ṬONGPHÔNG 6:12 - LEKHARABU INTHENG (BSI)

¹² Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.

ṬONGPHÔNG 6:12 ပူးပေါင်းရင်းမြစ်များ

ISAIAH 24:23

Thla kha inthim sik jo, khana kani kha’m vârmak jo ning, ajârchu Chunghnung Rōngpu kha Reng kachang sik jo. Ama Zion Tlâng chunga Jerusalema vai arôn sik jo, khan chu mipui hlamkakei he’n alûrna kha anhmu sik jo.

ISAIAH 29:6

Chunghnung Rōngpu’n thlikhō inphe leh lingnu innok leh inṭhōia ahuksōt sik che. Khan chu thlipui leh hmei kasûk ajōngtir sik hei;

ISAIAH 34:4

Kani leh thla, khana ârsihei kha ahar-ahak a vaiphin kapōa innoi sik jo hei. Marvân kha lekha inze kapōa inze sik joa kha inhmang sik jo, khana ârsihei kha theichangbō achangmak leh vomhrui theibō ṭi kapōa kaṭi sik jo hei.

ISAIAH 50:3

Akathi sik a ṭajai suina kapōa ke’n bōirōk a khō kamanthim tor a kae.”

JOEL 2:10

Hmating anjōn pha ralei innok; thangvân innok a kae. Kani leh thla hong inthim, ârsi vârlep mak jo hei.

JOEL 3:15

Kani leh thla inthim sik, khana ârsi vârmak jo hei ning.

AMOS 1:1

Tekoa khōpuia kemōng kakhem Amos ṭonghei kha hihei hi kae. Lingnu innok sik kum 2 avât lai Uzziah’n Judah hei reng achanglai khana Jehoas sapa Jeroboam in Israel reng achanglai Pathen in Israel chungchânga hihei rakip hi Amos hneng aleiphôngsōt pek.

AMOS 8:9

Sûnṭima kani kamathlak sik khana sûn pha ralei kamanthimna sik pha kha kahong sik. Chunghnung Rōngpu ke’n kahri jo.

ZECHARIAH 14:5

Hiva tlânga her hnia akaṭhensōt phaicham shunga hin nangni akatlânsōt sik chei kae. Judah Reng Uzziah phalaia lingnu innoklai nanpu sōnhei leitlânsōt kapōa nangni akatlânsōt sik chei kae. Rōngpu ka-Pathen kha, ngeva rakip aheiṭhōi heia kajōng sik.

MATTHEW 11:21

“Eh Chorazin! Heituk ṭitpek aka-om che mo! Eh Bethsaida! Nang sik um heituk ṭitpek aka-om che mo! Nangnihei hneng ṭōn-inlak ale’ntlo hei kha Tyre leh Sidona ale’ntlo achang inchu, anmalung thleng malârna borapōn ansi sik, khana ravut ale’nno sik jo hei kae.

MATTHEW 24:29

“Khava khōdeng theina kani a’nchaisōtak leh kani inthim sik, thla vârmak ning, ârsi marvâna inphut katla sik hei, khana bōirōk a ratha hratna hei kha anhlam hroa inphut hnongsōt sik hei kae.

MATTHEW 24:7

Ram inkhat leh inkhat indōi sik hei, rengram inkhat leh inkhat inbuhlu sik hei. Hmun rakip a sâk kakhôk sik khana lingnu innok sik.

MATTHEW 27:45

Sûnṭimtak a inphut ram pumpui chunga pung 3 Kahlut a khō inthim jo.

MATTHEW 27:54

Rehlam kakeipa leh a-ompui sepei, Jesu kahngâk-hei khan lingnu innok leh omchen kasōk rakip kha anhmu pha kaṭihêr jo heia, “Kadiktak a hiva mipa hi Pathen Sapa kae!” anti.

MATTHEW 28:2

Manhret manloa lingnu inhnaktak innok jo; marvâna inphut Rōngpu ngeva inkhat jōng kaṭum, thlânkot hlung kha ahlik a achunga in-ong jo.

MARK 15:33

Sûnṭimtak a inphut ram pumpui khō inthim in amakhusi jo, khavakha pung 3 katlung khanga leikati jo.

ṬONGPHÔNG 11:13

Khava laitak khan lingnu inhnaktak innok jo; khōpui kha sôma inkhat asuk manhmang jo, khana mihring 7,000 kathiheia kae. Alak mihei seng kha kaṭihêr jo hei khana marvân Pathen lenna kha anmanpâk joa kae.

ṬONGPHÔNG 16:18

Khava pha khō inphe, khō inria, khōjang kapōk, lingnu inhnaktak a innok joa kae. Mihring insyembia inphut hiva kapō lingnu la’nnok phungmak, lingnu innok rakip kâra a’nhnakpen kha kae!

ṬONGPHÔNG 16:8

Khava sōa ngeva 4 tlukna khan athlengkam kha kani chunga abun mathlâk jo, khana kani kalum khan mihring akânghlon sik kha hnōmpek jo kae.

ṬONGPHÔNG 8:12

Khava sōa ngeva 4 tlukna khan apengkun atum jo. Kani leh thla khana ârsi sem thuma sem khat asuk manset jo, khava jâra anvârna kha sem thuma sem khat inhmang jo; khang’khan sûn leh jân sem thuma sem khat kajing joa kae.

ṬONGPHÔNG 8:5

Khana ngeva khan ro mankhutna thlengkam kha aloa, khana maichâm hmei kha asun mansip a, khana raleichunga ajōng hlon mathlâk a kae. Khava pha khōjang kapōk rasa intheia, khō inphea, khana lingnu innok a kae.