ṬONGPHÔNG 8:3 - LEKHARABU INTHENG (BSI)

³ Khana ro mankhutna sik kasip sana thlengkam kanei ngeva hlop inkhat kahonga maichâma hong kangira kae. Len in-ongna hmaikunga maichâm chunga Pathen mihei derna leh inṭhōia ro mankhutna sik marim katui hingja ama kha anpek a kae.

ṬONGPHÔNG 8:3 ပူးပေါင်းရင်းမြစ်များ

RENGHEI INKHATNA 7:50

kōkleihei, thaihmei sêmthatna hei, thlengkamhei, marim katui rona thlenghei, hmeira-ê choina khâng hei; Hmun Inthengpen kot leh Bek-inn vângtinga kot-hei kapacha hei. Hiva hmangchâk-hei seng hi sana vânga ansyem hei kae.

HLAHEI 141:2

Kaderna kha marim kahōi kapōa arahlâng pek roh, kakut kalâng hei kha khōhlei inthoina kapōa eilopek roh.

SŌKSŌT 40:26

Sana maichâm kha Pōn-inn shunga ada jo, pinden hmatak a khan.

ISAIAH 6:6

Khava pha ranhringhei kâra inkhat in maichâma hmeira-ê in-ât inkhat cheiche vâng akachep a kahnenga heikajōng.

EZEKIEL 41:22

akapōzek inkhat ka-om. Khavakha metre inkhat leh aher inshâng khana metre inkhat inpâk. Khava arakira kacho kha, khava intungna akung kha, khana asir-apang kha, thing rōk vânga ansyem. Mipa khan kahnenga ati, “Hivahi Rōngpu omna matungsōt dokhâng kha kae.”

AMOS 9:1

Maichâm hnenga Rōngpu kangir kha ke’n kahmu. Ama’n ṭong ahei pek: “Bek-inn innchunglêr kha rahnak a vōkrakhông ruh, sumpuk akhenga a’nnokna sik. Vōkkhōi una mihei luchunga tlâk hei rasoh. Alakseng hei kha rehmun a kathatsō sik hei. Tûte’num sōksōt tor mak hei ning; inkhatbek um tlânsōt tor mak hei ning.

MALACHI 1:11

Raleichung inchaina inkhat a inphut inkhat katlunga mihe’n kajana annei eng. Hmun rakip a bero anro mankhut a khana rahlângthei sik inthoina antōk eng. Ankhenga kei ankaja eng.

MIJAHEI 4:11

Abânna sana maichâm chunga khan rahmurei pōn inkhat anpha a, shavun kaṭha inkhat anmakhu sik a kha, khava sōa akadomna thingtlōn antathōn sik kae.

LUKE 1:10

marim kahōi maichâma avarolai, mipuihei kha vânga derna anneia leika-om hei.

ROMANHEI 8:34

Khan chu tu’n mo anmani masetna apek sik hei? Akathi jo Christa Jesu khana Pathen changting a’n-onga eini sik akaderpa kha’num tlomak ning.

HEBREWHEI 7:25

Khana ama’n tûnum ahei tik a’m ama inphut Pathen hneng akahong hei sik a hukmanhringna atlo tor, ajârchu anmani sik Pathen hneng akader sik a ahei tik a kahring ṭhak a kae.

HEBREWHEI 9:4

Khava shunga khan marim katui ro mankhutna, sana maichâm leh Intepna Bôm sana vâng a’ntōm inkheng ka-om. Khava Intepna Bôm shunga khan marvân thlaisâk manna dana sanabe, Aaron khōnghre abō kacher leh intepna ṭong inzet hlungpek 2 ka-om.

ṬONGPHÔNG 10:1

Khava sōa ngeva ratha kaneitak ahlop inkhat sumtuk vâng a’ntōm, alu kimvea saisûm takake khum ahmaisō kani ka-ang. Khana ake hmei chopui kapō, marvâna inphut ajōng kaṭum ke’n kahmu.

ṬONGPHÔNG 14:18

Khava pha, maichâma hmei katinta, ngeva hlop inkhat heikasōk. Ama’n kôite kangeijap kanei hneng khan rasa inhnaktak a a-ôn, “Nakôite hmang ina, raleichunga vomhrui theihei kha ṭhōt jo hei roh!”

ṬONGPHÔNG 5:8

Khanga ama’n avalo pha, ranhring 4 leh upa 24 hei kha kemōngte hma inkun heia kae. Anmani’n serângdâr inkhat et leh Pathen mihei derna marim katui kasip sana thlengkam kha anchoia kae.

ṬONGPHÔNG 6:9

Khava sōa kemōngte khan 5 tlukna achîkna intat kha asuk khōia amahlang. Pathen ṭongkahri inthanglele, ansâkhi tlona chunga taksenthei kachang, anta leithat jo hei rathlahei maichâm thōia an-om kha ke’n kahmu.

ṬONGPHÔNG 7:2

Khana akahring Pathen mêrchîkna leh inthoia nisōtinga akajōng ngeva ahlop inkhat ke’n kaleihmu. Ama’n ralei leh tui-ôngpui kasukset sik a Pathen in ratha apek ngeva 4 hei kha rasa inhnaktak a abek heia

ṬONGPHÔNG 8:4

Khana Pathen mihei derna leh inṭhōia ro mankhutna marim katui akhu kha ngeva kut chunga inphut Pathen ângshunga kaketoua kae.

ṬONGPHÔNG 8:5

Khana ngeva khan ro mankhutna thlengkam kha aloa, khana maichâm hmei kha asun mansip a, khana raleichunga ajōng hlon mathlâk a kae. Khava pha khōjang kapōk rasa intheia, khō inphea, khana lingnu innok a kae.

ṬONGPHÔNG 9:13

Khava sōa ngeva 6 tlukna khan apengkun atuma, Pathen ângshunga a’ntung sana maichâm rakir 2 a inphut rasa inkhat ke’n kathei.