ṬONGPHÔNG 6:14 - LEKHARABU INTHENG (BSI)

¹⁴ Marvân inhmu mak jo kapher inze kapōa inzea, hme leh tlâng khana tuikekhum ram rakip anhmun inthon jo hei.

ṬONGPHÔNG 6:14 ပူးပေါင်းရင်းမြစ်များ

HLAHEI 102:26

Khahei seng kha inhmang sik hei, tâk nang chu ka-om ṭhak sik che; khahei khachu pōnse hei kapōa inhler sik hei. Pōnhei kapōa nalathleng sik hei, khana inhmang sik hei.

ISAIAH 34:4

Kani leh thla, khana ârsihei kha ahar-ahak a vaiphin kapōa innoi sik jo hei. Marvân kha lekha inze kapōa inze sik joa kha inhmang sik jo, khana ârsihei kha theichangbō achangmak leh vomhrui theibō ṭi kapōa kaṭi sik jo hei.

ISAIAH 54:10

Tlâng leh hmebunghei kha ahar ahara kakōi thei, tâk kalungsetna che hichu ahei tik chen a tlangmak ning; ke’n lung mōngna sik a ka’ntepna kha ahei tik a katlosōt sik.” Khang’khan nan-inlungset Rōngpu’n ahri.

JEREMIAH 3:23

Hmebung chunga keini limsyem kamukna khan keini heite abômmak. Israel sik a inthōpuina khachu Rōngpu kan-Pathena inphut rōk kahonga kae.

JEREMIAH 51:25

Babylon, nang hi raleichung pumpui kasuk inhmang hmebung inkhat kapō che kae, tâk-kha Rōngpu kei hi nang kadōi eng kae. Ke’n nang kasur sik chea kha, ralei hmai leh in-angtlinga phaicham kamanchang sik che khana ravut a kada sik che.

EZEKIEL 38:20

Kei ṭitna nga leh va rakip akasin akalen sha rakip, khana raleichunga aka-om mihring rakip innoksō sik hei. Tlânghei kha katla inhlon sik hei, kare tlânghei kakik-khōi sik hei, khana bang rakip kachimsō sik jo.

NAHUM 1:5

Rōngpu hmaikunga tlânghei innok hei; ahmai kunga hmebunghei kajor hei. Rōngpu ahon’lâr pha ralei hi innok; vânhnōi leh amihei seng ṭit jâra innok hei.

HABAKKUK 3:10

Tlâng he’n anhmu che pha, innok hei; thangvâna inphut tuihei insun inthla. Ralei thōia tui khan hong inhrung, khavahei tui in-nông kha inshângtak a hong kake.

HABAKKUK 3:6

Ama’n a’nhnga pha, ralei hi innok; ama’n ahei-en pha jât-hei anratha innok. Kumsôt a ka-om tlânghei kavōk-khōi; kumleikōa aka-om hmebunghei kha katlasuk hei, tenlaia aleilônna hmebunghei kha’m.

PETER INHNINA 3:10

Tâk-kha Rōngpu Kani khachu inru kapōa kajōng sik. Khava kani ning khan chu marvânhei hi rasa inhring nguingui pum a inhmang sik hei, marvâna kutsyem kakâng sik heia kha inhmangpet sik jo hei.

ṬONGPHÔNG 16:20

Tuikekhum ram rakip inhmu mak jo, tlâng rakip om mak jo hei.

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

ṬONGPHÔNG 21:1

Khava sōa marvân ther leh ralei ther ke’n kahmu. Hma-inkei marvân leh ralei marō, khana tuipui inhmu mak jo.