ṬONGPHÔNG 21:12 - LEKHARABU INTHENG (BSI)

¹² Khōpui kurbang kha kalen, inshâng hranghra, sōngkot 12 ka-om, sōngkot-hei kha ngeva 12 he’n anhrung hei. Sōngkot-hei chunga khan Israel phung 12 hei rahming inzet a kae.

ṬONGPHÔNG 21:12 ပူးပေါင်းရင်းမြစ်များ

THUHMINGHEI INHNINA 9:19

Kethonna hei chunga shabakkai 12 lim, kethonna inkhat et ahmor heia anrabek hei. Hinghiva reng in-ongna hi rengram inkhatbek a la-om mak a kae.

EZRA 9:9

Keini sōk leikachang ung, tâk kansōk changna khan adahlon mak che. Nang in Persia rengkalen kha lungset namanrôn ung khana akahring sik a leh suk manhmanga aka-om jo nabek-inn akasyemther sik a khana Judah leh Jerusalema inhukna kajong sik a nahnōm pek ung.

NEHEMIAH 12:27

Jerusalem khōpui bang kha tōksōtna annei pha, sumkutben leh serângdâr mahringna vâng leh manpâkna hla akasak sik a Levi mihei kha an-omna hmun et a inphut anleiṭhōi hei.

HLAHEI 122:7

Nakur bang shunga malung mōngna om rasoh, khan chu na-innpui shunga inhuk theina om rasoh.”

HLAHEI 51:18

Eh Pathen, Zion kha lungset ina inthōpui roh, Jerusalem banghei kha syem kaṭha nôk roh.

SŌKSŌT 28:21

Hlung 12 inkha-khat chunga Jacob sapahei rahming inkha-khat a’nzet sik kae, Israel jât-hei kahlânga.

ISAIAH 54:12

Na-inn chunga berhei kha ke’n rubi lung vâng kasak sik, Nakekot kha hmei kapōa akavâr hlung vânga, khana nakimvea nakurbanghei kha hlung mantam vânga kasyem sik.

ISAIAH 60:18

Hnuknat rasa inthei nôk mak jo ning; Naram kha suksetna khan sukkhōi nôk mak jo ning. Ke’n nang bang kapōa kahrung sik chei; Nang in kei namanpâk sik eng ajârchu ke’n nang kahuksōt jo che.

MATTHEW 18:10

“Hiva naipang kasinhei inkhat hmumasi makna sik insing thei ruh. Kahri pek chei kae anngeva he’n marvâna Kapa hmaikunga ka-om ṭhak hei.

LUKE 15:10

Kha leh in-anghrep a mikaset inkhat malung thleng jâra Pathen ngevahei inpâk hei ti hi ke’n kahri pek chei kae.”

LUKE 16:22

“Sarapa kha kathi jo khana marvân ngeva he’n Abraham hneng marvân reveina hmun a anṭhōi jo. Mikahaopa kha’m kathi joa anvûm jo.

ṬŌNTLOHEI 26:7

kanmipui phung 12 he’n sûn leh jân Pathen antakamuk a hivakhet hi chentorna sik a inhōrna antanei kha kae. Khana hiva inhōrna jârpen hin, Eh Akalûrpen reng, hiva Jehudihei hin antamaher eng kae.

HEBREWHEI 1:14

Khan chu marvân ngevahei kha heijo heihmen? Anmani ankhenga Pathen inzen rathlahei kha kae, khana hukmanhringna kachen sik senghei inthōpui sik a ajōngtir hei kae.

ṬONGPHÔNG 21:13

Ahmai rakip a sōngkot 3 sasâm et ka-om: nisōting 3, thlâng ting 3, tlaitlâk ting 3, sak ting 3 ka-om.

ṬONGPHÔNG 21:15

Kahnenga ṭongkahri ngeva khan khōpui, sōngkot leh abanghei tena sik a sana khōnghre inkhat anei.

ṬONGPHÔNG 21:25

Khōpui sōngkot-hei ani tina inhlâng ṭhak sik; inkam hêrmak jo ning, ajârchu khana khan jân om mak jo ning.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.