ṬONGPHÔNG 7:2 - LEKHARABU INTHENG (BSI)

² Khana akahring Pathen mêrchîkna leh inthoia nisōtinga akajōng ngeva ahlop inkhat ke’n kaleihmu. Ama’n ralei leh tui-ôngpui kasukset sik a Pathen in ratha apek ngeva 4 hei kha rasa inhnaktak a abek heia

ṬONGPHÔNG 7:2 ပူးပေါင်းရင်းမြစ်များ

RENGHEI INHNINA 19:4

Assyria reng kalenpa’n akahring Pathen tuitek kasō sik a aṭōn karônpen kha ahei tir jo. Rōngpu na-Pathen khan tuitek sōna ṭong hi thei rasoh khana akahri hei kha karâk hei rasoh. Khava jâra nimi alakahring hei sik a Pathen hneng der roh.”

HLAHEI HLA 8:6

Kei hnenga tei loa nalungsetna malung kha kam jo roh; Kei tei loa tûte’m nakut bânna kakō mak roh. Thina kapōhrep a lungset inum ratha anei; maduna hin thina kapōhrep a ratha anei. Hivahi hmeimale kapōa kasûk ri, khana hmeipui kapōa aro manvâm.

ISAIAH 41:2

“Nisō tinga inphut torna kaneipa ahei kaṭhōi kha tu mo, asena hmun rakip a hmesōna inchangpa kha? Renghei leh jât-hei chunga retorna kapek kha tu mo? Anmani vaiphinhei kapōa, ama chemjâm in akalek hlon jo hei. Ama the khan anmani kha sapôt thli tasêm manjōng kapōa akathek hei.

EZEKIEL 9:4

“Jerusalem khōpui shunga vase roh khana khōpui shunga mater ka-om rakip tlo jâra inrengna leh khōdeng theina akachang hei machea mêrchîkna inkhat et vadapek hei roh.”

MALACHI 3:1

Chunghnung Rōngpu’n amasôn, “Kei sik a hlam inhleng sik kaṭong karôn mi katir sik. Khava sōa nangni’n nantahngâk a ka-om Rōngpu kha manhret manloa a-Bek-inna kahong sik. Nangni’n nantahmu hnōm ṭongkarôn kha kahong sik khana ka ṭongtep kha aphông sik.”

MALACHI 4:2

Tâk-kha kei ani kajui nangni sik a chu, kei hukna rathahrat nanchunga kanisat kapōa kasōk sik khana kani ra-âng kapōa damna apek sik chei. Serōnga inphut sehratte masōsōt kapōa inpâk a kasōksōt sik jo chei.

MATTHEW 16:16

Simon Peter in amasôn, “Akahring Pathen Sapa, Messiah che kha kae.”

MATTHEW 26:63

Tâk Jesu chu kadai hngera leika-om. Thempu Kalen khan ahnenga, “Akahring Pathen rahminga tûn hâksêrna thōia kada che kae: namanthei sik unga kader che kae: nang Pathen Sapa, Messiah nachang inchu amanthei roh?” ati.

JOHN 6:27

A’nhmangthei bu jongna sik a ṭōn rahnak a tlomak ruh; khava kanek a, kumsôt hringna bu jongna sik ṭōn rahnak a tlo jôk ruh. Hiva bu hi mihring Sapa’n apek sik chei, ajârchu Pa Pathen khan ama chunga hnōm pekna mêrchîkna adapek jo kae.”

CORINTHIANHEI INHNINA 1:22

nikapu changna mêrchîkna nichunga akanam khum leh akarōi bukna heirakip eini sik a akakhōr manbuk kha manchênna sik a Rathla Intheng nimalung shunga anikapekpa kha kae.

EPHESIANHEI 1:13

Khana nangni’m akadik, Ṭong kaṭha hukmanhring anikapek kha nanthei pha khan Pathen mi kachang jo chei. Nangni’n Christa nantaksena Pathen in aleitepsa Rathla Intheng apek chei vâng khan atâ nanchangna mêrchîkna kha nanchunga akatatkhum jo chei kae.

EPHESIANHEI 4:30

Pathen Rathla intheng kha manrim mak ruh; ajârchu Rathla kha nangni Pathen ta nanchangna mêrchîkna kha kae, Pathen in ning leh hnōma amasōna sik chei kani ajōng tlung sik manchênna kha kae.

DÂNRABU INHNINA 5:26

Mihring tu inkhat in hmei kâra inphut akahring Pathen ṭonghri atheisōa kahringa aka-om nâk jo mo?

THESSALONIANHEI INKHATNA 1:9

Hiva mi rakip hei hin heikhonga mo keini nanta rahlâng ung, nanhnenga kanhonglai akadik leh akahring ṭhak Pathen Sapa razenna sik a heikhonga mo limsyemhei nantahong dahlon,

TIMOTHY INHNINA 2:19

Tâk-kha Pathen innhmun deng kahnet khachu inhlingtor mak; khava chunga khan hiva ṭong hi inzet: “Rōngpu khan amihei seng amanhret” khana “Rōngpu ta eng kati mi rakip khan dikmak ṭōn tlona inphut a akatlânsōt nger sik hei kae.”

HEBREWHEI 12:22

Khava kanek a nangni chu, akahring ṭhak Pathen omna khōpui Zion Tlâng, marvân Jerusalem, ngeva lishing raja omna khan akahong jo chei kae.

ṬONGPHÔNG 1:3

Hiva lekharabu katei kha mikahōi kae, khana hiva inngei leh lekharabu shunga a’nzet ṭong kajuihei kha mikahōihei kae! Ajârchu hihei rakip ajōng tlungna sik pha kha kahnai jo.

ṬONGPHÔNG 10:1

Khava sōa ngeva ratha kaneitak ahlop inkhat sumtuk vâng a’ntōm, alu kimvea saisûm takake khum ahmaisō kani ka-ang. Khana ake hmei chopui kapō, marvâna inphut ajōng kaṭum ke’n kahmu.

ṬONGPHÔNG 10:4

Anmani anṭongsō lim a, ke’n lekha shunga mazet manhlut sik a intluk jo eng. Tâk-kha marvâna inphut rasa inkhat in, “Khō inri 7 tahri kha thup ina da roh; mazet mak roh!” ati ke’n kathei.

ṬONGPHÔNG 16:12

Khava sōa ngeva 6 tlukna khan athlengkam kha Euphrates tuidung kalena abun mathlâk jo. Nisōtinga inphut reng akahong hei hluttheina sik tuidung kha kachâr jo.

ṬONGPHÔNG 5:2

Khan chu ratha kaneitak ngeva inkhat rasa inhnaktak a ṭong kaphông kahmu, ama’n, “Hiva lekha inze mêrchîkna intatkhum hi asuk khōia a’nhlâng sik rahōi kasōk tu mo aka-om?” atia kae.

ṬONGPHÔNG 8:3

Khana ro mankhutna sik kasip sana thlengkam kanei ngeva hlop inkhat kahonga maichâma hong kangira kae. Len in-ongna hmaikunga maichâm chunga Pathen mihei derna leh inṭhōia ro mankhutna sik marim katui hingja ama kha anpek a kae.

ṬONGPHÔNG 9:14

Khava rasa khan ngeva 6 tlukna pengkun kachoi hneng khan, “Euphrates tuidung kalen shunga a’nkhit ngeva 4 hei kha masō hei roh,” atia kae.

ṬONGPHÔNG 9:4

Khana anmachea Pathen mêrchîkna a’ntatmak mihei antasukset tei loa, phi kadông, thingkung, kahar inkhat rōk um antatôn mak sik a anmani kha ṭong anpek heia kae.

SAMUEL INKHATNA 17:26

David in ahnenga ka-om mihei hneng ader hei, “Hiva Philisti kathat leh hiva inzakna inphut Israelhei insōsōt mipa khan heimo achen sik? Hei-hei chang rasoh, akahring Pathen remihei in-erpui khōvel Philisti hi tu mo kae?”

SAMUEL INKHATNA 17:36

Ke’n shabakkai leh kavom kathat hei, khava kapōa hiva akahring Pathen remihei in-erpui Philisti hnenga hin katlo sik.