ṬONGPHÔNG 7:16 - LEKHARABU INTHENG (BSI)

¹⁶ Anmani anvon ṭâmhêr mak jo ning, antui um hrehêr mak jo ning; khan chu kanisat in kâng mak jo hei ning,

ṬONGPHÔNG 7:16 ပူးပေါင်းရင်းမြစ်များ

HLAHEI 121:5

Rōngpu’n nang ahrung sik che; ama kha nang kahuk sik a nahnenga ka-om.

HLAHEI 121:6

Sûn pha kani’n atôn hêrmak ning; jân pha thlân atôn hêrmak ning.

HLAHEI 143:6

Kaderna chea khan kakut kakalâng, ram kachâr kapōa nang rangeia karathla atui kahre.

HLAHEI 42:2

Akahring ṭhak Pathen, karangei ṭhak che; na-ângkunga kamukna sik heitik leh mo akahongtor sik eng?

HLAHEI 63:1

Eh Pathen, nang ka-Pathen che kae, khana ke’n nang karangei ṭhak che. Kamalung pumpui hin karangei che; ram kachâr, akaṭōiber, tui omlo ram kapōa karathla’n karangei che.

HLAHEI HLA 1:6

Kadum tia heite sakloa atlo mak ruh, kani kalum tasat eng jâra kae. Kasōpui he’n kachunga anhnuk anat jâra vomhrui rahōna ṭōn anmantlo eng. insi-inhlengna pha neimak eng.

ISAIAH 25:4

Sara inṭangpui kaneimak he’n nahnenga hong katlân hei khana inrengna pha inhukna annei che. Thlipui thlihrem kâra leh sûn kani kalum thōia in-ungna napek hei. Mi kakhôk he’n phebi thlipui kapōa mi anbuhlu hei,

ISAIAH 32:2

Anmani inkhat et kha thlipui khōpui kâra mihei inthupna leh thlihrâng pha in-ungna ka-ang sik hei. Anmani kha nêrdiram a kavadung leh ramhânga hlungpui ka-ang sik hei.

ISAIAH 41:17

“Kami he’n tui in sik anmadu pha, khana tuihre jâra ankadang achar pha, khava sōa Rōngpu ke’n anderna kha kamasôn sik; Israel Pathen ke’n anmani dahlon hêrmak hei ning.

ISAIAH 49:10

anmani ahei tik a’m anvon ṭâmmak ning khana antui hremak jo ning. Kani leh nêrdi kalum in anchunga tônmak jo hei ning, ajârchu ani’nlungset inkhatpa khan aching sik jo hei. Ama’n tuiri pûtna hmun a aṭhōi sik hei.

ISAIAH 65:13

Khava jâra kahri pek chei kae, kaṭong kajuia ani-inmuk hei kha sâk leh in anhao sik, tâk nangni chu nanvon kaṭâm sik khana nantui kahre sik. Anmani kahōi sik hei, nangni hmeset nanchen sik.

JONAH 4:8

Kani ahong sōk pha, Pathen in nisōtinga thli kalum ahei manhrâng jo khana Jonah luchunga kani ra-âng in avōk a alumrei jâra pûr rong ati jo. Khava jâra ama akathi joa indon jo. Ama’n ati, “Kahring kanek a kathi’n kaṭha jôk jo.”

MATTHEW 13:21

Tâk arajung inthûk a aṭhōmak jâra pha kasôt om tor mak. Khana khava ṭong jâra khan suk manrim a-emak leh khōdeng theina ahong pha, inranga anmasō loi jo.

MATTHEW 13:6

Tâk kani ahong inshâng pha kani kalum in sakung kadông kha amanvōi jo; arajung kha inthûk a aṭhōmak jâra, inranga invōia kachâr jo.

MATTHEW 5:6

“Pathen lungdo katlo hnōm hei kha anmahâm kaṭha; Pathen in pui katluk a amankhop sik hei!

MARK 4:17

Tâk khava khan anlungri shunga hlutmak, khana akasôt om mak. Khava ṭong jâra suk manrimna a-emak leh khōdeng theina ahong om pha, inrangtak a anmasō jo.

MARK 4:6

Khava sōa, kani ahong inshâng pha, sakung kadông kha asat manvōi jo; arajung kha inthûk a aṭhōmak jâra sakung kadông kha inranga kachâr jo.

LUKE 1:53

Ama’n von kaṭâm hei kha akaṭha neinâk vâng anvon amankhop pek hei, khana akahaohei kha kut karōk a atirsōt hei.

LUKE 6:21

“Tuna von kaṭâm nangni nanmahâm kaṭha; nangni alakakhop sik chei kae! Tuna akaṭap nangni nanmahâm kaṭha; nangni nantala manui sik kae!

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

JAMES 1:11

Kani ahong inshâng pha, kahar kha aset mankânga, apâr kha amanvōi, khana aṭhatna kha kaṭi jo. Khava kapōa mikahao kha’m inveina sik anse anhongna a’nhmang sik hei kae.

ṬONGPHÔNG 21:4

Ama’n anhmit rathli rakip ahni manhi pek sik hei. Thina om nôk mak jo ning, khan chu malung inrimna, natna leh ṭana om nôk mak jo ning. Neinâk marō rakip inhmu mak jo.”