ṬONGPHÔNG 2:7 - LEKHARABU INTHENG (BSI)

⁷ “Khava jâra nang in kōr nanei inchu, Rathla’n bekrup-hei hnenga ahri kha, rangei roh! “Torna akanei jo hei hnenga khan Pathen rahōn shunga akahmông hringna thingkung kara kha ansâkna sik a ratha kapek sik hei kae.

ṬONGPHÔNG 2:7 ပူးပေါင်းရင်းမြစ်များ

A’NPHUTNA 2:9

Ama’n thingkung kaṭha rakip amankek a, kara kaṭhaṭha amanra a kae. Khava alaiṭimtak a khan akase leh akaṭha manhret theina khana hringkhō kapek thingkung inkhat aman hmônga kae.

ṬONGCHÎK-HEI 11:30

Akadik in hringna apek, tâk innâk-inse khan hringna kha alosōt.

ṬONGCHÎK-HEI 13:12

Inhōrna akōi jo’nchu, malung kakōi jo. Tâk-kha nalungdo inkhat atlung pha inpâk na’n kasip che.

ṬONGCHÎK-HEI 15:4

Lungset ṭong in hringna apek, tâk ṭong êngkase khan namalung amannat a kae.

ṬONGCHÎK-HEI 3:18

Mikasing ahong kachang jo hei kha inpâk hei; singna khan hringkhō apek sik hei.

EZEKIEL 28:13

Pathen rahōn Eden a ka-om che, hlung mankatam hei seng vânga invon che: rubi, mukta, topaz, beryl, carnelian leh jasper hlunghei; sapphir, emerald, garnet hlunghei. Sanaret hei naneihei. Nang na-insyem ning khan nang sik a hihei hi ansyempek jo che.

EZEKIEL 31:8

Khavakha leh Pathen rahōn shunga cedar thing inkhat tethei changmak. Hmeila inkhat in khanga abâk neiphungmak. Thingkung ralak in khanga inbur phungmak. Pathen khet rahōn shunga khang hrep a akaṭha thing om mak.

MATTHEW 11:15

Khava jâra, kōr nannei inchu rangei ruh!

MATTHEW 13:43

Khana Pathen mihei khachu an-Pa Rengram shunga kani kapōa kavâr sik jo hei. Khava jâra kōr kanei in rangei ruh!”

MATTHEW 13:9

Jesu’n achaina ati, “Kōr kanei in rangei ruh!”

MARK 4:9

Khana Jesu’n achaina ahri, “Kōr nannei inchu rangei ruh!”

MARK 7:15

Vânga inphut heikhat mi inkhat shunga akahlut khan mi kha beklanga amantheng mak heite om mak. Mihring shunga inphut vânga ahong kasōk khan ama kha amantheng mak jôk kae.”

MARK 7:16

Atheina sik kōr nannei inchu rangei ruh!

LUKE 23:43

Jesu’n ahnenga, “Tuning nang, paradise a aka-omsap sik mea intep eng,” ati.

LUKE 8:8

Khana ṭhahrep chu ralei ṭhatna katla a hmuchi kha kakek a, kakhanga akara 100 et inra a kae.” Khana Jesu’n achaina, “Kōr kanei in rangei ruh!” ati.

JOHN 16:33

Nangni kei leh ni’nchuna inphut lung mōngna nanneitheina sik hivahi kahri pek chei kae. Vânhnōi in nangni khōdeng anmanthei sik che. Tâk nanmalung manngam ruh! Ke’n raleichung hi kator jo kae!”

CORINTHIANHEI INKHATNA 2:10

Tâk-kha ṭong in-ip kha, Pathen in Rathla vâng eini amanthei jo mea kae. Rathla khan, Pathen ṭōnmantluk inritak a a’n-ip heirakip kapha kha ajōngsōt jo.

JOHN INKHATNA 2:13

Pahei, nanhnenga kaheimazet kae ajârchu a’nphutbia aleika-om ama kha nangni’n nanmanhret joa kae. Khangdônghei, nanhnenga kaheimazet kae ajârchu nangni’n Akaṭhamak Inkhat kha nantor joa kae.

ṬONGPHÔNG 13:9

“Khava jâra kōr nannei inchu rangei ruh!

ṬONGPHÔNG 14:13

Khava sōa marvâna inphut rasa inkhat katheia ahri, “Hi mazet roh: Rōngpu ṭōn tlona shunga tuna inphut akathi mihei kha mikahōihei kae!” Khana Rathla khan amasôn, “Ôk, Kadik! Ajârchu anmani’n anṭōntlo kara anta’nloa, anṭōn inhnakna a inphut châm a’nhnga sik hei kae.”

ṬONGPHÔNG 15:2

Khava sōa hmei leh inṭhōia thle-en tuipui kapō inkhat ke’n kahmu. Khan nôk chu arahming kahlanga aja vânga a’nzetpa, khana ranhring leh alim chunga torna kaneihei kha’m kahmusa hei. Anmani Pathen tapek hei serângdâr an-inchoia, thle-en sira khan kangira ka-om hei,

ṬONGPHÔNG 2:11

“Khava jâra, nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei khachu vōi 2 thina khan manrim nôk mak jo hei ning.

ṬONGPHÔNG 2:17

“Khava jâra nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei kha ke’n a’nthup manna kapek sik hei. Khana akachenpa tei loa tûte taman hretmak rahming ther inzet hlungvâr inkhat et um kapeksa sik hei.

ṬONGPHÔNG 21:7

Khava torna kanei mihei khan hivahi keia inphut achen sik: Kei anpa Pathen kachang sik eng, khana anmani kasa kachang sik hei.

ṬONGPHÔNG 22:14

“Tu achang inum apōnsi kasôp inthengpet a khana hringna thingkung kara kasâk sik a ratha kanei khana sōngkot a kahlut a khōpui akatlung kha mikahōihei kae.

ṬONGPHÔNG 22:17

Rathla leh Hmōinu khan, “Hong roh!” anti. Hiva akathei rakip inum, “Hong roh!” antati nger sik kae. Tu achang inum tui kahre rakip hong ruh; tu achang inum a’ndu rakip in hringna tui kha kutchoi inkhat kapōa rahlâng ruh.

ṬONGPHÔNG 22:2

khōpui shung atlâk a akalōng kha amanhmu eng. Tuidung pang inkhat et a hringna thingkung kahmông, kum khat a ve 12, thla khat a vōi khat sam inra. Khana abō kha jât-hei damna kae.