ṬONGPHÔNG 3:4 - LEKHARABU INTHENG (BSI)

⁴ Achang ravâng Sardis a ka-om nangni ṭhahrep inchu pōn kha inthenga akada ka-om chei. Nangni pōn kachek invon pum a kei leh akalengsap sik me kae, ajârchu nangni khava sik a rahōi kasōk chei.

ṬONGPHÔNG 3:4 ပူးပေါင်းရင်းမြစ်များ

RENGHEI INKHATNA 19:18

A-e ravâng Israel shunga Baal hnenga a’nkunmak hei khana alim inmukmak hei, kei lum anikalo mihring 7,000 chu kahringa kada sik hei.”

ESTHER 8:15

Mordecai kha renghei pōn, vapuirei leh akabang kha a’nsia, hruipōn innem zakkō a’nhak a, akalûrtak sana lukhu a’nkhua, reng-innpui kha adahlon jo. Khana Susa khōpuia hlamdung heia inpâkna leh ningṭhatna rasa inhring jo.

HLAHEI 68:14

Akahratpen Pathen khan renghei kha Zalmon Tlânga akathek manchek hei pha, khana khan kavur aleimathlâk pek hei.

MI INTHEIPA 9:8

Ahei tik a inpâk leh katlai hmesō kha rôn roh.

ISAIAH 1:9

Akahrat chunghnung Rōngpu’n mi ṭhahrep kahringa adamak he’nchu, Jerusalem khōpui kha Sodom leh Gomorrah kapōa suk manhmang hêr akachang sik kae.

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 61:3

Ziona ṭajai kasui hei hneng Inrengna kahlanga inpâkna leh ningṭhatna kapek sik, Inrengna kahlanga manpâkna hlasakna sik a ajōngtir eng. Anmani Rōngpu ama khet in aling mankhang Thingkung kapō kachang sik hei. Anmani ankhenga akadik kha antlo sik jo, Khana Pathen kha atlona hei seng jâra manpâk a ka-om sik jo.

ISAIAH 64:6

Keini kankhenga mi kasettak leikachang ung; kanṭōn tlosōt akaṭhapen hei kapha kha’m akachok dâk kapō kae. Kansetna hei jâra thingbō invōia thli’n asêm manjōng kapō kachang ung.

LEVI-DÂN 13:48

achangmak leh hruipōn leh sahme pōnhar heia achangmak leh shavun leh shavun a insyem hei-inkhat chunga akop joa,

MATTHEW 10:11

“Khōpui a-emak leh khōte shunga nanhlut pha, nangni inhlânghnōm tu mo jong ruh, khana nansesōt mak kârseng ahnenga om ruh.

MARK 16:5

Khan chu thlân shunga kahlut heia, pōn kabang kachek-hlak kasi rether inkhat changting panga a’n-ong anleihmu, inhmakban jo hei.

LUKE 20:35

Tâk-kha akajōng sik khang shunga akahring sik a, thina inphut a akathōisōt sik rahōi kasōk pase leh nuhmeihei khachu lu hôngmak hei ning.

LUKE 21:36

Ajōng kasōk sik omchen heia inphut nanhringsōt torna sik leh Mihring Sapa hmaikunga ngir torna ratha nanchenna sik pha rakip a derṭhak una inrin ṭhak ruh.”

ṬŌNTLOHEI 1:15

Kanikhō ṭhahrep sōa, akataksen ankhenga 120 kapō intûpna leika-om, khana ṭong kahri sik a Peter leikangirsōt.

THESSALONIANHEI INHNINA 1:5

Hiva rakip hi Pathen ṭongtan kha kadik ti malârna kha kae, khava kara khachu nangni’n malung inrengna kha nanlanei, ama Rengram sik a rahōi akasōk sik chei kae.

JUDE 1:23

hmei kâra inphut keisōt hei una hukmanhring hei ruh; khan chu alak he’m ṭitpum a inchunpui hei una anchunga nanlung setna malâr ruh, tâk anhur leh êm setna kabek anpōn leh der khachu mater ruh.

ṬONGPHÔNG 1:11

Rasa khan ati, “Nang in nahmu kha mazet roh, khana namazet lekharabu kha bekrup 7 hei hneng ti chu: Ephesus, Smyrna, Pergamum, Thyatira, Sardis, Philadelphia, khana Laodicea hei hneng manrôn hei roh.”

ṬONGPHÔNG 11:13

Khava laitak khan lingnu inhnaktak innok jo; khōpui kha sôma inkhat asuk manhmang jo, khana mihring 7,000 kathiheia kae. Alak mihei seng kha kaṭihêr jo hei khana marvân Pathen lenna kha anmanpâk joa kae.

ṬONGPHÔNG 14:4

Anmani kha nuhmei kaneimak leh nuhmei leh ala’ntônmak intheng senga aka-om mihei kae; Anmani’n kemōngte ase sena akahnung anjui. Anmani mihring ralak-hei kâra katlensōtsa hei kha kae. Khana ahma inkeipen kara, Pathen leh kemōngte hneng pek sōt sik hei kha kae.

ṬONGPHÔNG 19:14

Marvân remi he’n shakor anchōnga a’ntheng hruipōn innem kabang vâng inret heia, akahnung anjui.

ṬONGPHÔNG 19:8

Amanu hruipōn intheng akadi rik-rak a’nretna sik a anpek jo.” (Khava hruipōn khachu Pathen mihei akaṭha tlona kha kae.)

ṬONGPHÔNG 3:18

Khava jâra nahaona sik kei hnenga inphut sana intheng inchôk roh, tia kamanse che kae. Inzakpui ka-om nataksa katōmna sik, pōn kachek a na’ntōmna sik, inchôk roh. Khan nôk chu nahmit avârna sik, hmit hlei nakano sik inchôk roh.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.

ṬONGPHÔNG 4:4

Len in-ongna kimvea alak len in-ongna 24 pōn bang kasi, sana lenlukhu inkhu upahei in-ong heia kae.

ṬONGPHÔNG 6:11

Pōn bang inkhat et anpek heia, anmani kapōa ansōk changpui hei leh Christian sōpuihei antathat sik hei kha anja alatluk mak kârseng pha bongkhat antalahngâk sik a ṭong anmanthei hei.

ṬONGPHÔNG 7:9

Hivasōa ke’n ka-ena, tûte tatei tor mak sik, mipui katamtak kahmu hei! Anmani kha jât rakip, phung rakip, mi rakip, ṭong rakip a inphut pōn bang ansia kemōngte len in-ongna hmaikunga kahno bō anchoia kangir hei.