ṬONGPHÔNG 8:7 - LEKHARABU INTHENG (BSI)

⁷ Ngeva hma-inkei khan apengkun atum jo. Hmei leh kahre, thli leh inṭhōia heikasōk a khavakha raleichunga ajōng hlon mathlâk jo. Khana raleichung sem thuma sem khat, thingkung sem thuma sem khat, kahardông sem thuma sem khat kakâng jo.

ṬONGPHÔNG 8:7 ပူးပေါင်းရင်းမြစ်များ

HLAHEI 105:32

Khōsûr sik kahlânga anrama khan kahre leh khō inphe ajōngtir jo.

SŌKSŌT 9:33

Moses’n rengpa kha adahlon jo, khōpuia inphut kasesōt jo, chungting akut akalânga Rōngpu hneng derna anei. Khō inri, kahre katla leh khō kasûr kabâng jo hei.

ISAIAH 28:2

Rōngpu’n ratha kaneitak akahrat anmani kabuhlu sik a a’ntluk mi inkhat anei, thlipui, khō leh kahre inthō inkhat kapōa, khō kasûr inhnak kapōa, tuitlân inhnak leh heirakip akachûmsō kapō mi inkhat kae, khana raleichung asuksetsō sik kae.

ISAIAH 29:6

Chunghnung Rōngpu’n thlikhō inphe leh lingnu innok leh inṭhōia ahuksōt sik che. Khan chu thlipui leh hmei kasûk ajōngtir sik hei;

ISAIAH 30:30

Rōngpu’n alûrna kare rasa leh ahnuknat rathahrat kha mi rakip amanthei et sik hei. Khana khan hmei male, sumtuk kapōk-khōi, kahre leh khō kasûr inhnak kasōk sik.

ISAIAH 32:19

(Tâk-kha, ratu shunga kahre kha katla sik khana khōpui kha akeimanset sik kae).

EZEKIEL 38:22

Ama kha hrise leh thisen sōkna vânga karâkna kapek sik. Khōsûr inhnak leh kahre katla, inṭhōia hmei leh kât, ama leh aremihei khana ahnenga ka-om jât katamtak hei chunga bunthlōn sik hei kae

JOEL 2:30

“Khava kani ninga sik thangvân leh raleichunga gîkna kapek sik; khana khan thisen sōkna, hmei kângna, hmeikhu sipna ka-om sik.

JAMES 1:11

Kani ahong inshâng pha, kahar kha aset mankânga, apâr kha amanvōi, khana aṭhatna kha kaṭi jo. Khava kapōa mikahao kha’m inveina sik anse anhongna a’nhmang sik hei kae.

JOSHUA 10:11

Amor he’n Israel remi heia inphut tlâng rakanna ting antlânlai, Azekah kajōna antlânlai, Rōngpu’n kare-hlung kalen tatak anchunga ajōng mathlâk a kae. Hlungkare khan Israelhei tathat kanek a athatdet heia kae.

PETER INKHATNA 1:24

Ṭong intheng in hing’hin ahri: “Mi rakip kahar kapō hei kae, Khana anlûrna rakip kha’m ram a reipâr kapō hei kae. Kahar kha kachâr ri, khana reipâr kha kaṭōi ria kae,

ṬONGPHÔNG 12:4

Ama khan arahmei vâng bōirōk a ârsi sem thuma sem khat raleichunga akei mathlâk a kae. Khana nuhmeinu nai jōng matet sik kha ajo’ntet lim leh made loina sik, nuhmeinu hmaikunga ama kangir ṭhak a ka-om.

ṬONGPHÔNG 16:2

Ngeva hma-inkei kha kasea athlengkam kha raleichunga abun mathlâk jo. Ranhring limsyem inmuk hei leh achîkna aja a’nzet kanei chunga ṭit ka-om leh nat inhnaktak akapōr hong inlâr jo.

ṬONGPHÔNG 16:21

Mihring chunga kilograme 50 kakhea akahrik kahre bōirōk a inphut jōngkatla. Khana khava kahre tasuk manrimna kha a’nhnakrei jâra mihe’n Pathen anhâksêra kae.

ṬONGPHÔNG 6:8

Khana ke’n ka-ena shakor akadângper inkhat leika-om. Khava shakor chunga kachōngpa rahming kha akathi inti, khana kathikhō he’n akahnung ahei juia kae. Anmani kha raleichung sem manlia sem khat re vâng, ṭâm vâng, natse vâng, khan chu ramsha vâng thatna sik a torna ratha anpek jo hei.

ṬONGPHÔNG 7:1

Khava sōa raleichung tui-ôngpui chung, thingkung rakip chunga thli heite ahrâng makna sik raleichung thli 4 intu ngeva 4 ralei rakir 4 a akangir kahmu hei.

ṬONGPHÔNG 9:15

Ngeva 4 hei kha amasō jo hei; khava ngevahei kha mihring rakip sem thuma sem khat kathatsō sik a tûn phatak a tuning kanitak a tûn thlatak a tûn kumtak a intlukdek jo hei.

ṬONGPHÔNG 9:18

Khava shakorhei beia ahei kasōk: hmei, hmeikhu, kât, hrise 3 hin mihring sem thuma sem khat athat jo hei.

ṬONGPHÔNG 9:4

Khana anmachea Pathen mêrchîkna a’ntatmak mihei antasukset tei loa, phi kadông, thingkung, kahar inkhat rōk um antatôn mak sik a anmani kha ṭong anpek heia kae.