ṬONGPHÔNG 3:9 - LEKHARABU INTHENG (BSI)

⁹ Rangei roh! Seitan ta kachang rup-hei, Jehudi chu changlo heia kachang ung katia malei kaseihei kha, nangni inmuk sik a, nanhmai kunga inkun sik a, kamanhong sik hei kae. Kalungsetna chei hi anmani seng in antamanhret sik kae.

ṬONGPHÔNG 3:9 ပူးပေါင်းရင်းမြစ်များ

ESTHER 8:17

Khōpui kalen rakip leh ramṭhen rakip a rengpa ṭong masō teisōtna rakip a Jehudi he’n inpâktak a châm inhngana leh sâklôm tlona kani inkhat anleinei. Adiktak a chu mihlop katamtak Jehudi hongkachang jo hei, ajârchu tûnchu Jehudihei kha anṭit jo heia kae.

SŌKSŌT 11:8

Moses’n hing’hin ṭongchaina anei, “Naṭōn karônhei seng kahnenga kahong sik hei, khana ankamuk sik eng, khana kami rakip ka’nṭhōi pet heia kansesōtna sik antangek sik eng kae. Khava sōa ke’n kadahlon sik jo chei.” Khava sōa Moses khan hnuk kana tak a reng kha adahlon jo.

ISAIAH 43:4

Nang hringkhō hukna sik a jât pumpui donmak hei ning, ajârchu nang kei sik a marit ka-om tak che kae, khana ke’n kalungset che khana kajana kapek chea kae.

ISAIAH 45:14

Rōngpu’n Israel hneng ahri, “Egypt hei leh Ethiopia hei nei leh hao kha nangta sik kae, khana Seba ram a mi dung inshâng hei kha nasōk akachang sik hei kae; anmani’n thirhrui inkhōp pum a antajui sik che kae, nahnenga a’nkun sik hei kae khana anhrisōt sik, ‘Pathen in a-ompui che, ama rōk Pathen kae.

ISAIAH 49:23

Renghei kha nang sik a pa kapō kachang sik hei; reng nuhmeihei kha nu kapō kachang sik hei, Anmani nahmai kunga inkun sik hei khana kajana anpek sik che; anmani’n insinsaktak a nang kajana anmalâr sik. Khava pha, nang in kei hi Rōngpu eng kae tia nahong manhret sik eng, kei inthōpui sik akahngâk tûte inkhat in malung tlailoa om mak hei ning.”

ISAIAH 60:14

Nangni kasuk inrim hei sōn leh pârhei kha kahong sik hei kajana malârna hong-inkun sik hei. Pha khat a nang hnōisea nakatlo hei seng nakekunga antakamuk sik che kae. Anmani’n, ‘Rōngpu khōpui,’ ‘Israel Pathen Intheng khōpui Zion,’ tia anphō sik che.

JOHN 17:23

Anmani pui katluk a pumkhat rōk anchang theina sik, kei najōngtir eng leh kei nalungset eng kapōa anmani nalungset hei kha vânhnōi in anmanhret theina sik kei anmania ka-om eng khana nang keia ka-om che.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!

SAMUEL INKHATNA 2:36

Nang sōn akahring seng he’n khava thempu hneng kase sik hei khana sêr leh bu anvader sik, sâk thei heikhat hmun a sik a thempu kha inthōpui che rung anti sik.”