ṬONGPHÔNG 7:15 - LEKHARABU INTHENG (BSI)

¹⁵ Khava jâra anmani Pathen len in-ongna hmaikunga akangir heia sûn leh jân bek-inna anrajena ka-om hei. Len in-ongna chunga a’n-ongpa khan anmani a-ompui heia akahuk sik hei kae.

ṬONGPHÔNG 7:15 ပူးပေါင်းရင်းမြစ်များ

RENGHEI INKHATNA 6:13

Nang in nasyemsōt Bek-inn shunga kamihei kâra ka-om sik eng, khana ke’n dahlon hêrmak hei ning.”

THUHMINGHEI INKHATNA 23:25

David in ati, “Israel Pathen Rōngpu’n amihei hneng mōngna apek hei, ama khet Jerusalema ahei tik a ka-om sik.

SŌKSŌT 29:45

Kei kamipui Israelhei kâra ka-om sik eng, khana an-Pathen kachang sik eng.

EZEKIEL 37:27

Khana khan anmani leh ka-om sik ung; kei anmani Pathen kachang sik eng, anmani kei mi kachang sik hei.

LEVI-DÂN 26:11

Kei a’ntheng pōn-inna khan nankâra ka-om sik eng, nanhnenga inphut kei inhe mak ning.

JOHN 1:14

Ṭong kha mihring jōng kachanga maritna leh dikna kasip phet a nikâra ka-om. Alûrna kha kanleihmu, Apa Sapa inkhat rōk achangna aleichen lûrna kha kae.

CORINTHIANHEI INKHATNA 3:16

Nangni Pathen Bek-inn nanchangna leh nanshunga Pathen Rathla a-om kha nanmanhret khet.

CORINTHIANHEI INHNINA 6:16

Heikhong mo Pathen bek-inn kha limsyem bekna leh man-ang thei sik? Ajârchu akahring ṭhak Pathen bek-inn kha eini me kae! Pathen ama khet in ahri: “Ke’n ka-inn kha kami heia inphut kasyem sik khana ankâra ka-om sik eng; kei an-Pathen kachang sik eng, khana anmani kami akachang sik hei kae.”

HEBREWHEI 12:2

A’nphutbia inphut a’nchaina katlung nitaksen inhngatna Jesu kha enṭhak rih. Ama’n thingrake jâra khan aṭōntlo kha leihai mak. Akahai kanek a inpâk na’n ahngâk ṭhak kha amandona thingrake chunga hme kasetak a athi sik kha heite khôk leisak mak, khana tûnhin Pathen len in-ongna changting in-onga kae.

HEBREWHEI 8:1

Hinahin eini’n nihrinapen khachu: marvâna Akalûrpen Pathen len in-ongna changting a’n-ong Thempu Kalen inkhat ninei.

ṬONGPHÔNG 11:19

Marvân chunga Pathen bek-inn kha inhlânga, Ṭongtep Bôm kha inhmua kae. Khava pha khō inri, khōjang jōng kapōk, khō inphe, lingnu innok, khana kahre inhnaktak katla a kae.

ṬONGPHÔNG 13:6

Khana ama’n Pathen leh Pathen rahming, khana a-omna marvân leh achunga ka-om rakip, hâksêr inphut joa kae.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 21:22

Khōpui shunga khan bek-inn hmumak eng ajârchu khava bek-inn kha kemōngte leh Akahratpen Rōngpu Pathen kha kachang jo hei.

ṬONGPHÔNG 22:3

Khōpui shunga khan Pathen hâksêrna kachen inkhatbek inhmu mak ning. Khōpuia khan kemōngte leh Pathen len in-ongna ka-om, khana khan asōk he’n ama antakamuk sik kae.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.

ṬONGPHÔNG 4:4

Len in-ongna kimvea alak len in-ongna 24 pōn bang kasi, sana lenlukhu inkhu upahei in-ong heia kae.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

ṬONGPHÔNG 4:9

Ranhring 4 hei kha’n kumleikōa akahring ṭhak len in-ongna chunga a’n-ongpa hneng choi ka-ânna, kajana, manpâkna hla ansak a kae. Khanga ansak pha,

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.