan Pathen maritna shunga akahring anchang ṭhakna sik a mathokna anleinei hei.

ṬŌNTLOHEI 13:46

Achang ravâng kangam chet a Paul leh Barnabas in kaṭongsōt jo hei: “Nangni hnenga Pathen ṭong hi hri masa pen sik arangei. Tâk-kha nanrahlâng mak jâra leh kumsôt hringna kachen sik a nanbinga rahōi kasōkmak a nan indon jâra, kantadahlon cheia Jât-hlop hei hnengting jôk akase sik jo ung kae.

ṬŌNTLOHEI 13:5

Salami inti hmun antlung pha, intûpna innpuia Pathen ṭong anleihri. John Mark kha anṭōn kabôm sik a anle’nṭhōi.

ṬŌNTLOHEI 13:51

Anchunga malung tlaimak jâra sonlehei khan ankea vaiphin kha ankathing mathlâk khum heia Iconiumting kase jo hei.

ṬŌNTLOHEI 14:19

Pisidia ram a Antioch a inphut leh Iconiuma inphut akahong Jehudi ṭhahrep in, mipuihei kha anlangting anleijôr mathlâk heia, Paul kha hlung vâng andenga, kathi jo tia anmandon jâra khōpui vângting anleikeisōt jo.

ṬŌNTLOHEI 14:2

Tâk-kha takkasenmak Jehudihei khan Jât-hlop hei kha ankachok heia takkasenhei kadōi anmanchang hei.

ṬŌNTLOHEI 14:21

Derbea khan Paul leh Barnabas in Ṭong kaṭha anphônga mi katamtak sonle anleimanchang hei. Khang’khan Lystra, Iconium khana Pisidia ram a Antioch katlung kha anvachōn malet nôk a kae.

ṬŌNTLOHEI 16:1

Paul kha abân bâna kasea Derbe leh Lystra katlung jo, khava hmun a khan Timothy inti Christian inkhat leika-om. Anu kha’m Jehudi Christian inkhat kae, tâk apa khachu Greek mi kae.

ṬŌNTLOHEI 16:2

Lystra leh Iconiuma ka-om takkasen rakip in Timothy kha anleihri manṭhat.

ṬŌNTLOHEI 17:12

Mi katamtak in anleitaksen khana kalen kahrâng Greek nuhmei hingja leh pase katamtak he’num anleitaksena kae.

ṬŌNTLOHEI 17:17

Khava jâra kamukna innpuia Jehudihei leh Pathen inmuk Jât-hlop hei, khana tetlânga ani tina akalônle mihei a’nhoulimpui hei.

ṬŌNTLOHEI 17:4

Ankâra mi ṭhahrep anhri manhnōm heia Paul leh Silas kahnung anleijui jo; khang’khan hlamkakei nuhmei katamtak leh Pathen inmuk Greek mi katamtak he’n anleijui jo hei.

ṬŌNTLOHEI 18:4

Jehudihei leh Greek-hei malung surna sik a Châmhngat kani akaia kamukna inna kasea houlim aleineipui hei.

ṬŌNTLOHEI 18:8

Intûpna inna hlamkakei Crispus intipa leh a-innshung mi rakip in Rōngpu antaksen jo; khava ṭong kha Corinth a ka-om milak he’num antheia, antaksena, tui kahlut jo hei.

ṬŌNTLOHEI 19:10

Khava Asia ramṭhen shunga ka-om mi rakip, Jehudi leh Jât-hlop in Rōngpu ṭong antheisōna sik a kum 2 katlung khang’khan atlo manjôna kae.

ṬŌNTLOHEI 19:17

Hivahi Ephesus ka-om Jehudi leh Jât-hlop rakip in anthei pha kaṭi jo hei, khana Rōngpu Jesu rahming hi kalen chet a kajana anpek jo.

ṬŌNTLOHEI 19:8

Paul kha intûpna inna leikahlut a thla 3 shunga kangamtak a mipuihei hneng ṭong aleihri, houlim atlopui hei khana Pathen Rengram chungchânga anhnōm theina sik tak aleitloa kae.

ṬŌNTLOHEI 2:47

Pathen manpâkna leh inṭhōia mi rakip hri manṭhatna kha anleichen. Khang’khan hukmanhringna kachen jo hei rup kha ani tina Rōngpu’n abesapek ṭhak heia kae.

ṬŌNTLOHEI 20:21

Jehudihei leh Jât-hlop hei hneng in-angtlinga ansetna inphut Pathen langa anhong inhena sik leh ni-Rōngpu Jesu antaksenna sik a khôk saktak a kaleihri pek hei.

ṬŌNTLOHEI 21:28

“Eh Israel mihei! Abôm ruh! Hmun rakip a akasea Israel mipui leh Moses Dân khana hiva Bek-inn kadōia mi rakip mantheina kanei kha hiva mipa hi kae. Khana tûnhin um Bek-inn shunga Jât-hlop hei aheiṭhōi manhlut a hmun intheng hi amanbok a kae!” tia anlei-ôn.

ṬŌNTLOHEI 9:20

Ama intûpna innpuia kasehrek a Jesu hi Pathen sapa kae ti hi aphông manphut jo.

ROMANHEI 1:16

Kei Christa ṭong kaṭha sik a inzak mak eng; hivahi ahma inkeipena Jehudihei, khana Jât-hlop he’m akataksen rakip hukmanhringna sik Pathen rathahrat kha kae.

ROMANHEI 10:12

Hinahin mi rakip invei jo, ajârchu Jehudi leh Jât-hlop inkhetna heite om mak. Pathen chu mi rakip Rōngpu inkhat rōk kha kae khana akabek rakip hneng katluk a vâng apek hei.

GALATIANHEI 2:3

Ke’n ka’nthlop pui Titus hi, Greek mi inkhat achang ravâng, avun tan ngerna sik a tlomak eng,

GALATIANHEI 3:28

Khava jâra sōk leh akapu, nuhmei leh pase, Jehudi leh Jât-hlop ṭhenna sik heite om mak jo; nankhenga Jesu Christa leh inchunna shunga pumkhat rōk kachang jo chei.

COLOSSIANHEI 3:11

Khava jâra, Jât-hlop leh Jehudi, vuntan leh vuntanlo, mikase, akatlasam, sōk leh masōhei, heite in-ang makna om mak; tâk Christa kha heirakip kae, heirakip a Christa kha kae.

TIMOTHY INHNINA 3:11

kei inrim thōkna, leh kei inrengna hei nahmu jo. Khan chu Antioch a, Iconiuma, Lystra a ṭit ka-om tak suk manrimna kalei thōk kha namanhret. Tâk-kha heirakip a inphut Rōngpu’n alei huksōt eng.