ṬONGPHÔNG 7:3 - LEKHARABU INTHENG (BSI)

³ ngeva khan anhnenga, “Raleichung, tui-ôngpui, thingkunghei achang inum, Pathen sōk-hei machea achîkna kankatat mak hma seng sukset mak hi ruh,” ati.

ṬONGPHÔNG 7:3 ပူးပေါင်းရင်းမြစ်များ

SŌKSŌT 12:13

Kotkung kachoa thisen innona kha nangni omna inn mêrchîkna kachang sik. Ke’n Egypt hei karâkna kapek hei pha, thisen inno kha kahmu’nchu, karakan sik hei khana suk manset mak chei ning.

SŌKSŌT 12:23

Rōngpu kha Egypt hei kathat sik a Egypt katlung bit a ase pha, kot chunga leh kot-sir heia nantakano thisen kha ahmu sik a kha Mikathat Ngeva kha nan-inn manhlut mak ning khana manthat mak chei ning.

ISAIAH 27:8

Rōngpu’n amipuihei kha miram a aleitirsōt hei. Ama’n nisōtinga thlipui inhnak alei mantlen hei.

ISAIAH 54:17

Tâk-kha hmangchâk inkhatbek in nang atôn tor mak tin; nang maherna kaneihei seng kha anmasôna inkhat naleinei sik a kae. Ke’n kasōk-hei kha kahrung sik hei, khana retorna kapek sik hei.” Rōngpu’n ahri jo.

ISAIAH 6:13

Mi 10 shunga inkhat akathi inhlei a-om inum, ama kha’m suk manhmang sik kae; ama kha sasōkung tuktansa akungmui ka-ang sik.” (Thingkungmui hin Pathen mihei athera hong inphutna manhmuna inkhat kae.)

ISAIAH 65:8

Rōngpu’n ahri, “Tûte’n vomhrui kaṭha kha suk manhmang phungmak; Khava kanek a, khana inphut ju ansyem jôk a kae. Kei inum kamihei kha ankhenga suk manhmang mak ning, kei ani inzenhei kha kahuk sik heia kae.

EZEKIEL 9:4

“Jerusalem khōpui shunga vase roh khana khōpui shunga mater ka-om rakip tlo jâra inrengna leh khōdeng theina akachang hei machea mêrchîkna inkhat et vadapek hei roh.”

EZEKIEL 9:6

Katerhei, retherhei, nuhngâk-hei, nuhei. khana naipanghei vathat hei roh. Tâk-kha anmachea mêrchîkna inzet rakip tûte tônmak hei roh. Kei Bek-inn hinna inphut phut jo roh.” Khava jâra anmani kha Bek-inna akangir hlamkakei heia inphut anphut jo.

DANIEL 3:17

Kantarajen Pathen in keini hmeipun a inphut khana naratha neina inphut anihuk tor ung inchu, ama’n ajōng tlo sik.

DANIEL 3:26

Khava jâra Nebuchadnezzar in hmeipun omna kot a kasea abek a, “Sadrakh! Meshach! Abednego! Chunghnung Pathen sōk-hei! Heisōk ruh!” Inrangtak a heikasōk heia kae.

DANIEL 6:16

Khava jâra rengpa’n Daniel surna sik a ṭong amasōa shabakkai kasip rōng shunga anhlon manhlut jo. Ama’n Daniel hneng ati, “Nang in kajatak a narazen Pathen in huksōt che rasoh.”

ZEPHANIAH 2:3

Ram shunga malung innem nangni, ama ṭongpek kajuiseng, Rōngpu hneng he’nhe ruh. Akadik kha tlo ruh, Rōngpu hmaikunga insinsak ruh. Rōngpu’n ahnuknat amalâr ninga karâkna inphut nansōk theina sik kae.

MALACHI 3:18

Ave nôk a kami he’n mikadik leh mikadik mak hei chunga omchen kasōk, kei inzen leh kei inzenmak mihei kâra akasōk kha anhmu sik jo.”

MATTHEW 24:22

Tâk Pathen in kanihei kha amantlôm jo; amantlôm mak inchu, tûte hring tor mak ning. Hei-achang inum ami kadeisōt hei sik jâra Pathen in kanihei kha asukmanbong pek sik hei.

MATTHEW 24:31

Pengkun kalen kha antum sik, ama’n angeva ralei rakir manlia atir sik hei, anmani’n akadeisōt seng kekung leh kelera anchom mantûp sik hei.

JOHN 12:26

Tu achang inum kei inzen hnōm mi khan kakahnung ajui nger sik kae, khava jâra kasōkpa kha kei omna hmun a khan aka-om sik kae. Kapa’n kei inzen mi kha akaja sik kae.

JOHN 3:33

Tu achang inum ama ṭong inhlâng mi khan, Pathen hi akadik kae ti amanchên jo.

ROMANHEI 6:22

Tâk-kha tûnchu nangni setna inphut masō kachang jo chei, Pathen sōk akachang jo chei kae. Ṭhatchômna nantahmu khachu hringkhō inkhat ahnenga nanta tōksōtpet kha kae, khana khava tahei rôn sōt khachu kumleikōa hringna kae.

ṬONGPHÔNG 13:16

Ranhring khan kasin-kalen, akahao leh sara, sōk leh masō, mi rakip ankut changting, a-emak leh anmachea chîkna aja rumhrat a adapek hei.

ṬONGPHÔNG 13:17

Khava ranhring rahming a-emak leh rahming kahlanga achîkna aja kha ama’n aneimak inchu, tûte’n heikhat jōrsōt leh rachôk tlothei mak ning.

ṬONGPHÔNG 14:1

Khava sōa ke’n ka-ena, Zion Tlâng chunga Kemōngte kangira; ama rahming leh apa rahming a’nzet mi 144,000 hei ama leh inṭhōia ka-om hei.

ṬONGPHÔNG 14:9

Ngeva 3 tlukna khan hma-inkei 2 hei kha ahei jui heia, rasa inhnaktak a ahri, “Tu achang inum amachea leh akut changtinga ranhring mêrchîkna ka-om leh ranhring limsyem inmuk mi khan

ṬONGPHÔNG 19:2

Ama ṭongtan chu akadik leh a’ntlun kae! Ajârchu noti kalennu ajôngna vânga raleichung kasukset kha ama’n karâkna apek jo. Amanu’n Pathen sōk-hei aleithat hei khava jâra Pathen in karâkna apek kae,” anti.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 22:4

Anmachea arahming inzet sik, khana anmani’n Ahmai kha anhmu sik.

ṬONGPHÔNG 6:6

Ranhring 4 hei kâra inphut rasa khan, “Gehu saida khat ni khat ratha hlō sik, khan chu satun saida thum ni khat ratha hlō sik kae. Tâk-kha olive theikung leh vomhrui rahōn kha manset mak hei roh” ati.

ṬONGPHÔNG 7:1

Khava sōa raleichung tui-ôngpui chung, thingkung rakip chunga thli heite ahrâng makna sik raleichung thli 4 intu ngeva 4 ralei rakir 4 a akangir kahmu hei.

ṬONGPHÔNG 7:2

Khana akahring Pathen mêrchîkna leh inthoia nisōtinga akajōng ngeva ahlop inkhat ke’n kaleihmu. Ama’n ralei leh tui-ôngpui kasukset sik a Pathen in ratha apek ngeva 4 hei kha rasa inhnaktak a abek heia

ṬONGPHÔNG 9:4

Khana anmachea Pathen mêrchîkna a’ntatmak mihei antasukset tei loa, phi kadông, thingkung, kahar inkhat rōk um antatôn mak sik a anmani kha ṭong anpek heia kae.