ṬONGPHÔNG 20:12 - LEKHARABU INTHENG (BSI)

¹² Khana akasin leh akalen in-ang et a akathihei kha len in-ongna hma akangir hei kahmu. Lekharabu hei anphon, khan chu hringna lekharabu ahlop inkhat um anphon. Lekharabu shunga ale’nzet kapōa, an-omchen leitlo dungjuia, akathihei kha ṭong anleitan.

ṬONGPHÔNG 20:12 ပူးပေါင်းရင်းမြစ်များ

HLAHEI 28:4

Anṭōn leitlo hei jâra khan, ṭhatmak antlo jâra khan karâk hei roh. Anṭōntlo rakip jâra khan karâk hei roh; anrahōi kasōk kha pek hei roh!

HLAHEI 62:12

khana alungsetna hi inthleng phungmak. O Rōngpu nangkhet in mi rakip ama ama ṭōntlo dungjuia tloman napek hei.

HLAHEI 69:28

Hringna lekharabu shunga inphut anrahming losōt a om rasoh; namihei rahming mazetna shunga khan inveisa mak hei rasoh.

ṬONGCHÎK-HEI 24:12

Hihei hichu kei tatlo hlam kasōk inkhatbek changmak natithei, tâk-kha heisik a mo ṭōn kha natlo Rōngpu’n amanhret khana a-ensin. Ama’n a-ensui ṭhak che; ama’n amanhret. Khana naṭōntlo dungjuia tloman apek sik che.

ṬONGCHÎK-HEI 24:29

“Kei hneng anta leitlo kapō ke’num anhnenga katlo sik! Anmani leh la’ntō nger sik ung timak roh!”

MI INTHEIPA 12:14

Eini’n akaṭha leh akase achanga, marûk a tlona hei kapha’m akhenga Pathen in ṭong alatan sik kae.

JEREMIAH 17:10

Rōngpu ke’n, mihring mandonna kajong hei, mihring malung ka-enmansin heia kae. Ke’n mi inkha-khat hi an-omchen dungjuia anṭōntlo dungjuia karazen hei.”

JEREMIAH 32:19

Nang in kasing tak a ṭōn namantluk khana ṭōn kalentak natlosōt hei; mihei ṭōntlo rakip nahmu sō, khana anṭōntlo dungjuia tloman napek hei.

DANIEL 7:10

Khana inphut hmeimale ahei kâpsōt a kae. Khava hmun a khan ama inzen sik mi lishing lishing ka-om hei, khana tei torlo katamtak ahmating kangir hei. Ṭong tanna sik in-ong anphut jo, khana lekharabu hei kha anmahlang jo.

MATTHEW 11:22

Kahri manchên pek chei kae Ṭongtan Ning Pathen in nangnihei kanek a Tyre leh Sidon mipuihei chunga lungsetna aneichet sik!

MATTHEW 16:27

Ajârchu Mihring Sapa kha Apa lûrna leh inṭhōia marvân ngevahei leh akajōng sik kae, khava pha mi rakip anṭōntlo dungjui et a tloman apek sik hei.

LUKE 10:20

Tâk-kha rathla kaṭhamak he’n nanṭong anjui jâra inpâk mak ruh, khava kanek a marvân chunga nanrahming a’nzet inhlut jâra inpâk jôk ruh.”

ṬŌNTLOHEI 24:15

Anmani’n Pathena inhōrna antanei kha leh in-anghrep a ke’num kanei, khachu, mikaṭha leh mikase rakip thia inphut lakathōi sik hei.

ROMANHEI 2:6

Ajârchu Pathen in mi rakip anṭōntlo dungjui et a tloman apek sik hei kae.

CORINTHIANHEI INKHATNA 4:5

Khava jâra pha atluk hma nangni’n tu inkhat chunga ṭong tanloimak ruh. Achaina ṭongtan khan Rōngpu ajōngmak kârseng ahngâk nger sik kae; ama’n mihring malung shunga a’n-ip ṭōnmantluk, khō inthim thōia ṭōn marûk-hei kha khōvâra amalârsōt sik hei. Khana mi rakip anrahōi kasōk choi ka-ânna kha Pathena inphut antarahlâng et sik kae.

CORINTHIANHEI INHNINA 5:10

Nikhenga Christa ṭongtan in-ongna ângshunga ala’nlâr et sik me kae. Ajârchu taksa ralei hringkhō shunga mi rakip in akaṭha leh akase atlo dungjuia rahōi kasōk kha arahlângna sik a kae.

PHILIPPIANHEI 4:3

Khana taksenthei kaṭōn tlopui hei, nangni um hiva nuhmeihei hi nanta’nthōpui sik heia kamadu chei; ajârchu anmani hin, akahring Pathen lekharabu a’nzet jo Clement leh kaṭōn tlopui heirakip leh, Pathen ṭong intheng semsōtna khan kei leh kahrat a ṭōn kanta leitlosap kae.

ṬONGPHÔNG 11:18

Jât-hlop hei anhnuk kanasō jo, ajârchu nahnuk natna sik pha kha jōng katlung jo, akathihei ṭong tanna sik pha jōng katlung jo. Nang kaṭit mihei akasin akalen ankhenga, nasōk-hei, sânkathemhei, khana nami rakip tloman pekna sik pha kha jōng katlung jo. Raleichung kasukset hei kha suksetna sik pha jo kae!”

ṬONGPHÔNG 13:8

Raleichung ansyem mak hma ale’nthat jo Kemōngte hringna lekha shunga rahming a’nzet hei tei loa raleichung mi rakip in ama antakamuk sik kae.

ṬONGPHÔNG 17:8

Ranhring nahmu kha vōi khat leikahring, tâk tûnchu hringmak jo, ama kha suk manhmang theina sik adongna kase dôpkhura inphut ahei kasōkvet jo kae. Ralei ale’nphut mak hma hringna lekharabu shunga rahming ale’nzet inhlutmak raleichunga akahring he’n, ranhring kha anhmu pha inlak hêra anmandon et sik. Khavakha pha khat a leikahring; tûnchu hringmak jo, tâk avea laho’nlâr nôk sik.

ṬONGPHÔNG 19:5

Khava sōa len in-ongna inphut rasa inkhat in ajōng hri, “Pathen kajana kanei asōk rakip leh ami rakip, kasin-kalen in, ni-Pathen manpâk ruh!”

ṬONGPHÔNG 2:23

Mihring malung mandon leh tamadu rangei inhret kei kachangna hi bekrup rakip in anmanhretna sik, amanu sahei kha kathat sik jo hei. Nangni’n nantatlo dungjui et a ke’n nankhenga kamale sik chei.

ṬONGPHÔNG 20:11

Khava sōa len in-ongna kachek akalen leh achunga a’n-ong mi inkhat ke’n kahmu. Ahmai kunga inphut marvân leh ralei katlânsōt heia inhmu mak jo hei.

ṬONGPHÔNG 20:13

Khava pha tuipui in ami kathihei kha ahei pek sōt. Thina’n khana kathikhō khan akathi anta leida hei kha anheipek sōt hei. Anṭōntlo dungjuia ankhengpet a anṭong antana kae.

ṬONGPHÔNG 20:15

Tu achang inum hringna lekharabu shunga arahming aka-om mak mi khachu hmei dîr shunga anhlon manhlut jo hei.

ṬONGPHÔNG 21:27

Tâk-kha khōpui shunga khan a’nnim heite hlutthei mak ning, khan chu malei kasei leh inzakna ṭōnkatlo hlutthei mak ning. Kemōngte hringna lekharabu shunga arahming a’nzet hei rōk kha khōpui shunga akahlut sik hei kae.

ṬONGPHÔNG 22:12

Jesu’n ahri “Rangei ruh!. Kei inrangtak a kajōng sik eng! Ke’n mi rakip anṭōntlo dungjui et a kapek sik tloman leh ajōng inṭhōi sik eng kae.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.