ṬONGPHÔNG 8:12 - LEKHARABU INTHENG (BSI)

¹² Khava sōa ngeva 4 tlukna khan apengkun atum jo. Kani leh thla khana ârsi sem thuma sem khat asuk manset jo, khava jâra anvârna kha sem thuma sem khat inhmang jo; khang’khan sûn leh jân sem thuma sem khat kajing joa kae.

ṬONGPHÔNG 8:12 ပူးပေါင်းရင်းမြစ်များ

ISAIAH 13:10

Ârsi khana ârsi rup-hei akavâr hei kha vârmak jo hei ning, khana kani ahei sōk pha inthim sik, khana thla kha’m vârmak jo ning.

ISAIAH 24:23

Thla kha inthim sik jo, khana kani kha’m vârmak jo ning, ajârchu Chunghnung Rōngpu kha Reng kachang sik jo. Ama Zion Tlâng chunga Jerusalema vai arôn sik jo, khan chu mipui hlamkakei he’n alûrna kha anhmu sik jo.

JEREMIAH 4:23

Raleichung kaleithlir, inhmangna rōk kahmu; chungvân kaleithlir, vâr leiom mak.

JOEL 2:10

Hmating anjōn pha ralei innok; thangvân innok a kae. Kani leh thla hong inthim, ârsi vârlep mak jo hei.

JOEL 2:31

Ṭit ka-om Rōngpu kani kha ahong mak hma kani inthimpak sik, khana thla kha thisen kapōa kasen sik.

JOEL 3:15

Kani leh thla inthim sik, khana ârsi vârmak jo hei ning.

AMOS 8:9

Sûnṭima kani kamathlak sik khana sûn pha ralei kamanthimna sik pha kha kahong sik. Chunghnung Rōngpu ke’n kahri jo.

MATTHEW 24:29

“Khava khōdeng theina kani a’nchaisōtak leh kani inthim sik, thla vârmak ning, ârsi marvâna inphut katla sik hei, khana bōirōk a ratha hratna hei kha anhlam hroa inphut hnongsōt sik hei kae.

MATTHEW 27:45

Sûnṭimtak a inphut ram pumpui chunga pung 3 Kahlut a khō inthim jo.

MARK 13:24

“Khōdeng theina a’nchaisō pha kani hong inthim sik, thla vârmak jo ning,

MARK 15:33

Sûnṭimtak a inphut ram pumpui khō inthim in amakhusi jo, khavakha pung 3 katlung khanga leikati jo.

LUKE 21:25

“Kani leh thla khana ârsi chunga omchen inlak hong kasōk sik. Raleichung ram rakip mihei malung inrim sik khana tui-ôngpui leh tui in-nông rasa anṭit sik.

ṬŌNTLOHEI 2:20

Rōngpu kani kalûr leh kalenpen ajōng tlung mak hma kani inthim sik, khana thla’m thisen kapōa kasen sik.

CORINTHIANHEI INHNINA 4:4

Anmani kha hiva raleichung pathen kadikmak in, anmalung kha amanjing pek hei jâra anmani’n antataksen mak kae. Pathen kapōhrep kachang Christa lûrna ṭong kaṭha a inphut, anchunga ajōng kavâr vâr kha anmani’n anhmu makna sik, raleichung pathen khan ada heia kae.

ṬONGPHÔNG 12:4

Ama khan arahmei vâng bōirōk a ârsi sem thuma sem khat raleichunga akei mathlâk a kae. Khana nuhmeinu nai jōng matet sik kha ajo’ntet lim leh made loina sik, nuhmeinu hmaikunga ama kangir ṭhak a ka-om.

ṬONGPHÔNG 16:10

Khava sōa ngeva 5 tlukna khan athlengkam kha ranhring len in-ongna chunga abun mathlâk jo. Khava Ranhring rengram rakip chunga khō inthim jo, khana mihe’n annat ande hla a anmalei ansekhang jo,

ṬONGPHÔNG 6:12

Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.

ṬONGPHÔNG 9:15

Ngeva 4 hei kha amasō jo hei; khava ngevahei kha mihring rakip sem thuma sem khat kathatsō sik a tûn phatak a tuning kanitak a tûn thlatak a tûn kumtak a intlukdek jo hei.

ṬONGPHÔNG 9:18

Khava shakorhei beia ahei kasōk: hmei, hmeikhu, kât, hrise 3 hin mihring sem thuma sem khat athat jo hei.