ṬONGPHÔNG 20:2 - LEKHARABU INTHENG (BSI)

² Ama’n hmalaia mari rihren kha asur jo, khavakha Diabol a-emak leh Seitan kha kae, kum 1,000 sik a akhit joa kae.

ṬONGPHÔNG 20:2 ပူးပေါင်းရင်းမြစ်များ

A’NPHUTNA 3:1

Tûnchu, Rōngpu Pathen kutsyem kâra mari inti hi lungthim kaṭhamak pen kae. Mari khan nuhmeinu ader, “Rahōna kakek theikarahei sathei hêrmak tin chei, tia Pathen in ati chei mo?”

A’NPHUTNA 3:15

Nang leh nuhmeinu kâra in-enkadana kaman om sik jo; nuhmeinu sōn in nalu asukkhōi sik khana nang in asōn apâr kerahmit namachuk pek sik kae,” ati.

JOB LEKHARABU 1:7

Rōngpu’n ahnenga ader, “Heiralam mo nalatlo?” Seitan in amasôn, “Kei hinting sonting kalônle eng, raleichung hmuntina kase lele eng.”

ISAIAH 24:22

Pathen in renghei seng kha khur kōk a khum mihei kapōa abek mantûp sik hei. Anmani karâkna sik pha atluk mak hma seng kurkhum a akhum sik hei.

ISAIAH 27:1

Khava kani ning khan Rōngpu’n Leviathan, a’nze lele leh a’nher lele rihren tuipui shunga aka-om takpum kalen kha karâkna sik leh thatna sik a ratha kaneitak mithatna achemjâm kha ahmang sik jo.

EZEKIEL 47:5

Ama’n metre 500 atesa nôk, khava pha khan chu tui kha inthûk hêr jo, ashunga petan tor mak jo eng. Khavakha tui jâp inbe tei loa rakantor changmak jo.

MATTHEW 19:29

Khana tu achang inum a-inn, asōpuinu leh asōpuipa, anu leh apa khana asahei leh ahlei, kei sik jâra akadahlon mi khan araja kakhea ahmu sik, khana kumsôt hringna kha achen sik.

MATTHEW 8:29

Khava laitak khan ka-ông heia, “Eh Pathen Sapa, heimo manlo sik namadu ung? Pha atluk mak hma karâkna kankapek sik a akajōng jo che mo?” anti.

MARK 4:15

Mi ṭhahrep chu hlamdunga anvor hmuchi kapō hei kae; ṭong kha antheilim bât leh, Seitan kha kahonga ṭong invor kha alosōt bât jo.

MARK 5:7

khana ka-ônga, “A’nshângpen Pathen Sapa Jesu! Kei heimo namanlo hnōm eng? Pathen jâra, kangek che, kei karâkna apek mak roh!” ati.

JOHN 12:31

Tûn pha hi raleichung ṭong tanna sik pha jo kae; tûn hiva raleichung vaikarônpa kha nam mathlâk sik jo kae.

JOHN 16:11

Anmani ṭongtan chungchânga anṭhe, ajârchu hiva raleichung vaikarônpa kha aṭong a’ntansōsa jo kae.

ROMANHEI 16:20

Khana nilung mōngna kung Pathen in inrangtak a Seitan kha nanke thōia amanchōn rachi sik chei kae. Ni-Rōngpu Jesu Christa maritna nanchunga om rasoh.

HEBREWHEI 2:14

Ama’n naipanghei ati kha, taksa leh thisen mihei anchang jâra, Jesu amatak kha’m anmani kapō inkhat hong kachanga, anmihring ngai ahongchenpui hei. Khana ama thi jâra Diabol, thina chunga ṭong kaneipa, kha asuk manhmang theina sik ama’n hivahi aleitlo jo,

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

PETER INHNINA 2:4

Marvân ngeva akaset hei kha, Pathen in ṭhensōt mak hei, tâk Ṭongtan Ning kani kahngâk a anmani kha thirhrui vâng akhit heia, khō inthim hmun khurkōk a ahlon manhlut sik heia kae.

JUDE 1:6

Khan chu marvân ngevahei anratha neinahrep shunga aka-om mak hei, anhmun kadahlon hei kha: kani lûnpui ninga maset kachen sik heia, kumsôt a thirhrui vâng Pathen in akhit heia, ralei thōi inthim shunga akhum hei hi nangni’n mandonsōt ruh.

ṬONGPHÔNG 12:13

Rihren khan ama raleichunga jōnghlon mathlâk achang jo kha amanhret pha, sapa kaneinu kha ahnong joa kae.

ṬONGPHÔNG 12:15

Khava pha mari khan nuhmei kahnunga khan tuidung kapō tuikalen vâng mantlen hlonna sik abeia aheiphusōt jo.

ṬONGPHÔNG 12:17

Khava pha rihren kha nuhmeinu chunga khan ahnuk kana chet joa, Jesu ṭongdik malâr leh Pathen ṭongpek kajui taksenthei kachang, amanu sōnhei chunga re katlo sik a kasōk joa kae.

ṬONGPHÔNG 12:3

Marvân chunga a’n-ip neinâk ahlop inkhat inlâr. Akalentak Rihren kasen alu 7 araki 10 kanei khana aluhei chunga lukhu kanei inkhat leika-om.

ṬONGPHÔNG 12:4

Ama khan arahmei vâng bōirōk a ârsi sem thuma sem khat raleichunga akei mathlâk a kae. Khana nuhmeinu nai jōng matet sik kha ajo’ntet lim leh made loina sik, nuhmeinu hmaikunga ama kangir ṭhak a ka-om.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:2

Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.

ṬONGPHÔNG 13:4

Khana mihring rakip in rihren kha ankamuk, ajârchu ama’n ranhring kha aratha neina rakip apek sōt joa kae. Khava jâra ranhring kha’m ankamuk a, “Ranhring kapō hi tu mo aka-om? Tu’n mo ama a’nrepui tor sik?” antia kae.

ṬONGPHÔNG 20:10

Khava pha mikahōn inthlapa, Diabol kha kât kakâng hmei dîr shunga anhlon manhlut jo, khava hmun a khan ranhring leh sânkathem inhlem hei khachu aleika-omsa jo hei kae; khana khan asûn-ajâna khōdengthei are-rea mande sik jo kae.

ṬONGPHÔNG 20:7

Kum 1,000 athlengsō pha, Seitan kha a’nkhumna inphut heimasō sōt sik kae.

ṬONGPHÔNG 9:11

Anmani’n reng inkhat annei, ama kha dongna kase dôpkhur kahlōpa ngeva kha kae. Hebrew ṭonga arahming Abaddon inti, Greek ṭonga Apollion inti (khava tina khachu “Akasuk inhmangpa” tina kae).