ṬONGPHÔNG 21:8 - LEKHARABU INTHENG (BSI)

⁸ Tâk-kha ṭit kasehei, mikahōnhei, mikathat-hei, omchen kase hei, dôi kachoihei, limsyem inmuk hei, khana malei kaseihei seng omna sik a hmun kha hmei leh kât kângna dîr kha kae, khavakha vōi 2 tlukna thina kha kae.”

ṬONGPHÔNG 21:8 ပူးပေါင်းရင်းမြစ်များ

ṬONGCHÎK-HEI 19:5

Ṭong tanna hmun a maleisei nahri’nchu, karâkna inpek sik che, inphesōtna om mak ning.

ṬONGCHÎK-HEI 19:9

Ṭongtan hmun a maleisei kahri tûte inkhat karâkna pek sik a inphut tlânsōt tor mak; ama kha a’nhmang jo kae.

ISAIAH 51:12

Rōngpu’n ahri, “Nangni rathahrat kape kha kei eng kae. Heisa mo akathithei kha nantaṭit, kahar kanek a akasôt aka-om mak hei kha?

ISAIAH 57:11

Rōngpu’n ahri, mahngina nantanei, khava ṭitna nankape pathenhei kha tuhei mo? “Nangni’n kei hneng maleisei nanhria, khana kei hi nanmahngi cher jo eng. Ke’n pha kasôttak sip katia ka-om jâra kei hneng kajana pek sik kha akahai jo chei mo?

ISAIAH 9:15

Kater leh kaja ka-om mihei kha aluhei kae, khana sânkathem maleisei kahri hei kha arahmei hei kae.

MALACHI 3:5

Chunghnung Rōngpu’n ati, “Ṭong katan sik a nankâra hongkangir sik eng, hmitphedôi kachoihei, mikajônghei, sâkhi kadikmak kapek hei, anṭōn katlohei rathaman kapek mak hei, khana renghmeihei, khana nu leh pa kasehei, khana ram hlop heia inphut hnemna kajōng hei, khana kei kajana anikapek mak hei seng chunga ṭong katan sik.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 25:25

Ke’n kalei ṭit chea, nasêr kha kase enga ralei thōia kathup a kae. Enroh! Nata kha hi kae,’ ati.

MATTHEW 8:26

Jesu’n amasôn hei, “Heisa mo hingtuk a nantaṭit. Heituk a taksenna katlôm chei mo!” Khava sōa ama kathōia, thli leh tui in-nông kha adaina sik a arakôk jo, khan chu kadairip jo.

MARK 9:44

Khana khan anmani kasâk rahlunghei kha thihêr mak hei, khana ankakâng hmei kha’m thihêr mak.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

DÂNRABU INHNINA 20:8

“Ṭōnpui karônhei khan mihei hneng anti sik, ‘Hinahin ratha innok leh ṭit kase mi aka-om mo? A-om inchu inna a’nle sik kae. Achangmak inchu milak-hei ratha hrokna kha amanhmang pek sik heia kae.

THESSALONIANHEI INHNINA 2:9

Khava Akaṭhamak Inkhat kha Seitan ratha leh inṭhōia kajōng sik, ama’n akadik mak ṭōn-inlak leh det-hla hingja atlosōt sik,

TIMOTHY INKHATNA 4:2

Thir kalum tarohlon kapō, mandon ṭhen theina kaneimak hei, malei kasei mikahōn inthla heia inphut khang khava intheina kha ahong kasōk kae.

TITUS 1:16

Anmani’n Pathen kanmanhret anti, tâk anṭōn tlo’nchu hnōm mak. Anmani mater ka-om hei khana ṭongpek juimak hei, heikhat ṭōn kaṭha katlo sik a rahōi changmak hei.

HEBREWHEI 12:24

Intepna ther kasyem Jesu hneng leh Abel thisen kanek a akaṭhachet intepna athisen inthek khumna khan kahong jo chei.

HEBREWHEI 13:4

Luhông hi mi rakip in kaja hei rasoh, khana apuise leh anuhmei kha khat leh khat taksenthei chang hei rasoh. Mikajông leh omchen kadikmak khachu Pathen in anṭong atan sik kae.

JOHN INKHATNA 2:22

Khan chu malei kasei kha tu jo mo? Khachu Jesu kha Messiah changmak kati kha kae. Khava mihei kha Christa kadōihei kae, anmani’n Pa leh Sapa kha hnōm mak hei.

JOHN INKHATNA 3:15

Mihlop ka-en kada mi kha mikathat-hei kae; mikathat-hei khan hringna anshunga neimak hei ti hi nanmanhret a kae.

JOHN INKHATNA 5:10

Khava jâra Pathen Sapa kataksen rakip in anmalunga hiva sâkhi hi annei; tâk Pathen kataksen mak hei kha’n ama kha malei kasei amanchang; ajârchu Pathen in Sapa chungchânga ahrina kha taksen mak heia kae.

ṬONGPHÔNG 14:10

Pathen hnuk natna ju, hnuknat inhnaktak a asun mansip kōkleia ju kha, anbinga an-in sik! Khava katlo rakip kemōngte leh angeva intheng hei hmaikunga hmei leh kât kângna shunga khōdeng katheia ka-om sik hei.

ṬONGPHÔNG 19:20

Khava ranhring kha ahmai kunga ṭōntlo inlak katlo sânkathem inhlempa kha leh inṭhōia ansur heia kura ankhum jo hei. (Khava aṭōntlo inlak tlona vâng khan ama’n ranhring limsyem chîknabi kaneihei leh ranhring inmuk hei kha amathlem mathlâk heia kae.) Hmei kângna dîr shunga ranhring leh sânkathem inhlempa kha anhring pum a anhlon manhlut jo hei.

ṬONGPHÔNG 2:11

“Khava jâra, nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei khachu vōi 2 thina khan manrim nôk mak jo hei ning.

ṬONGPHÔNG 2:2

Naṭōn leitlo ke’n kamanhret; khangtuk hrep de akahrat chea khangtuk ṭōn intatak natlo kha ke’n kamanhret. Khan chu sonle chu changloa sonle kachang ung kati hei, nang in na-enmansin heia, mimalei kasei anchang kha nasursōt heia, mikaṭhamak-hei nang in namadim tor mak kha kamanhret.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 22:15

Achang ravâng khōpui vângting khan chu, mikahōn inthla, mikaṭhamak, dôi kachoi, mikajông, mikathat, limsyem inmuk, ṭōntlo leh ṭonghria malei kasei ka-om hei.

ṬONGPHÔNG 9:17

Khana hmangtalâra shakor leh achunga kachōng kahmu hei kha: an-ômpho hmeira-ê in-ât kapōa in-ât, hlung mankatam sapphir in-êm kapōa in-êma, kât kapōa ka-ênga kahmu hei. Shakorhei lu kha shabakkai lu ka-ang, khana anbei khura inphut hmei, hmeikhu, khana kât heikasōk a kae.

ṬONGPHÔNG 9:21

Khan chu anmithat, andôi choi, ankajông, an-inrûk bângdek mak heia kae.

ṬONGKATANHEI 7:3

Mipui hnenga phôngsōt roh, ‘Tu achang inum ṭit kase rakip in a-inna a’nle sik hei kae, khana alakseng in Gilead Tlânga aka-om sik me kae.’” Khava jâra mi 22,000 inna inle jo hei, khana 10,000 he’n khan ka-om jo hei.