ṬONGPHÔNG 21:2 - LEKHARABU INTHENG (BSI)

² Hmōinu inkhat apuise intō sik a, a’nret a a’ntlukdek kapōa Jerusalem ther, Khōpui Intheng kha marvâna Pathena inphut ajōng kaṭum kha ke’n kahmua kae.

ṬONGPHÔNG 21:2 ပူးပေါင်းရင်းမြစ်များ

HLAHEI 87:3

Nachungchânga ṭong inralak ama’n ahri kha Pathen khōpui kalen rangei roh:

ISAIAH 1:21

Vōi khat ṭong kajuitak khōpui kalen kha tûnchu notinu kapō kachang jo! Pha khat a mikadik he’n leikasip hei, tâk tûnchu mikathat rōk ka-om jo hei.

ISAIAH 52:1

Jerusalem, ngar roh, len nôk roh! Pathen khōpui intheng, pōnret kalûrtak a invon roh! Pathen ka-ôimak he’n nakekot a avea hlut nôk mak jo hei ning.

ISAIAH 54:5

Nakasyempa kha nang sik a napuise kapō kachang sik jo, Chunghnung Rōngpu kha ama rahming kae. A’ntheng Israel Pathen khan nang ahuk sik che, ama kha raleichung pumpui vaikarôn kha kae.

ISAIAH 61:10

Rōngpu’n atlo pekna hei jâra khan Jerusalem kha inpâk jo. Amanu kha luhông sik a a’nret hmōinu kapō kae. Pathen in amanu kha huksōtna leh retorna ret a amanret jo.

ISAIAH 62:4

Nang hi “Hlonsōt” inti nôk mak jo tin, Achangmak leh naram kha “Dahlon nuhmei” inti mak jo ning. Narahming ther hi, “Pathen Malung Tlainanu” inti sik. Naram hi “Inpâktak a Lu kahông” inti sik. Ajârchu Rōngpu’n nachunga amalung katlai, Khana ama naram sik a apuise kapō kachang sik jo.

JEREMIAH 31:23

Chunghnung Rōngpu, Israelhei Pathen khan ahri, “Ke’n mihei kha anrama kaheiṭhōi male hei pha, Judah ram a leh ankhōpui heia, anmani’n, ‘Rōngpu’n Jerusalem hmebung intheng, a-omna hmun intheng kha mahâmṭhat pek rasoh,’ anti nôk sik.

JOHN 3:29

Hmōinu kha hmōipa ta kae; tâk khava hnenga akangir hmōipa ṭhōnpa khan hmōipa rasa kha athei pha, inpâk a kae. Hing’hin kei inpâkna kha pui akatluk jo kae.

CORINTHIANHEI INHNINA 11:2

Thangset kanei Pathen achang kapōa, ke’m nan-chunga kathangsetna kana; ajârchu pase inkhat rōk leh lu kahông sik nuhngâk inthengtak inkhat kapōa, Christa leh lu kahông sik a ke’n nangni ṭong ka’nteppui chei kae.

HEBREWHEI 11:10

Ajârchu Abraham in khōpui innhmun kahnettak Pathen tamantluk leh tasâk sik kha aleihngâk ṭhak a kae.

HEBREWHEI 11:16

Khava kanek a akaṭhachet ram, marvântinga ram kha antarangei jôk kae. Khava jâra Pathen in anmani Pathen a’nti sik kha inzak mak, ajârchu ama’n khōpui inkhat anmani sik amantluk pek jo hei.

HEBREWHEI 12:22

Khava kanek a nangni chu, akahring ṭhak Pathen omna khōpui Zion Tlâng, marvân Jerusalem, ngeva lishing raja omna khan akahong jo chei kae.

HEBREWHEI 13:14

Ajârchu eini hiva raleichunga hin inthlengtik kaneimak khōpui neimak me; khava jâra eini’n akajōng sik khōpui kha ni-enṭhak kae.

ṬONGPHÔNG 1:1

Jesu Christa’n aphôngsōt omchenhei mazetna kha hiva lekharabu hi kae. Inrangtak a ahong kasōk sik omchen kha asōk-hei hneng manhmuna sik a hiva phôngsōtna hi ahnenga Pathen in aleipek kae. Christa’n asōk John hnenga angeva ajōng tira hiva omchenhei hi aleimanthei,

ṬONGPHÔNG 1:4

Johna inphut Asia ram bekrup 7 hei hneng: Aka-om, aleika-om, alaka-om sik Pathena inphut leh alen in-ongna hmaikunga ka-om rathla 7 heia inphut,

ṬONGPHÔNG 1:9

Kei nansōpui John eng kae khana Jesu Christa kajuile inkhat a kei hi nangnihei chen neipui, ama rengram mihei chunga inrengna ajongtlung pha dehrattak a akathōkpui eng kha kae. Jesu taphôngsōt ṭong kadik kha leh Pathen ṭong kha ke’n kahri manthang jâra Patmos inti tuikekhuma kei anleikhum eng.

ṬONGPHÔNG 11:2

Tâk-kha bek-inn sumpuk vâng intong khachu dahlon roh, ajârchu khavahei kha Jât-hlop hei a’npek sōt jo kae, anmani’n khōpui intheng kha thla 42 antachōnpha sik kae.

ṬONGPHÔNG 21:10

Khana rathla khan akhimna thōia ada jo eng, khana ngeva khan tlângbung inshângjap inkhat chunga aṭhōi jo enga kae. Khana Pathen hnenga inphut marvâna ajōng kaṭum, khōpui intheng, Jerusalem kha amanhmu eng,

ṬONGPHÔNG 21:9

Ngeva 7 tlukna khan a’nchaina hrise thlengkam 7 kasip phet achoia kahnenga kahonga ati, “Hong roh, ke’n Kemōngte nuhmei sik hmōinu kha manhmu che rong.”

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 22:19

Khana hiva sânkathem lekharabu ṭong heia inphut mi inkhat in heikhat alosōt inchu, hiva lekha shunga a’nhri khōpui intheng leh hringna thing kara chen sik a inphut Pathen in ama chen alosōt pek sik kae.

ṬONGPHÔNG 3:12

Ke’n kapa bek-inn shunga anmani kha torna chopui kamanchang sik hei, khana anmani’n kha dahlon hêrmak hei ning. Ke’n marvâna ka-Pathena inphut akajōng sik ka-Pathen rahming, ka-Pathen khōpui rahming Jerusalem, hei kha anchunga kamazet sik. Anchunga karahming ther kha’m kamazetsa sik.