ṬONGPHÔNG 7:12 - LEKHARABU INTHENG (BSI)

¹² “Amen! Choi ka-ânna, lûrna, singna, manpâkna, kajana, ratha hratna, torna, are-rea ni-Pathen ta changṭhak rasoh! Amen!” antia kae.

ṬONGPHÔNG 7:12 ပူးပေါင်းရင်းမြစ်များ

NEHEMIAH 12:46

Tenlaia Reng David leh hlapu Asaph pha a inphut, hlapu hei khan Pathen manpâkna leh choi ka-ânna hlasakna hlam anleikei hei.

HLAHEI 100:4

Abek-inn kot a inpâkna leh inṭhōia hlut ruh! aṭong tanna hmun heia khan choi ka-ân leh inṭhōia hlut ruh. Ama hneng manpâk ruh khana ama choi ka-ân ruh.

HLAHEI 106:48

Israelhei Pathen, Rōngpu kha choi manshâng ruh; tûnum ahei tik a’m choi ka-ân ruh! Mi rakip in, “Amen!” ti hei rasoh. Rōngpu kha choi ka-ân ruh!

HLAHEI 107:22

Neitōk pum a antamanpâk nger sik kae, aṭōn leitlo rakip kha inpâkna hla sakpuma antahrisōt nger sik kae.

HLAHEI 116:17

Ke’n manpâkna kha inthoina inkhat a kapek sik che. Khana kaderna kha nahnenga katōk sik.

HLAHEI 147:7

Rōngpu choi ka-ânna hla kha sak ruh, ni-Pathen hneng serângdâr manhring ruh.

HLAHEI 41:13

Israelhei Pathen, Rōngpu kha, manpâk ruh! Tûnum ahei tik a’m ama manpâk ruh! Amen! Amen!

HLAHEI 50:14

Manpâkna nantanei kha Pathen hneng nan-inthoina chang rasoh, khana nan-intepna rakip Chunghnung hneng pekna nei ruh.

HLAHEI 72:19

Arahming kalûr kha ahei tik a choi ka-ân ruh! Alûrna khan raleichung sipsō rasoh. Amen! Amen!

HLAHEI 89:52

Rōngpu kha ahei tik a choi ka-ân ruh! Amen! Amen!

HLAHEI 95:2

Manpâkna pekna leh inṭhōia a-âng kunga hong rih khana inpâk a achoi ka-ânna hla sak rih.

ISAIAH 51:3

“Ke’n Jerusalem hneng, khava inhmangna shunga aka-om hei seng hneng lungsetna kamanhmu sik hei. Aram kha nêrdiram aleichang jo’num, rahōn inkhat a kasyem sik, Eden rahōn kaleisyem kapōa. Inpâkna leh ningṭhatna, khana khan ka-om sik khana kei choi ka-ânna leh manpâkna hla ansak sik.

JEREMIAH 33:11

inpâkna leh hōina ông rasa khana hmōiṭhōi revei mahring rasa hei. Mipui he’n ka-Bek-inna inpâkna tōkna anheichoi pha hla antasak kha nanthei sik; anmani’n hinga anti sik, ‘Chunghnung Rōngpu hneng manpâkna pek ruh. ajârchu ama akaṭha kae, alungsetna kha kumleikōa kae.’ Ke’n hiva ram hi hma kapōa kamanhao nôk sik. Rōngpu ke’n kahri jo kae.

JEREMIAH 33:9

Jerusalem hi kei sik a, inpâkna, kajana khana inlensakna jōng sōkna kha akachang sik kae; khana Jerusalem mihei chunga ṭōn kaṭha katlohei khana khōpuia kamanhao hei kha anhmu pha raleichunga jât rakip in anṭit sik a kha innok sik hei.”

JONAH 2:9

Tâk-kha ke’n nahnenga manpâkna hla kasak sik; nahnenga inthoina kapek sik che khana ka’ntepna kha katlosōt sik. Hukmanhringna hi Rōngpu a inphut akahong kae!”

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

ROMANHEI 11:36

Ajârchu heirakip ama tasyem kae, khana heirakip ama jâra khana ama sik a aka-om hei kae. Ahei tik a Pathen kha lûrṭhak rasoh! Amen.

CORINTHIANHEI INKHATNA 14:16

Nangni’n Pathen hneng rathla vâng rōk manpâkna nannei pha, intûpna shunga a’nvei micham he’n heikhong mo nangni manpâkna derna chunga khan, “Amen,” antatipui sik chei? Anmani chu nanta hri kha manhret theina sik ahlam neimak hei.

CORINTHIANHEI INHNINA 4:15

Hiva kan-inrimna seng hi nangni jâra kae; Pathen maritna hi mi katamchet chunga atlung jâra Pathen lûrna sik anmani’n inpâkna derna akakhe chet a antanei sik kae.

COLOSSIANHEI 2:7

Nangni mantheisa nanchang jo kapōa, ama a inthûktak a nanrajung ṭhō ruh, achunga nanhringkhō syem ruh, nantaksenna manngar chet ruh. Khana manpâkna pekna khan siptak ruh.

COLOSSIANHEI 3:17

Heirakip nanta hri leh nantatlo kha, ama inphut Pa Pathen kha manpâkna, Rōngpu Jesu rahminga nantatlo sik kae.

JUDE 1:25

ani kahuk inhring Pathen inkhat rōk hnenga, ni-Rōngpu Jesu Christa jâra, lûrna, kajana, ratha hratna, torna ratha kha a’nphutbia inphut tûn katlung, khana are-rea atâ changṭhak rasoh! Amen.

ṬONGPHÔNG 1:18

Kei akahring ṭhak inkhat eng kha kae! Kei leikathi eng, tâk tûnchu are-rea sik a kahring jo eng. Ke’n thina ram chunga leh thina chunga torna ratha kanei.

ṬONGPHÔNG 19:4

Upa 24 hei leh ranhring 4 hei kha inkun heia len in-ongna chunga a’n-ong Pathen kha ankamuk a, “Amen! Hallelujah!” anti.