ṬONGPHÔNG 22:1 - LEKHARABU INTHENG (BSI)

¹ Khan chu ngeva khan kemōngte leh Pathen len in-ongna inphut hringna tuidung hlungvâr kapōa

ṬONGPHÔNG 22:1 ပူးပေါင်းရင်းမြစ်များ

HLAHEI 46:4

Chunghnung ama inn inthenga khan, Pathen khōpuia khan inpâkna ajōng karôn tuidung inkhat ka-om.

ISAIAH 41:18

Ke’n bung kachâr heia tuidung kaman lōng sik. khana phaicham heia tuiri kamanpût sik Nêrdiram kha tuikhura kasyem sik hei khana ram kachâr hei kha tuiri pûtna kamanchang sik hei.

ISAIAH 48:18

“Nangni’n kaṭong pek chei hi ajui rōk nanjui inchu! Khan chu mahâmṭhatna kha nangni sik a akakang hêrmak kavadung kapōa kalōng sik! Torna kha nanhnenga kahong sik tuipui in-nông in tuipangting ahei inlet kapōa.

ISAIAH 66:12

Rōngpu’n ahri, “Ke’n aka-omsôt sik nei leh hao kajōng rôn pek sik chei; Vânhnōia nei leh hao kha tuidung akakang hêrmak kapōa nanhnenga jōng kalōng sik jo. Nangni kha naidông inkhat anu’n arazen, akut vâng apom, khana lungset a arazen ka-ang sik jo chei.

JEREMIAH 17:13

Rōngpu, nang chu Israelhei inhōrna che kae; nang kadahlon rakip hei kha inzakna anchen sik. Anmani vaiphin chunga rahming nimazet kapōa inhmang sik hei, ajârchu tuiripût insim Rōngpu nang kha andahlon jo che.

JEREMIAH 2:13

ajârchu kami he’n setna 2 antlo jo, khachu: tui intheng tuiripût kachang kei hnenga inphut anmani inhesōt jo hei, khana tui aka-om tor mak sik tuikhur kha ancho jo.

ZECHARIAH 14:8

Khava kani kha ajōng tlung pha, Jerusalema inphut tui insim kapût sik, khava tui aṭimkhat kha Tuipui Kathi dîra kalōng sik, khana aṭim inkhat in Mediterranean tuipuia kahlut sik. Kum katlung bit a, sûrkhō leh ṭhekhōa khō kasûr injôn sik.

JOHN 13:32

Khana Pathen lûrna kha ama inphut a’nphông achang inchu, Pathen in Mihring Sapa lûrna kha abingkhet chunga amanphông sik jo, inrangtak a khanga atlo sik jo.

JOHN 15:26

“Pathen chungchânga akadik inlârpa khana Pa hnenga inphut akajōng Rathla Inthōpui kha kajōng sik. Pa hnenga inphut ke’n nanhnenga kajōngtir sik khana ama’n kachungchânga ahri sik.

JOHN 4:14

Khana tu achang inum kei tapek sik tui ka-in mi khachu atui hrenôk hêrmak jo ning. Kei tui pek sik khachu, kapek mipa shunga khan hringna tui kapût a kalōng sik, khana kumleikōa hringna apek sik kae.”

ṬŌNTLOHEI 2:33

Ama hi Apa, Pathen kut changting matungsōt a ka-om jo, aṭong leitepna dungjuia ahnenga inphut Rathla Intheng achen jo. Tûntûna nantahmu leh nantathei rakip hi kanchunga aheibun mathlâk kutchoi kha kae.

ṬONGPHÔNG 1:1

Jesu Christa’n aphôngsōt omchenhei mazetna kha hiva lekharabu hi kae. Inrangtak a ahong kasōk sik omchen kha asōk-hei hneng manhmuna sik a hiva phôngsōtna hi ahnenga Pathen in aleipek kae. Christa’n asōk John hnenga angeva ajōng tira hiva omchenhei hi aleimanthei,

ṬONGPHÔNG 21:11

khōpui kha Pathen lûrna leh inṭhōia kavâr. Hlung mantam jasper kapō, crystal kapōa intheng.

ṬONGPHÔNG 21:6

Khan chu ama’n ati, “Hi intlo jo! Kei ahma inkei leh ahnung kakhôr, a’nphutna leh a’nchaina eng kae. Tu achang inum tui kahre mi kha ke’n hringna tuiripût a mankasea a-ina sik ratha kapek sik.

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 22:6

Khava sōa ngeva khan kahnenga ahri, “Hiva ṭong hi akadik leh taksenthei kae. Khana sânkathemhei hnenga arathla kapek, Rōngpu Pathen khan inrangtak a ajōng kasōk sik omchen, asōk-hei manhmuna sik a angeva ajōngtir jo.”

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.

ṬONGPHÔNG 5:13

Khana ke’n marvân chunga leh raleichunga khana ralei thōia leh, tui-ôngpui thōia ranhring seng, vânhnōi ranhring rakip hlasak kha kalei thei: “Len in-ongna chunga a’n-ongpa leh kemōngte kha, choi ka-ânna, kajana, lûrna leh ratha hratna are-rea atâ chang rasoh!”

ṬONGPHÔNG 5:6

Khava pha upahei leh ranhring 4 hei takake khum len in-ongna laiṭim a kangir kemōngte inkhat ke’n kahmu. Khava kemōngte kha ale’nthatsa achangna sungbi leh hong inlâra kae. Khan chu kemōngte khan raleichung pumpuia ajōng-intir Pathen Rathla 7 leh raki 7, khana hmit 7 aneia kae.

ṬONGPHÔNG 7:17

ajârchu len in-ongna laiṭim a ka-om kemōngte kha, ankakhem akachang sik jo kae, khana ama’n tui kahring lōngna hmun a aṭhōi sik hei. Khana Pathen in anhmit rathli ahni manhi pek sik jo hei kae.”