ṬŌNTLOHEI 10:4 - LEKHARABU INTHENG (BSI)

⁴ Ṭitpum a ngeva kha a-en kanga, “Heimo kae, apu?” aleiti. Ngeva khan ati, “Naderna leh nami bômna ṭōn chunga Pathen malung katlai jo, khana masôn sik chea intluk jo.

ṬŌNTLOHEI 10:4 ပူးပေါင်းရင်းမြစ်များ

THUHMINGHEI INHNINA 32:24

Khava pha khan Reng Hezekiah kha hongkana jo khana kathivet jo. Ama’n derna anei, ama hongdamna sik a mêrchîkna inkhat Rōngpu’n ahei pek.

THUHMINGHEI INHNINA 6:33

anderna kha theipek hei roh. Na-omna marvâna khan leirangei hei roh khana natlopek sik a anderna che kha tlopek hei roh, nami Israelhei tatlo kapōa, vânhnōia mihe’n anmanhret chea naṭong anjuina sik. Khan chu hiva kei tasaksōt Bek-inn hi nang kamukna sik hmun kae tia anhong manhret sik jo.

HLAHEI 141:2

Kaderna kha marim kahōi kapōa arahlâng pek roh, kakut kalâng hei kha khōhlei inthoina kapōa eilopek roh.

HLAHEI 20:3

Natōkna rakip rahlâng pek che sona, khana na’nthoina rakip amalung tlaina chang rasoh.

ISAIAH 43:26

“Eini ṭongtan hmun a se rih; nang maset pekna eng kha heichoi roh! Akadik nanchangna manchênna ṭong kha phôngsōt ruh!

ISAIAH 45:19

Ke’n marûk a ṭong hrimak eng, achangmak leh kamantlukna kha thup mak eng. Kei Israel mihe’n ramchi inhmangna shunga antajong sik eng kha madu mak eng. Kei Rōngpu eng kae, ke’n akadik kha kahri kae; akadik mi’n anmanhretna sik a katlo kae.”

DANIEL 10:11

Ngeva khan kahnenga ati, “Daniel, Pathen in alungset che. Ngir ina ke’n heimo kahri sik kha malung kahlut a rangei roh. Nahnenga kei ajōngtir eng kae.” Ama’n hi ahrisōa, kei kangirsōt eng, khava katlung kei le’nnok eng.

LEVI-DÂN 2:2

khana Aaron innshunga thempuhei hneng ahei choi sik kae. Rōikaver sik thempu khan jâmdi kut maja khat leh thai leh marim katui rakip kha aloa maichâm chunga aro manvâm sik, hivahin akhenga Rōngpu hneng intōk jo tina kachang sik. Hiva thlai tōkna marim hi Rōngpu tlaina kae.

MALACHI 3:16

Khan chu Rōngpu kaṭit seng khat leh khat inbek hei, khana Rōngpu’n an-inbekna kha arangei heia athei pek hei. Ama hmaikunga, lekha inkhat shunga Rōngpu kaṭit leh kajana kaneihei rahming kha anmazet manhlut jo.

MATTHEW 26:13

Tûnchu, kadiktak a kahri pek chei kae, hiva ṭong kaṭha hi raleichunga anhrina hmun rakip a, amanu mandonsōtna inkhat a aṭōn leitlo hi a’nhriṭhak sik jo kae.”

LUKE 1:29

Ngeva ṭongrôn khan Mary kha amalung inrim hêr jo, khana heitina jo mo tia adet-hla jo.

LUKE 24:5

Nupuihei kha kaṭirei jo heia thōiting anhmai anmaluk jo, khahei khan anhnenga, “Heisa mo nangni’n akahring kha akathihei kâra nantajong?

ṬŌNTLOHEI 10:31

‘Cornelius! Naderna kha Pathen in athei pek jo che khana nami bômna hei kha’m amanhret pek jo che.

ṬŌNTLOHEI 14:9

In-onga Paul ṭonghri kha aleirangei. Kadam sik eng tia taksenna anei kha Paul in ahmu jâra, kasang kanga a-enna,

ṬŌNTLOHEI 22:10

‘Rōngpu, heimo katlo sik jo?’ tia kader pha Rōngpu’n, ‘Inding ina Damascus a se roh, khana khava hmun a khan Pathen in natlo sik amantluk pek che rakip kha anhri pek sik che’ anileiti pek eng.

ṬŌNTLOHEI 3:4

Anmani’n kasang kanga an-ena, khana Peter in, “Keini ahei-en roh” aleitipek!

PHILIPPIANHEI 4:18

Khava jâra, hivahin nankutchoi pek eng rahlângna lekha kha ka-om, ahmangna sik kakhea katam jo! Tûn Epaphroditus in nankutchoi rakip ahei rôn pek enga madu rangei rakip kachen jo! Hihei hi Pathen hnenga a’ntōksōt arahlângthei inthoina marim katui kapō hei kha kae.

PHILIPPIANHEI 4:6

Heite inkhat chunga malung inrimna neimak ruh, tâk nanderna rakip a manpâkna malung leh inṭhōia nanta madu rangei kha derṭhak ruh.

HEBREWHEI 13:16

Khat leh khat inbômtōa ṭōn kaṭha tlo sik mahngi mak ruh; ajârchu Pathen malung tlaina sik inthoina kha hi kae.

HEBREWHEI 6:10

Pathen kha akadik katlomak changmak. Ama’n nanṭontlo leh nan-Christian changpui hei tûn katlunga nanpek heia, nanbôm heia, ama sik a lungsetna nantamalâr hei kha mahngi mak ning.

ṬONGPHÔNG 8:4

Khana Pathen mihei derna leh inṭhōia ro mankhutna marim katui akhu kha ngeva kut chunga inphut Pathen ângshunga kaketoua kae.

SAMUEL INKHATNA 3:10

Rōngpu kha kajōnga khan kangira amak hma kapōa abek jo, “Samuel! Samuel!” Samuel in amasôn, “Heihri roh; nasōkpa’n karangei.”