ṬŌNTLOHEI 1:16 - LEKHARABU INTHENG (BSI)

¹⁶ “Kasōpui akataksenhei, Jesu kasur mihei hlam heikaṭhōi Judah chungchânga amak hma Rathla Intheng in David beia aleimanhrisōt ṭong intheng kha hui akatlung nger sik kae.

ṬŌNTLOHEI 1:16 ပူးပေါင်းရင်းမြစ်များ

SAMUEL INHNINA 23:2

Rōngpu rathla khan keia inphut ṭong ahri; aṭong hri kha kahner heia kachōng.

RENGHEI INHNINA 15:12

Khava jâra Rōngpu’n Reng Jehu hnenga ale’ntepna: “Nasōn-napâr he’n, khang 4 katlunga Israel reng hongkachang sik hei,” tina kha hui katlunga kae.

HLAHEI 41:9

Kaṭhōn kaṭhapen, kataksenpen inkhat, bu kasâkpuisap inkhat khan, kei kadōia inṭang joa kae.

MATTHEW 26:14

Khava pha sonle 12 hei kâra inkhat Judas Iscariot intipa kha thempu kalenhei hneng kasea

MATTHEW 26:47

Jesu’n khanga ahrilai, 12 hei kâra Judas kha heikatlung jo. Ama leh mi katamtak in chemjâm leh sung anheichoia thempu leh upahei mansena thōia kahong jo hei.

MATTHEW 26:54

Tâk khanga achang inchu hinga kasōk sik tia Ṭong intheng taleihri kha heikhong mo hui akatlung sik?”

MATTHEW 26:56

Tâk hihei seng hi sânkathem he’n ṭong inthenga antamazet kha huitlungna sik a akasōk jo kae,” ati. Khava sōa sonlehei seng in ama andahlona katlân jo hei.

MARK 12:36

David kha Rathla Intheng in amathok a amanhri: “Rōngpu khan ka-Rōngpu hneng ati: Na’ndōipui hei nakethōia kadamak kârseng, Kachangting hin in-ong roh.”

MARK 14:43

Jesu’n khanga ṭong ahrilai, 12 hei kâra Judas kha hong katlung jo. Ama leh inṭhōia mipuihei kha chemjâm leh sung inthōa thempu kalenhei leh Dân ojahei khana upahe’n anhongtir jo hei.

LUKE 22:47

Sonle 12 hei kâra Judah hlamkeina mipui kha anjōngtlung jo pha Jesu chu ṭong aleihriṭhak a leika-om. Ama’n Jesu kha majôp sik a ahei hnai.

JOHN 10:35

Ṭong intheng tahri khachu ahei tik a kadik ṭhak ti eini’n nimanhret; khana aṭong intheng karônhei kha Pathen in pathenhei atia kae.

JOHN 13:18

“Ke’n nangni nankhenga chungchânga kahri changmak; ke’n kakadei jo hei kha kamanhret hei. Tâk-kha ṭong inthenga, ‘Kabu kasâkpui mi kha kakadōia inṭang,” inti kha hui akatlung nger sik kae.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

JOHN 19:36

Ṭong intheng taleihri, “Aru inkhat rōk tlek mak ning,” inti kha hui atlungna sik a omchen kha akasōk kae.

ṬŌNTLOHEI 1:20

“Ajârchu Hlarabu a hing’hin inzet: ‘A-inn kha inn karam chang rasoh; Akahlō sik tûte om mak rasoh.’ Hing’hinum inzet: ‘Aṭōn hmun hi tu mo inkhat in thleng rasoh.’

ṬŌNTLOHEI 13:15

Moses dân a inphut leh sânkathemhei tamazet heia inphut teisōtna anneisō pha; intûpna innpuia vaikarônhei khan: “Sōpuihei, mathokna ṭonghri sik nannei inchu nanta hripek sik ung kanmadu,” tia ṭong anleimanthei hei.

ṬŌNTLOHEI 13:38

Kasōpui Israelhei, nanhnenga setna rangei mandamna ṭong kantahrile hi Jesua inphut kae ti hi nantamanhret sik a kanmadu; khana tu achang inum ama kataksen rakip hei khachu Moses Dân in amasōtor mak jo setna inphut masō akachang sik hei kae.

ṬŌNTLOHEI 15:13

Anṭonghri a’nchai pha, James kha heikaṭong, “Rangei ruh kasōpuihei!

ṬŌNTLOHEI 15:7

Pha kasôttak inhmutōna anneisōa Peter kangirsōt a ahri, “Sōpuihei, Jât-hlop he’n Ṭong kaṭha hi antheia antaksenna sik, anhnenga ṭong kaphông sik a nankâra inphut Pathen in akadeisōt eng hi nanmanhret pet.

ṬŌNTLOHEI 2:23

Aṭōn mantluk dungjuia Pathen in Jesu kha nankut chunga pek sōt sik a ṭong mathlâkna aleinei; khana makhei hlon sik a set kaneihei kut a nanphesōt a nanleithat jo.

ṬŌNTLOHEI 2:37

Mipuihei khan hivahi anthei pha, anmalung leikadong hêr jo, khana Peter leh sonle lak-hei hneng, “Heimo kantatlo sik, sōpuihei?” anleiti!

ṬŌNTLOHEI 22:1

“Kasōpui Jehudihei, nan-ângkunga hiva ka’nhrungna ṭong hi arangei pek ruh!”

ṬŌNTLOHEI 23:1

Sehmang-pachonghei kha Paul in kasang kanga a-en heia ahri, “Eh kasōpui Israelhei! Pathen hmit-hmua tuning katlunga kahringna hlam hro chungchânga kamalunga dik leh dikmak ṭhen theina hi pui katluk a la’ntlam senga kae.”

ṬŌNTLOHEI 23:6

Mipuihei kha ṭhahrep Sadduceehei khana ahlop khat in Phariseehei anchang kha Paul in ahmu sōt pha, Sehmang-pachong intûpna kâra khan ka-ônga ati, “Kasōpui Israelhei! Kei hi Phariseehei sapa Pharisee eng kae. Akathi kathōi nôk sik tia inhōrna kanei jâra hiva hmun a hin kaṭong antan eng hi kae!”

ṬŌNTLOHEI 28:17

Ni 3 sōa Paul in akhō kanei Jehu-di hlamkakei senghei kha intûpna sik a aleibek hei. Anhe’ntûp pha, ama’n anhnenga ati, “Kasōpui, Israelhei, nimipuihei leh nipusōn heia inphut nihongchen jo Dân kadōia tloset heite kaneimak ravâng, kei hi Jerusalema kurkhum mi anleimanchang eng khana Romanhei kut a anleipek sōt eng.

ṬŌNTLOHEI 28:25

Khava jâra, ankâra inhnōmtōna omloa, Paul in hiva inkhat hi ahrisō pha anleidahlon jo: “Nanpu sōnhei hneng Isaiah Sânkathema inphut Rathla Intheng in heituk kaṭha a ṭong aleihri mo!

ṬŌNTLOHEI 7:2

Stephen in hing’hin aleimasôn: “Kapa dôrhei leh kasōpuihei, rangei ruh! Nikachoi Abraham kha Harana avaka-om sik a aleise mak hma Mesopotamia hmun a khan ahnenga akalûr Pathen kha le’nlâra,

PETER INKHATNA 1:11

Anmani’n apha kha heitik, khana heikhonga ajōng katlung sik kha jongsōtna sik le’nṭang hei. Christa Rathla anshunga aka-om khan aleikhing pek hei, Christa’n inrim ade sik leh abâna alûrna sik hridekna kha hiva pha hi kae.

PETER INHNINA 1:21

Ajârchu sânsōt sik ṭong kha mihring lungdoa inphut hongsōk phungmak, tâk Rathla Intheng in mihei chunga ṭōn atloa Pathena inphut akajōng ṭong kha antasânsōt kae.

PETER INHNINA 2:21

Anmani’n akadik hlam kha anmanhret sōa ṭongpek inthenga inphut an-inhesōt nôk sik kanek a antamanhret hêrmak sik kha akaṭha jôk kae.