ṬONGPHÔNG 3:19 - LEKHARABU INTHENG (BSI)

¹⁹ Ke’n kamalungset seng kamanse heia, karâkna kapek hei. Khava jâra malung kahluttak a nasetna inphut namalung thleng roh.

ṬONGPHÔNG 3:19 ပူးပေါင်းရင်းမြစ်များ

SAMUEL INHNINA 7:14

Kei apa kachang sik eng, ama kasapa kachang sik. Ama’n atloṭhe pha, pa’n sapa akarâk kapōa kakarâk sik.

JOB LEKHARABU 5:17

Pathen in amandik mi kha amahâm kaṭha! Ama’n arasei che pha, theikada mak roh.

HLAHEI 39:11

Naraseina vâng khan kansetna hei chunga karâkna napek ung, khana kantamadu kha ra-nge kapōa nasuk manhmang pek ung. Kadiktak a, keini hi kaphuk sân inkhat kapōhrep ung kae.

HLAHEI 6:1

Rōngpu nahnuk mannat mak roh khana arasei mak roh! hnuknat a karâkna apek mak roh!

HLAHEI 69:9

Nabek-inn karangeina hin kashunga hmei takâng ka-ang jo; nang hmeset a anraseina che kha kei chunga katla jo.

HLAHEI 94:10

Ama’n jât-hei arasei hei — karâkna pek loa ada sik hei mo? Ama mi rakip hei oja kae — manhret loa ama aka-om mo?

ṬONGCHÎK-HEI 15:10

Akadik mak kha natlo’nchu, karâkna inhnaktak inpek sik che; nabinga dikna sik natlo mak inchu kathi sik che.

ṬONGCHÎK-HEI 15:32

Na’nthem chuk hnōm mak inchu, nabinga a’nsuk inrim che kae. Mandikna che kha narahlâng inchu, hong kasingdet sik che.

ṬONGCHÎK-HEI 22:15

Angaia naipang he’n khôk sakloa, aka-emak leh akamo antlo, tâk kaben manthak hin heikhong mo aka-omchen sik hei ti kha amanthei sik hei.

ISAIAH 26:16

Rōngpu, nang in namipuihei karâkna napek hei, inkōipuma nahnenga ander che.

JEREMIAH 10:24

Rōngpu, namihei manse hei roh, tâk-kha kanchunga khôkrei mak roh, khana nahnuk anat pha leh karâkna apek mak roh; khava khachu keini inchaina kachang sik.

JEREMIAH 2:30

Ke’n karâkna kapek che, tâk ṭhatchôm dekmak; nang mandikna sik a ṭōn amantlo hnōm mak che. Hnuk kase shabakkai kapōa, nasânkathemhei kha nathat heia kae.

JEREMIAH 30:11

Kei nanhnenga kahong sik eng khana kahuk sik chei. Ke’n kachai kathekna chei ram a jât rakip ankhenga kasuk manhmang sik hei, tâk-kha nangni chu suk manram mak chei ning. Ke’n nangni karâkna pek loa damak chei ning; tâk-kha karâkna kapek chei pha, injentak a katlo sik. Rōngpu ke’n kahri jo kae.”

JEREMIAH 31:18

“Israel mihe’n malung inrimtak a antahri kha ke’n kathei, Rōngpu, keini hi antalâk manhnem mak ranhring kapō kachang ung, tâk-kha ṭongpek jui sik kha namanthei ung. Aṭhōi male roh; Rōngpu kan-Pathen nahnenga jōng inle sik a intluk ung.

JEREMIAH 7:28

Nang in anhnenga hripek hei roh, anjât in Rōngpu an-Pathen ṭong juimak jo hei khana anchunga karâkna khana inphut inchûna neimak jo hei. Inhlamrinna om mak jo. Ahribek um inhrimak jo.

ZEPHANIAH 3:2

Rōngpu ṭong rangei mak khana ama mansena kha rahlâng mak a kae. Rōngpu hnenga taksenna neimak khana inthōpuina inder mak.

MATTHEW 25:7

Khava pha nuhngâk 10 hei kathōi heia anthaihmei andet manphut jo.

JOHN 2:17

Asonle he’n ṭong intheng tahri, “Na-inn kha karangeia kamalunga hmei kakâng ka-ang,” ati kha anleimandonsōt a kae.

ROMANHEI 12:11

Ṭōntlo hrat ruh, nanratha semak rasoh. Malung kahluttak a Rōngpu kha razen ruh.

CORINTHIANHEI INKHATNA 11:32

Tâk-kha eini’n vânhnōi ralei leh masetna nichensap makna sik, Rōngpu khan niṭong atan a karâkna apek me kae.

CORINTHIANHEI INHNINA 6:9

manhret lo kapōa antlo ung, kha’num keini mi rakip in anmanhret ung; akathi kanpō, tâk, nantahmu ung kapōa kahring ṭhak ung. Karâkna anpek ung ravâng, athat mak hei;

CORINTHIANHEI INHNINA 7:11

Enruh hiva nangni malung inrimna hin Pathen in heimo atlo: heituk malung kahlut a asyem chei, ṭhenakase nanchangna kha malârna sik a heituk kakhôk a atlo mo! Khava hnuk natna, ṭit-inpirna, malung tônna, malung hlutna, ṭōn kaṭhamak katlohei karâkna pek sik a intlukna hei seng kha kae! Khavahei seng chunga khan nangni nanbinga heite ṭhena kaneimak inkhat a nanbinga inlâr jo chei.

GALATIANHEI 4:18

Tûnchu, lungtup kha akaṭha achang inchu khang khava lum lona kha rahnaktak a nei sik hi akaṭha kae, hivahi ka-ompuilai chei rōk changloa, apha rakip sik a kae.

DÂNRABU INHNINA 8:5

Mipa inkhat in asahei amanse hei kapōa, Rōngpu nan-Pathen khan nandikna sik a karâkna apek chei kha mandon ruh.

TITUS 2:14

Eini ṭhatmakna rakip a inphut ani kahuksōt sik a leh mi intheng ama ta rōk akachang sik mea khana akaṭha katlo hnōm nichangna sik a, ama’n abinga eini sik a inpek sōt joa kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

ṬONGPHÔNG 2:5

Mandon roh natlûkna kasôt jo! Namalung thleng ina hma naleitlo kha tlo nôk roh. Nang in namalung nathleng mak inchu, nathaihmei vâr matungna kha ahmun a inphut akalosōt sik a nahnenga kei akajōng sik eng kae.