ṬONGPHÔNG 3:10 - LEKHARABU INTHENG (BSI)

¹⁰ Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.

ṬONGPHÔNG 3:10 ပူးပေါင်းရင်းမြစ်များ

ISAIAH 24:17

Kahri hi rangei ruh, mi rakip! Hinahin ṭit ka-om tak hei, khur inthûk hei, khana châng he’n anhngâk ṭhak chei.

DANIEL 12:10

Mi katamtak manthengsōt sik hei kae. Malung kaṭhamak-hei khachu manhret theimak hei ning tâk khanga ṭhatmak antlo manjōm sik; mikasing rōk he’n anmanhret sik.

ZECHARIAH 13:9

Khana alakahring sem thum changna hei kha hmei in dangka amanthengsōt kapōa ke’n ka-enmansin sik hei. Sana enmansinna kapōa ke’n ka-enmansin sik hei. Khava sōa kahnenga derna anhongnei sik, khana ke’n kamasôn sik hei. Anmani kamihei kae tia kahri pek sik hei, khana anmani’n kei hi an-Pathen eng kae tia anhrisōt sik jo.”

MATTHEW 24:14

Khana hiva Rengram Ṭong kaṭha hi vânhnōi raleia jât rakip hneng sâkhi sik a hrimanthang sō sik kae; khava sō leh a’nchaina kha jōng katlung sik jo.

MATTHEW 26:41

Mathlemna nantlâk makna sik der una thōk ruh; Rathla’n chu intluk, tâk taksa’n chu katlasama kae,” ati.

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

MARK 14:9

Tûnchu, kaman chênpek chei kae raleichung pumpuia ṭong kaṭha anhrina hmun rakip a, aṭōn tlo hi amanu mandonsōtna a’nhri sik jo kae.”

LUKE 2:1

Augustus Rengkalen changlai Roman Rengram shunga mi rakip mija mazet manhlutna sik ṭongpek inkhat aleinei.

JOHN 17:6

“Vânhnōi raleia napek eng mihe’n nang anmanhretna sik che ke’n katlosō jo. Anmani natahei kae, khana kei napek eng kae. Anmani’n naṭong anjui,

ROMANHEI 1:8

Ahma kakei pena nangni nankhenga sik a Jesu Christa jâra ka-Pathen kamanpâk, ajârchu vânhnōi pumpui in nantaksenna ṭong antheia kae.

CORINTHIANHEI INKHATNA 10:13

N antaratō jo mathlemna rakip kha mihring hneng akahong phung rōk hei kha kae. Tâk-kha Pathen chu aṭong tepna kha ajui mathlung, khana ama’n nanngir inhnetna ratha nantanei kakhea mathlem sik chei kha hnōm mak ning; mathlemna nan-om pha, detorna sik ratha apek sik chei; khan chu apesōt theina hlam um apek sik chei.

EPHESIANHEI 6:13

Khan chu tûnhin Pathen revon kha invon ruh! Khanna ṭhatmak kani ajōng tlung pha, nankabuhlu hei kha nandetor sik hei, khana atorna katlung re nan-intukpui sōa nanhmun kha nanmatutor ṭhak sik.

TIMOTHY INHNINA 2:12

Eini’n nide manrimṭhak inchu, ama leh vai nirônsap sik a kae. Ama nihnōm mak inchu, ama’num eini ahnōm mak ning.

JAMES 3:12

Kasōpuihei, theichang kunga olive inramak, khana vomhrui jâma theichang inra phungmak; a-emak leh chikhura inphut tuitak sōk theimak a kae.

PETER INKHATNA 4:12

Kasōpui marit hei, enmansinna inhnaktak nanchunga ajōng tlung pha, akasōk phung hêrmak aleichang jo’num le’npir mak ruh.

PETER INHNINA 2:9

Khava jâra Pathena ka-om mihei kha mathlemna inphut Rōngpu’n anhûksōtje amanhret khana mikaṭhamak-hei kha’m Ṭongtan Ning ankarâkje amanhret,

ṬONGPHÔNG 1:9

Kei nansōpui John eng kae khana Jesu Christa kajuile inkhat a kei hi nangnihei chen neipui, ama rengram mihei chunga inrengna ajongtlung pha dehrattak a akathōkpui eng kha kae. Jesu taphôngsōt ṭong kadik kha leh Pathen ṭong kha ke’n kahri manthang jâra Patmos inti tuikekhuma kei anleikhum eng.

ṬONGPHÔNG 11:10

Hiva mi 2 hei thi jâra hin raleichung mi rakip inpâk sik hei. Inpâkna kutchoi khat leh khat inpektō sik hei, ajârchu khava sânkathem 2 hei khan raleichunga khōdeng theina katamtak anleimasōa kae.

ṬONGPHÔNG 13:10

Sur sik a ka-om mi kha sur nger sik kae; khan chu chemjâm vâng that sik a ka-om mi kha chemjâm vâng that nger sik kae. Hivahi Pathen mihei khan antaksenna leh andehratna sik arangei kae.”

ṬONGPHÔNG 13:14

Ama’n ranhring hma-inkei hmaikunga aṭōntlo inlakna vâng khan raleichunga ka-om mi rakip ahōn mathlâk jo hei. Ranhring khan raleichung mi rakip hneng, ranhring chemjâma a’ntôna alakahringpa kajana, alim antasyem sik a ṭong apek hei.

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 14:12

Jesu kataksenhei leh Pathen ṭongpek kajuihei, Pathen mihei dehratna sik a hivahi arangei kae.

ṬONGPHÔNG 14:6

Khava sōa ngeva hlop inkhat bōirōk inshânga ajōng kha ke’n kahmu, ama khan kumsôt hringna ṭong raleichung mihring jât rakip, phung rakip leh ṭong rakip hneng ahrilea kae.

ṬONGPHÔNG 16:14

Anmani kha ṭōn-inlak katlosōt rathla kaṭhamak-hei kha kae. Hiva rathla 3 hei hi Akahratpen Pathen Kani lûnpui ning re katlo sik a vânhnōi raleia renghei kaṭhōi intûp sik a kasesōt jo hei.

ṬONGPHÔNG 17:2

Raleichung reng he’n hiva notinu hi leh omchen kadikmak antlo, khana vânhnōi raleichung mihe’n amanu jôngna ju kha an-ina inphut inrui jo hei.”

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 2:10

Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 3:8

Ke’n naṭōntlo kha kamanhret; nang in ratha ajingte nanei ti kamanhret; nang in kaṭong manthei kha najuia kei taksenthei hongkachang che. Tûte’n antakhâr tor mak kot kha ke’n nahma kamahlang.

ṬONGPHÔNG 6:10

Anmani’n rasa inhnaktak a an-ôna, “Akahratpen Rōngpu, a’ntheng leh akadik! Keini anthat ung jâra ralei mihei chunga ṭong natan sik leh nakarâk sik hei kha heituk mo alakasôt sik?” anti.

ṬONGPHÔNG 8:13

Khava sōa ke’n ka-ena, bōirōk chunga marhmu inkhat kajōnga rasa inhnaktak a a-ôn, “Ô-ah! tuna ngeva 3 in antalatum manhring nger sik pha shunga raleichunga alaka-om mi seng chunga heituk a de a’ntak sik mo nu!” ati kha ke’n katheia kae.