ṬONGPHÔNG 7:9 - LEKHARABU INTHENG (BSI)

⁹ Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.

ṬONGPHÔNG 7:9 ပူးပေါင်းရင်းမြစ်များ

A’NPHUTNA 13:16

Ke’n nang sōn leh pâr katamtak tei torlo hingja kapek sik che. Anmani tei sik kanek a nêrdi ja tei akabei jôk sik kae!

A’NPHUTNA 49:10

Judah’n reng tîngpum amatu sik, Khana asōn apâr he’n ahei tik a vai anrôn sik. Jât-hlop he’n kajana anhongpek sik Khana aṭong juina a-âng kunga inkun sik hei.

HLAHEI 2:8

Ader roh, ke’n nang jât rakip nakut a kapek sik che; raleichung pumpui hi nangta kachang sik.

HLAHEI 22:27

Jât rakip in Rōngpu kha anmandonsōt sik. Raleichung hmun rakip a inphut ahnengting hong inhe sik hei; jât leh phung rakip in ama ankamuk sik.

HLAHEI 76:4

Heituk a akalûr che mo, Eh Pathen! Tlâng chung heia inphut najōng inlea khava hmun a nakadōihei nator hei kha heituk a kaja ka-om che mo.

HLAHEI 77:2

Khōdeng kathei pha, Rōngpu hneng kader; jân kathang kakut kamadoa kader, tâk lungngamna hmutor mak eng.

HLAHEI 98:3

Israel mihei chunga alumlona leh alungset inthlengmak vâng khan ale’ntepna kha atlosōt pek hei. Hmun rakip a mihe’n ni-Pathen torna kha anhmu jo.

JEREMIAH 16:19

Rōngpu, nang karatha ngarna leh ani kahrung che kae, inrengna pha na’nthōpui eng. Raleichung inchaina inphut jât-hei nahnenga kahong sik hei khana anhri sik, “Kanpu kanpa he’n pathen kadikmak kha tei loa heite leinei mak hei, akahnem mak limhei tei loa heite leinei mak hei.

JEREMIAH 3:17

Khava pha kha ahong tlung pha Jerusalem hi ‘Rōngpu len in-ongna’ inti sik, khana jât pumpui in khana khan kei ankamuk sik jo eng. Anmalung kasak leh akaṭhamak in amanse hei kha tlomak jo hei ning.

EZEKIEL 47:5

Ama’n metre 500 atesa nôk, khava pha khan chu tui kha inthûk hêr jo, ashunga petan tor mak jo eng. Khavakha tui jâp inbe tei loa rakantor changmak jo.

DANIEL 4:1

Rn Nebuchadnezzar in raleichunga phung, jât, ṭong rakip hneng hiva ṭong hi aleimanrôn hei: “Marimna chibei!

DANIEL 6:25

Khava pha Reng Darius in raleichunga ka-om phung leh jât, ṭong rakip hnenga lekha aleimanrôn hei: “Marimna chibei!

HOSEA 1:10

Israel mihei kha tui-ôngpui nêrdi kapō hongkachang sik hei, tei torlo leh tetor mak hongkachang sik hei. Tûnhin Pathen in anhnenga, “Nangni kami changmak chei,” ati, tâk-kha anhnenga, “Nangni akahring Pathen sa chei kae,” atina pha kha lakahong sik!

LEVI-DÂN 23:40

Khava ning khan kara kaṭhapen nanthei kunga inphut ṭhōt ruh, kahno bâk leh thing bâk inbur choi ruh, khana Rōngpu nan-Pathen kajana bekna revei kha phut ruh.

ZECHARIAH 10:8

“Kamihei ke’n kabeksōt sik hei, kamanchun sik hei. Ke’n anmani kahuksōt sik hei, anmija aleitam kapōa kamanpung sik jo hei.

ZECHARIAH 2:11

Khava pha khan Rōngpu ângshunga jât katamtak hongkahlut sik jo hei khana ami hongkachang sik jo hei. Ama kha nankâra ka-om sik jo, khana ama’n kei hi nanhnenga ajōngtir eng kae tia nanmanhret sik jo.

LUKE 12:1

Mipui lishing lishing ho’ntûp heia, inkhat in inkhat chunga ke anchoi leo jo pha, Jesu’n ahma inkeia asonlehei hneng ahri, “Phariseehei chea inphut leh an-inṭhat hlemsak a inphut insing thei ruh.

LUKE 21:36

Ajōng kasōk sik omchen heia inphut nanhringsōt torna sik leh Mihring Sapa hmaikunga ngir torna ratha nanchenna sik pha rakip a derṭhak una inrin ṭhak ruh.”

JOHN 12:13

Khava jâra anmani’n kahno bō anchoia intōpui sik a kase heia, “Hosanna! Pathen manpâk rih! Rōngpu rahminga akajōng! Israel Rengpa kha amahâm kaṭha!” tia an-ôna kae.

ROMANHEI 11:25

Kasōpuihei, nangni’n nantamanhret sik a kamadu akadik a’n-ip inkhat ka-om, ajârchu khava khan nan-insingsakna khana inphut ahrung sik chei. Khachu hi kae: Israel mihei malung kasak kha akasakthang sik changmak; tâk Pathen hneng Jât-hlop hei kakip a anhonghlut sō mak kârseng rōk sik kha kae.

EPHESIANHEI 6:13

Khan chu tûnhin Pathen revon kha invon ruh! Khanna ṭhatmak kani ajōng tlung pha, nankabuhlu hei kha nandetor sik hei, khana atorna katlung re nan-intukpui sōa nanhmun kha nanmatutor ṭhak sik.

HEBREWHEI 11:12

Ama kadiktak a athi jo achang inum, ama inkhat rōk a inphut atu asahei kha marvân ârsi ja leh tui-ôngpui panga tei torlo nêrdi ja hongkachang jo hei.

HEBREWHEI 12:22

Khava kanek a nangni chu, akahring ṭhak Pathen omna khōpui Zion Tlâng, marvân Jerusalem, ngeva lishing raja omna khan akahong jo chei kae.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 22:3

Khōpui shunga khan Pathen hâksêrna kachen inkhatbek inhmu mak ning. Khōpuia khan kemōngte leh Pathen len in-ongna ka-om, khana khan asōk he’n ama antakamuk sik kae.

ṬONGPHÔNG 3:18

Khava jâra nahaona sik kei hnenga inphut sana intheng inchôk roh, tia kamanse che kae. Inzakpui ka-om nataksa katōmna sik, pōn kachek a na’ntōmna sik, inchôk roh. Khan nôk chu nahmit avârna sik, hmit hlei nakano sik inchôk roh.

ṬONGPHÔNG 4:4

Len in-ongna kimvea alak len in-ongna 24 pōn bang kasi, sana lenlukhu inkhu upahei in-ong heia kae.

ṬONGPHÔNG 5:11

Khan nôk chu ke’n ka-ena, marvâna ngeva lishing raja hei rasa kathei! Anmani len in-ongna kimvea ranhring 4 leh upahei leh kangir heia,

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.

ṬONGPHÔNG 6:11

Pōn bang inkhat et anpek heia, anmani kapōa ansōk changpui hei leh Christian sōpuihei antathat sik hei kha anja alatluk mak kârseng pha bongkhat antalahngâk sik a ṭong anmanthei hei.