ṬONGPHÔNG 5:8 - LEKHARABU INTHENG (BSI)

⁸ Khanga ama’n avalo pha, ranhring 4 leh upa 24 hei kha kemōngte hma inkun heia kae. Anmani’n serângdâr inkhat et leh Pathen mihei derna marim katui kasip sana thlengkam kha anchoia kae.

ṬONGPHÔNG 5:8 ပူးပေါင်းရင်းမြစ်များ

HLAHEI 141:2

Kaderna kha marim kahōi kapōa arahlâng pek roh, kakut kalâng hei kha khōhlei inthoina kapōa eilopek roh.

HLAHEI 150:3

Pengkun leh ama choi ka-ân ruh. Ṭingṭang leh serângdâr vâng choi ka-ân ruh.

HLAHEI 33:2

Serângdâr vâng Rōngpu kha manpâk ruh, mahring kanei vâng ahnenga hla sak ruh.

HLAHEI 43:4

Khava sōa, Eh Pathen, namaichâma kei kase sik eng; ajârchu kei hōina leh inpâkna hong inphutna kha nang che kae; Eh Pathen, ka-Pathen, kaserângdâr ka-ât a, namanpâkna hla kasak sik!

HLAHEI 81:2

Mahring kahōi leh khōngpui mandei manphut ruh; mahring kahōitak a ṭingṭang leh serângdâr kha manhring ruh.

JOHN 1:29

Abân kania John in Jesu ahnenga akahong kha ahmua ati, “Vânhnōi setna karôn Pathen Kemōngte kha hin ka-om.

JOHN 5:23

Khava jâra mi rakip in Pa antakaja kapōa Sapa kha antakaja sik kae. Tu achang inum Sapa injamak mi khan, ajōng katir a-Pa kha akaja mak kae.

HEBREWHEI 1:6

Pathen in asapa hma-inkei kha raleichunga ajōngtir sik pha, ama’n ahri: “Pathen ngeva rakip in ama antakamuk sik kae.”

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 15:2

Khava sōa hmei leh inṭhōia thle-en tuipui kapō inkhat ke’n kahmu. Khan nôk chu arahming kahlanga aja vânga a’nzetpa, khana ranhring leh alim chunga torna kaneihei kha’m kahmusa hei. Anmani Pathen tapek hei serângdâr an-inchoia, thle-en sira khan kangira ka-om hei,

ṬONGPHÔNG 15:7

Khava pha akahring ranhring 4 hei kâra inkhat in ngeva 7 hei hneng khan are-rea akahring ṭhak, Pathen hnuk natna kasiptak sana thlengkam 7 kha apek jo hei.

ṬONGPHÔNG 19:4

Upa 24 hei leh ranhring 4 hei kha inkun heia len in-ongna chunga a’n-ong Pathen kha ankamuk a, “Amen! Hallelujah!” anti.

ṬONGPHÔNG 4:10

upa 24 hei kha’n, kumleikōa akahring ṭhak, len in-ongna chunga a’n-ongpa hmaikunga inkun heia ankamuk a kae. Len in-ongna hma khan anlen lukhuhei anhlik mathlâk a,

ṬONGPHÔNG 4:4

Len in-ongna kimvea alak len in-ongna 24 pōn bang kasi, sana lenlukhu inkhu upahei in-ong heia kae.

ṬONGPHÔNG 4:6

Khana len in-ongna hma khan, crystal kapōa a’ntheng thle-en tuipui inkhat aka-ang ka-om. Khava len in-ongna kimve rakira, ankahnung anhma anhmit he’n akatōm ranhring 4 ka-om hei.

ṬONGPHÔNG 4:8

Khava ranhring 4 hei kha inkhat et in mathla 6 sâm annei, ashung avâng hmit he’n akatōmbit heia kae. Sûn leh jân bânglo jena hla ansak: “A’ntheng, a’ntheng, a’ntheng, Rōngpu Pathen Akahratpen kha kae, aleika-om, aka-om, alaka-om sik kha kae.”

ṬONGPHÔNG 5:11

Khan nôk chu ke’n ka-ena, marvâna ngeva lishing raja hei rasa kathei! Anmani len in-ongna kimvea ranhring 4 leh upahei leh kangir heia,

ṬONGPHÔNG 5:12

rasa inhnaktak a hla ansak: “Kemōngte ale’nthat kha ratha hratna, neina, singna, khana ratha neina, kajana, lûrna, choi ka-ânna achen sik a rahōi kasōk a kae!”

ṬONGPHÔNG 5:14

Ranhring 4 hei kha’n anmasôna, “Amen!” anti. Khana upahei kha inkun heia anleikamuk jo.

ṬONGPHÔNG 5:6

Khava pha upahei leh ranhring 4 hei takake khum len in-ongna laiṭim a kangir kemōngte inkhat ke’n kahmu. Khava kemōngte kha ale’nthatsa achangna sungbi leh hong inlâra kae. Khan chu kemōngte khan raleichung pumpuia ajōng-intir Pathen Rathla 7 leh raki 7, khana hmit 7 aneia kae.

ṬONGPHÔNG 6:1

Khava sōa kemōngte khan achîkna a’ntat 7 kâra hma-inkei kha asuk khōia amahlang kahmu, khana ranhring 4 hei kâra inkhat in “Hong roh!” tia khō inri kapō rasa kha kathei.