ṬONGPHÔNG 22:15 - LEKHARABU INTHENG (BSI)

¹⁵ Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGPHÔNG 22:15 ပူးပေါင်းရင်းမြစ်များ

RENGHEI INKHATNA 22:8

Ahab in amasôn, “Imla sapa Micaiah inti inkhat laka-om. Tâk-kha ama chu kahōt, ajârchu ama’n heitikchena kei sik a akaṭha inkhatbek hriphung mak a kae; akaṭhamak rōk aphông.” Jehoshaphat in amasôn, “Khanga nahri mak sik kae!”

ṬONGCHÎK-HEI 12:22

Malei kaseihei Rōngpu’n ahōt hei, tâk anṭong hrina akangir hei chunga amalung katlâi.

ṬONGCHÎK-HEI 7:27

Amanu inna nase jo’nchu kathikhō hlam a akase jo che kae. Khavakha thibeina hlam kha kae.

ISAIAH 47:12

Nang hmitphedôi leh mithlimna hei kha dasōt roh; nasinlaia inphut nahong hmang jo hei kae. Khahei khan ajingbek chu anta’nthōpui sik che kachang sik; khan vâng khan na’ndōipui hei namaṭhit torkhat hei kachang sik.

ISAIAH 47:9

Tâk-kha pha khat a, ni khat rōk a, hihei seng hi hong kasōk sik. Nang in hmitphedôi khaseng nahmang inum napuise leh nasahei inhmang sik hei.

ISAIAH 57:3

Nangni mikaset-hei, nanṭong tanna sik a hong ruh! Nangni dôi kachoi, mikajông leh notinu kanek a akaṭha changmak chei.

JEREMIAH 5:31

Sânkathem he’n maleisei tei loa heite hrimak jo hei, thempu he’num sânkathemhei ṭongpek a vai anrôn jo, khana kamipui he’num heite inphin mak jo hei. Tâk heirakip ahong inchai pha khan anmani’n heimo antatlo sik jo?”

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MATTHEW 7:6

“Neinâk intheng kha uihei hneng pek mak ruh, anmani hong inhe sik heia kha anse sik chei. Khana nanhlung mankatam hei kha vok-hei hmaikunga hlon mak ruh, anchōn rachihrep sik heia kae.

MATTHEW 8:12

Tâk Rengram a aka-om sik mihei kha inthimna shunga anhlonsōt sik hei, khana khan kaṭap sik hei khana anha ankarôt sik jo,” ati.

JOHN 8:46

Kei mikase kae tia masetna anikapek sik nankâra tu mo aka-om chei? Ke’n akadik kha kahria achang inchu, heisa mo nanta taksen mak eng?

ṬŌNTLOHEI 8:11

Khava adôi vâng khan pha khaseng kha anhmit aleiphe pek heia anmalung amanhmak pek hei jâra khan aṭong anleijui.

DÂNRABU INHNINA 23:18

Khan nôk chu, khanga tloa sêr hlō kha intepna pui tlukna sik Rōngpu nan-Pathen inna heichoi theimak ning. Rōngpu’n bek-inna noti amater hei.

PHILIPPIANHEI 3:2

Khava ṭhatmak katlohei, khava uihei, khava vuntanna sik a mi kajôr heia inphut insing thei ruh.

COLOSSIANHEI 3:6

Hihei jâra hin aṭong kajuimak hei chunga Pathen hnuk natna ajōng katlung sik kae.

TIMOTHY INKHATNA 1:10

mikajônghei, nuhmei-puise angaia ka-om mak hei, mihring inruhei, malei kasei hei, maleisei sâkhi katlohei, ṭong kadik intheina inphut akalet a katlo rakip hei sik a dân kha a’nsyem kae.

ṬONGPHÔNG 18:23

Nashunga hmeivâr indet nôk hêrmak jo ning; hmōipa leh hmōinu rasa inthei nôk hêrmak jo ning. Nang inveina chu vânhnōi raleichunga ratha kaneipen kha kae, khana nadôi choi kadikmak khan vânhnōi ralei mi nahōn mathlâksō joa kae!”

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 21:8

Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”