ṬONGPHÔNG 7:14 - LEKHARABU INTHENG (BSI)

¹⁴ “Apu, ke’n manhret mak hei eng. Nang in namanhret hei,” tia kamasôn. Khana ama’n kahnenga ati, “Hiva mihei hi suk manrimna inphut a kahringa akahong hei kha kae. Anmani’n kemōngte thisen vâng anpōnsi anta’nsôp inthenga antamanchek jo hei kae.

ṬONGPHÔNG 7:14 ပူးပေါင်းရင်းမြစ်များ

JOB LEKHARABU 11:16

Khan chu nachâmna rakip namahngi pet sik jo, akathlengsa tuilen kapōa avea mandonna om mak jo ning.

SŌKSŌT 37:3

Akadomna sik akōr 4 sana vânga asyem hei kha ake 4 a amando hei, asir inkhat a akōr 2 et kae.

ISAIAH 1:18

Rōngpu’n ahri, “Tûnchu hiva ṭong hi hri mathlâk rih. Nangni setna’n achu mansen jo chei, tâk kavur kachek kapōa kasôp mantheng sik chei. Nangni achuna chei kha asendup hêr jo’num sahme pōn kapōa kachek sik chei.

DANIEL 11:35

Mikasing ṭhahrep chu anthat sik hei, tâk khana inphut mipuihei inthengsōt sik hei. Hivahi Pathen in atupsa pha inchaina ahong mak hma senga akasōk injom sik kha kae.

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

DANIEL 7:16

Ke’n khava hmun a akangir hei kâra inkhat hneng kase enga hiva rakip hi ahri manchênna sik kavader. Khava jâra hivahi heitina mo ti kha ahri pek eng.

ZECHARIAH 13:1

Akahratpen Rōngpu’n ahri, “Khava pha kha ajōng tlung pha, David sōn leh Jerusalema ka-om mihei setna leh limsyem kamukna kha mantheng sōtna sik tuihnâr inkhat jōng kasōksōt sik.

MATTHEW 24:21

Ajârchu khava pha inrimna kha ralei insyembia inphut tuning katlunga aleikasōk rakip akakhe chet inrimna kachang sik. Khana khava kapō kha inkhatbek avea sōk mak ning.

MARK 13:19

Ajârchu khava kani heia inrimna hei kha, Pathen in vânhnōi asyem manphut bia inphut tûn katlunga mihringhei tamanhret inrimna hei seng kanek a akakhôk chet sik kae.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

ṬŌNTLOHEI 14:22

Takkasenhei kha anmanhnet hei khana kadik a an-om ṭhakna sik a mathokna anleinei hei. “Pathen Rengram hlutna sik a khōdeng theina hingja nide nger sik kasōk,” tia anleimanthei hei.

ROMANHEI 5:3

Khana nikhōdeng theina kha’num in-or me, ajârchu khōdeng theina khan dehratna amasō,

CORINTHIANHEI INKHATNA 6:11

Nangni ṭhahrep chu khahei kapō leikachang chei, tâk nangni chu setna inphut mantheng jo chei kae; Pathen hneng a’npesōt jo chei kae; Rōngpu Jesu Christa leh ni-Pathen Rathla khan nangni chu Pathen leh amandiksap jo chei kae.

THESSALONIANHEI INHNINA 1:4

Khava jâra nangni Pathen bekrup-hei chunga kanbinga intei unga kae. Kan-inteina jârpen khachu nantahongde injôn leh nantaksenna injôn jâra kae.

HEBREWHEI 13:12

Khava jâra Jesu’n athisen vâng mihei setna manthengna sik, khōpui sōngkot vângting akathi kae.

HEBREWHEI 9:14

Hivahi adik inchu, Christa thisen rarap khan chu heituk akakhe chet a ṭōn achai sik jo mo! Kumsôt Pathen Rathla a inphut Christa kha pui katluk tōkna kachanga Pathen hneng abinga inpek sōt jo. Akahring Pathen kha nirazen theina sik, athisen khan eini mandon ṭhen theina kha hnemna kase bekdâna inphut amantheng pek sik me.

PETER INKHATNA 1:19

khavakha masetna kase leh nōrna kase kemōngte inkhat kapō, mankatamtak Christa inpek sōtna kha kae.

JOHN INKHATNA 1:7

Tâk-kha ama vâra a-om kapōa, eini vâra aka-om nichang inchu, eini inkhat leh inkhat a’nloikhôm me kae, khana asapa Jesu thisen khan setna rakip a inphut asôp mantheng jo me kae.

ṬONGPHÔNG 1:5

khana taksen ka-om sâkhi kapek akathia inphut ahma inkeipena keimathōi sik khana ralei renghei vaikarôn Jesu Christa a inphut maritna leh lung mōngna nanta chang rasoh. Ama’n alungset me, khana ama a’ntōksōt a athia khan eini nisetna heia inphut ning leh hnōma amasō jo me,

ṬONGPHÔNG 12:11

Nisōpuihei talei phôngsōt kemōngte thisen leh dikna khan ama kha aleitor jo; khana anmani anhringkhō phesōtna leh thina sik katlunga le’ntluk hei.

ṬONGPHÔNG 15:2

Khava sōa hmei leh inṭhōia thle-en tuipui kapō inkhat ke’n kahmu. Khan nôk chu arahming kahlanga aja vânga a’nzetpa, khana ranhring leh alim chunga torna kaneihei kha’m kahmusa hei. Anmani Pathen tapek hei serângdâr an-inchoia, thle-en sira khan kangira ka-om hei,

ṬONGPHÔNG 17:6

Khana Jesu ṭong kadik jui jâra antathat hei leh Pathen mihei thisen ka-inna a’nruinu kha ke’n kahmu. Ke’n khava nuhmei kha, kahmu pha inlak hêra kamandon.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.

ṬONGPHÔNG 5:9

Anmani’n hlather inkhat anleisak: “Lekha inze kalo sik a leh mêrchîkna intat kha akasuk khōia inhlâng sik a nang rahōi kasōk che. Ajârchu nang anleithat che, khana nang inthoina thina vâng khan phung rakip, ṭong rakip, jât rakip, mihring rakip kâra inphut, mihei kha nang in Pathen sik a narachôk jo heia kae.

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.