ṬONGPHÔNG 8:1 - LEKHARABU INTHENG (BSI)

¹ Khana Kemōngte khan achîkna intat 7 tlukna kha asuk khōia amahlâng pha, pung khat leh aher kapō, pha bongkhat marvâna kadai hngera kae.

ṬONGPHÔNG 8:1 ပူးပေါင်းရင်းမြစ်များ

JOB LEKHARABU 4:16

Khana khan heimo inkhat akangir kahmu; ke’n inlaktak a ka-en, tâk heimo ti hri tor mak eng. Khava pha adai hngerna shunga rasa inkhat kathei:

HLAHEI 37:7

Dehrat roh khana Rōngpu ṭōn tlo sik kha hngâk roh; mikahaohei chunga khan malung manchâm mak roh, a-emak leh anmani ṭhatmak ṭōn mantlukna hei hme ansō jâra malung hōimakna neimak roh.

HLAHEI 62:1

Kei kahuk sik a Pathen kha malung kahlut a kaleihngâk; ama hneng rōk inngâi eng.

HABAKKUK 2:20

Rōngpu kha a Bek-inn inthenga ka-om; ama hmaikunga raleichunga mi rakip sip ti hei rasoh.

ZECHARIAH 2:13

Rōngpu hmaikunga mi rakip sip ti ruh, ajârchu ama kha a-omna hmun inthenga inphut kajōnga kae.

MATTHEW 27:66

Khan chu anmani kase heia hlung antakamna chunga achîkna ankatat a thlân kha antôn makna sik ansyem jo khana akahngâk he’n anhrungna sik a andahlon jo hei.

ṬONGPHÔNG 5:1

Len in-ongna chunga a’n-ongpa akut changting amatu a’nze lekha inkhat kaleihmu; Khavakha alang hnia a’nzet lekha pheng vâng ankasûna achunga mêrchîkna 7 ankatat a kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.

ṬONGPHÔNG 6:1

Khava sōa kemōngte khan achîkna a’ntat 7 kâra hma-inkei kha asuk khōia amahlang kahmu, khana ranhring 4 hei kâra inkhat in “Hong roh!” tia khō inri kapō rasa kha kathei.

ṬONGPHÔNG 6:12

Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.

ṬONGPHÔNG 6:3

Khava sōa kemōngte khan 2 tlukna achîkna intat kha asuk khōia amahlâng; khana ranhring 2 tlukna khan, “Hong roh!” ati ke’n kathei.

ṬONGPHÔNG 6:5

Khava sōa kemōngte khan 3 tlukna achîkna intat kha asuk khōia amahlang; khana ranhring 3 tlukna khan kahnenga, “Hong roh!” ati ke’n kathei. Khana ke’n ka-ena shakor kadum inkhat leika-om. Achunga akachōngpa kut chunga khan khartena inkhat achoi.

ṬONGPHÔNG 6:7

Khava sōa kemōngte khan achîkna intat 4 tlukna kha asuk khōia amahlâng; khana ranhring 4 tlukna khan “Hong roh!” ati eng kathei.

ṬONGPHÔNG 6:9

Khava sōa kemōngte khan 5 tlukna achîkna intat kha asuk khōia amahlang. Pathen ṭongkahri inthanglele, ansâkhi tlona chunga taksenthei kachang, anta leithat jo hei rathlahei maichâm thōia an-om kha ke’n kahmu.