ṬŌNTLOHEI 12:7 - LEKHARABU INTHENG (BSI)

⁷ Manhret manloa Rōngpu ngeva jōng kangira, kurshung kha vâr in ara-âng jo. Ngeva khan Peter dâr kha akanok a aleimathō, “Inrang roh! Thōi roh!” aleiti. Khava laitak a khan a’nkhitna thirkehrui hei kha akut a inphut insōt a katla jo.

ṬŌNTLOHEI 12:7 ပူးပေါင်းရင်းမြစ်များ

SAMUEL INHNINA 22:29

Rōngpu, nang kavâr che kae; kei inthimna kha nahnong sōt pek eng.

RENGHEI INKHATNA 19:5

Thingkung thōia kajea, kaje hnger jo. Manhret manloa ngeva inkhat in atak atôna ati, “Thōi roh khana sâk jo roh.”

RENGHEI INKHATNA 19:7

Rōngpu ngeva kha he’nlea vōi 2 changna ava mathōia ati, “Thōi ina sâk roh ajârchu nahlam jōn sik hi kasei hêr sik.”

HLAHEI 107:14

Anmani kha inrengna leh inthimna inphut aheiṭhōisōt hei khana anthirhrui hei kha asuk manchip pek jo hei.

HLAHEI 116:16

O, Rōngpu, kei nasōk eng kae; kanu tatlo kapōa, ke’n nang karazen che. Nang in thina inphut nahuksōt eng.

HLAHEI 146:7

mi takahnur hei kasan a ṭong atan, von kaṭâm hei kha bu apek hei. Rōngpu’n khuma ka-om hei kha amasō hei

HLAHEI 34:7

Rōngpu kajana kaneihei kha angeva’n ahngâk hei khana thina theia inphut ahuksōt hei.

HLAHEI 68:6

Ama’n binga akalôn hei kha omna sik inn apek hei khana kurkhum shunga aka-om hei kha kahōia amasō hei, tâk akadōihei khachu mi tadahlon ram a ka-om sik hei.

ISAIAH 37:30

Khava sōa Isaiah’n reng Hezekiah hneng ahri, “Hivahi nang sik a heimo ahong kasōk sik ti mêrchîkna akachang sik kae. Tûnkum leh abâna kum a ram thōia ahong inra kara kha nansâk sik, tâk abâna kum nôk joa khan chu nang in naram shunga hmuchi thlaichi nanvora nankhôma nantasâk sik kae. Khan chu vomhrui rahōn nanthlōa akara nasâk sik.

ISAIAH 60:1

Thōi roh, Jerusalem, khana kanivâr kapōa, vâr roh; Rōngpu lûrna kha nachunga jōng kavâr jo.

JEREMIAH 40:1

Rehlam kakeipa Nebuzaradan in Rama khōa kei aleimasō eng pha khan Rōngpu’n kahnenga ṭong aleihri pek eng. Jerusalem leh Judah ram a khum mi sik a Babylona antakei hei leh inṭhōia thirhrui vânga ankhit enga anleiṭhōisap ung.

EZEKIEL 43:2

khana khan Israel Pathen omna vâr kadi rik-rak nisōtinga ajōng kha kahmu. Pathen kare kha tuipui rasa kapōa inhnak, khana raleia vâr kadi rik-rak a inlâr.

DANIEL 3:28

Rengpa’n ahri, “Shadrach, Meshach, khana Abednego hei Pathen manpâk ruh! Ama’n angeva ajōng tira ama inzen leh akataksen mihei hi ahuksōt hei kae. Anmani’n kaṭong pek juimak hei khana an-Pathen tei loa pathen ralak hneng inkuna kamuk sik kanek a anhringkhō inrimna jôk kha anthōk.

DANIEL 6:22

Shabakkai he’n kei anitôn makna sik Pathen in anbei kakhâr sik angeva ajōngtir. Ama’n hivahi atlo kae, ajârchu Reng Kalûr, kei ṭhena neimak eng khana nang hnenga dikmak tlomak eng ti hi amanhret a kae.”

MICAH 7:9

Keini Rōngpu kadōia setna kanleitlo jo, khava sik a tûnchu pha chomkhat sik a ahnuk natna kha kantade sik kae. Tâk-kha achaina ting chu ama’n keini ahrung sik ung khana kanchunga ṭhenahei kha amandikpek sik ung. Khōvâr hmun a aṭhōi sik ung, khana ama huksōtna kahmu theia kahring sik ung.

HABAKKUK 3:11

Nathe kâp kayâng kavâr ja-jap khan nakasei vor kadi liplep khan kani leh thla amanngir hnâm hei.

HABAKKUK 3:4

Khō inphe kavâr kha leh inṭhōia ama kahong; khava arathahrat inthupna akut a inphut vâr kha heikasōk.

MATTHEW 2:13

Anmani ansesō kahnunga, Rōngpu ngeva inkhat Joseph rahmanga jōng inlâra ahnenga, “Herod in naite hi that sik a ajong sik. Achang jâra thōi inna naite kha anu leh Egypt ram a ṭhōi jo ruh, khana ke’n ṭong kapek nôk mak kârseng chei sōn va-om ruh,” ati.

LUKE 2:9

Anhnenga Rōngpu ngeva kha jōng inlâra, Rōngpu lûrna khan anchunga ara-âng manvâr hei. Anmani kaṭihêr jo hei,

LUKE 24:4

Khava chunga inhmak a anngirlai, manhret manloa pōn kachek kasi pase 2 anhnenga jōng kangir hei.

ṬŌNTLOHEI 10:30

Cornelius in ati, “Ni 3 kathleng jo, tûn pha radona, khōhlei pung 3 a hiva ka-inna hin derna kaleinei. Sōkphutrōia pōn kavâr kasi pase inkhat kahmai kunga hong kangira,

ṬŌNTLOHEI 12:23

Herod khan Pathen kajana leh lulenna apek mak jâra, khavatak a Rōngpu ngeva’n avōk mathlûk a khang’khan rahlung in asâk a kathi jo.

ṬŌNTLOHEI 12:6

Herod in Peter kha mipui ângshunga ṭhōisōt sik tia atep ning amak hma jân a khan, Peter kha akahngâk sepei 2 hei kâra leikaje. Ama kha thirhrui 2 vâng anleikhit, khana kur kot kha’m sepei he’n kaṭhatak a anleihngâk.

ṬŌNTLOHEI 12:8

Khava pha ngeva khan, “Nakhōnkir inkir ina, nakekōk inchōng roh,” atipek. Aleihri pek kapōa Peter in atloa, ngeva khan avea, “Nazakkō inse kha inkō ina kakahnung heijui roh,” aleiti.

ṬŌNTLOHEI 16:26

Sōkphutrōia lingnu inhnaktak hong innok a, khava kurkhum innhmun katlunga aleikanok jo. Khava phatak a kot rakip inhlâng jo, khana khum mihei khitna thirhrui rakip leikatla sōa kae.

ṬŌNTLOHEI 2:24

Tâk-kha Pathen in ama kha thina inphut akei mathōi jo, khava ratha neina inphut a amasō jo; ajârchu ama kha thina khan akhum tor sik leichang mak.

ṬŌNTLOHEI 5:19

Tâk-kha khava jânbât a khan Rōngpu ngeva’n kur kekot kha amahlânga, sonlehei kha amasō heia, hing’hin aleihri pek hei.

ṬŌNTLOHEI 9:3

Saul in Damascus khōpui kha aheiphâk tingvet, manhret manloa thangvâna inphut vâr inkhat in akimve kha aheikakho jo.

EPHESIANHEI 5:14

ajârchu heirakip inchêntak a a’nlârna kha vâr kha kae. Khava jâra hing’hin inhri: “Akaje nang, ṭhang jo roh, thina inphut ṭhōisōt roh, khana Christa khan nang chunga hong kavâr sik.”

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

ṬONGPHÔNG 18:1

Hivasōa marvâna inphut ngeva ahlop inkhat ajōng kaṭum ke’n kahmu. Ama ratha anei hranghra, khana ara-âng in ralei pumpui asat manvâra kae.