ṬONGPHÔNG 22:5 - LEKHARABU INTHENG (BSI)

⁵ Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.

ṬONGPHÔNG 22:5 ပူးပေါင်းရင်းမြစ်များ

HLAHEI 36:9

Nang chu hringna rakip kōnna che kha kae, nang navâr jâra keini’n vâr kha kanhmu.

HLAHEI 84:11

Rōngpu hi eini kahuk leh reng kalûr kha kae, lungset leh manlûrna pum a vâng apek me. Akadik katlohei sik a akaṭha neinâk pek sik kha heite maner mak.

ISAIAH 24:23

Thla kha inthim sik jo, khana kani kha’m vârmak jo ning, ajârchu Chunghnung Rōngpu kha Reng kachang sik jo. Ama Zion Tlâng chunga Jerusalema vai arôn sik jo, khan chu mipui hlamkakei he’n alûrna kha anhmu sik jo.

ISAIAH 30:26

Thla kha kani kapōa kavâr sik jo, khana kani kha angaia avâr kanek a vârsari kakhea kavârsa sik jo, ni 7 shunga vâr kha ni khat rōk a akavâr kapōa. Hihei rakip hi Rōngpu’n amihei rachâkna antak kôkbi kha akatōmpek heia amandam pek hei ning kani kha hongkachang sik.

DANIEL 7:18

Khana Chunghnung Pathen sahe’n reng ratha neina kha anchen sik khana ahei tik a anta kachang sik.”

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

ZECHARIAH 14:7

inthim um om mak jo ning. sûn rōk kachang sik jo. Khana khan jân pha katlunga kani kavâr ṭhak sik jo. Hiva asōk sik pha hi Rōngpu rōk in amanhret a kae.

MATTHEW 19:28

Jesu’n ahnenga ahri, “Kadiktak a kahri pek chei kae, Khang athera Mihring Sapa khan alûrna leh alen in-ongna chunga a’n-ong pha nangni ani kajui 12 seng um Israel phung 12 hei chunga ṭong katan sik a reng in-ongna chunga a’n-ong sik chei kae.

MATTHEW 25:34

Khava pha Rengpa khan achang tinga hei hneng, ‘Hong ruh, kapa mahâmṭhat pek hei! Vânhnōi insyembia inphut nangni sik a mantluksa rengram kha hongchen jo ruh.

MATTHEW 25:46

Khan chu, anmani are-rea karâkna kachen sik a atir sik jo hei, tâk mikadik-hei khachu kumsôt hringna kase sik jo hei.”

ROMANHEI 5:17

Khava mi inkhat set-tloa inphut thina akahong khan vai arôn inphut jo ti hi akadik kae. Tâk-kha mi inkhat ti chu Jesu Christa tatlosōt kara khan chu heituk-hrep a akalen jôk sik mo! Pathen maritna katamtak kachen hei, khana mankasea ama leh mandik sapna kachen hei khan Christa a hringkhō shunga vai anrôn sik.

TIMOTHY INHNINA 2:12

Eini’n nide manrimṭhak inchu, ama leh vai nirônsap sik a kae. Ama nihnōm mak inchu, ama’num eini ahnōm mak ning.

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 18:23

Nashunga hmeivâr indet nôk hêrmak jo ning; hmōipa leh hmōinu rasa inthei nôk hêrmak jo ning. Nang inveina chu vânhnōi raleichunga ratha kaneipen kha kae, khana nadôi choi kadikmak khan vânhnōi ralei mi nahōn mathlâksō joa kae!”

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 20:6

Hiva akathi hma inkeia hringsōtna kachen hei kha mikahōihei leh mahâm kaṭha hêr hei kha kae. Vōihni tlukna thina khan anchunga ratha heite neimak jo; anmani Christa leh Pathen thempu kachang sik jo hei, khan chu kum 1,000 ama leh inṭhōia vai antarônsap sik kae.

ṬONGPHÔNG 21:11

khōpui kha Pathen lûrna leh inṭhōia kavâr. Hlung mantam jasper kapō, crystal kapōa intheng.

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.