ṬONGPHÔNG 2:26 - LEKHARABU INTHENG (BSI)

^26-28 A’nchai ning katlung kalungdo ṭōn katlo ṭhak, torna kanei mihei kha, ke’n kapa hnenga inphut kachen jo torna ratha khet kha kapek sik hei: jât-hei chunga ratha neina, thir khōnghre vânga vai rôna, bephu kapōa ahar-ahak a vōkkhōina ratha kapek sik hei. Khan chu ke’n jîngkâr vârpa kha’m kapeksa sik hei.

ṬONGPHÔNG 2:26 ပူးပေါင်းရင်းမြစ်များ

HLAHEI 2:8

Ader roh, ke’n nang jât rakip nakut a kapek sik che; raleichung pumpui hi nangta kachang sik.

HLAHEI 2:9

Nang in thîr sung vâng navōk thlek sik hei; bephu inkhat kapōa anmani navōkkhōi kachek sik hei,’ ati.”

HLAHEI 49:14

that sik a ka-om kemōng kapōa anmani anmalung inrim, khana Thina kha ankakhempa kachang sik. An-inna inphut hmun kahlatak thina ram khan antaksa kha inranga aṭop leh inṭhōia, jîng khōvâra akadik khan anchunga torna ahongnei sik jo.

DANIEL 7:18

Khana Chunghnung Pathen sahe’n reng ratha neina kha anchen sik khana ahei tik a anta kachang sik.”

DANIEL 7:22

Khava pha ahei tik a akahring ṭhak inkhat kha kajōnga Chunghnung Pathen sahei sik a ṭong aleitan. “Pathen sahe’n reng ratha neina anchenna sik pha kha hong katlung jo.

DANIEL 7:27

Raleichung rengram rakip hei ratha hratna leh lenna rakip Chunghnung Pathen mihei hneng a’npek sik kae. Anmani reng ratha neina kha bângtik neimak ning, khana raleichunga vaikarôn rakip in anrazen heia anṭong anjui sik.”

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

MATTHEW 19:28

Jesu’n ahnenga ahri, “Kadiktak a kahri pek chei kae, Khang athera Mihring Sapa khan alûrna leh alen in-ongna chunga a’n-ong pha nangni ani kajui 12 seng um Israel phung 12 hei chunga ṭong katan sik a reng in-ongna chunga a’n-ong sik chei kae.

MATTHEW 24:13

Tâk achaina katlunga kahnet a ka-om mi kha hukmanhring kachang sik.

JOHN 6:29

Jesu’n amasôn hei, “Pathen in nangni amantlo hnōm chei ṭōn kha hi kae; ama’n ajōng tirpa kha taksen ruh.”

ROMANHEI 2:7

Mi ṭhahrep in ṭōn kaṭha antlo manjōm ṭhak a, lûrna, kajana khana thitik kaneimak hringkhō kha anjong; anmani hneng Pathen in kumsôt hringna apek sik hei.

ROMANHEI 8:37

Emak, khahei seng chunga khan, ani’nlungset ama jâra pui katluk torna kha nichen jo!

THESSALONIANHEI INKHATNA 3:5

Timothy kha kahei tir jo kae. Khava jâra akasôt hngâktor mak enga, nantaksenna manhret sōtna sik ama kahei tir kae. Seitan in amathlem mathlâk cheia kanṭōn leitlo rakip môk-hnâm amanchang sik khachu changthei mak ning!

HEBREWHEI 3:6

Tâk-kha Christa kha Pathen innshung karôn sik a taksen ka-om tak Sapa inkhat kae. Eini’n niratha hrokna leh ni’nngamna kha atorna katlung nimatu manhnet tlit inchu, eini a-innshung me kha kae.

JAMES 2:20

Eh mikamo! Ṭōn kase taksen khachu ahnemna om mak ti malârpek sik che namadu mo?

JOHN INKHATNA 2:19

Hiva mihei hi eini inloikhômna mi changmak hei, khava jâra andahlon jo me; eini rup-mi anleichang inchu nihnenga aleika-om sik hei kae. Tâk-kha anmani inkhatbek eini rup-mi changmak hei ti hi a’nchên theina sik a anmani kasesōt jo hei.

JOHN INKHATNA 3:23

Ama ṭongpek khachu, Christa’n ṭong aleipek me kapōa, eini khat leh khat a’nlungset sik me khana asapa Jesu Christa rahming nitaksen sik hi kae.

JOHN INKHATNA 5:5

Vânhnōi ralei hi tu’n mo ator sik? Jesu kha Pathen Sapa kae tia akataksen mi rōk khan ator sik kae.

ṬONGPHÔNG 2:11

“Khava jâra, nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei khachu vōi 2 thina khan manrim nôk mak jo hei ning.

ṬONGPHÔNG 2:17

“Khava jâra nang in kōr nanei inchu, Rathla khan bekrup-hei hnenga ahri kha rangei roh! “Torna kanei mihei kha ke’n a’nthup manna kapek sik hei. Khana akachenpa tei loa tûte taman hretmak rahming ther inzet hlungvâr inkhat et um kapeksa sik hei.

ṬONGPHÔNG 2:7

“Khava jâra nang in kōr nanei inchu, Rathla’n bekrup-hei hnenga ahri kha, rangei roh! “Torna akanei jo hei hnenga khan Pathen rahōn shunga akahmông hringna thingkung kara kha ansâkna sik a ratha kapek sik hei kae.

ṬONGPHÔNG 20:4

Khava sōa len in-ongna hei leh achunga a’n-ong hei kha ṭong tanna sik ratha antapek hei kha kahmu. Khan nôk chu Jesu tamalârsōt ṭongdik leh Pathen ṭong jâra antathat hei rathla kha’m kahmua kae. Anmani’n ranhring limsyem kha leikamuk mak hei, khan chu achîkna kha’m anmachea achanga ankut chunga achanga mazet mak hei. Anmani’n kum 1,000 Christa leh reng kapōa vai antarônsap sik a hong kahringsōt hei.

ṬONGPHÔNG 21:7

Khava torna kanei mihei khan hivahi keia inphut achen sik: Kei anpa Pathen kachang sik eng, khana anmani kasa kachang sik hei.

ṬONGPHÔNG 22:5

Khana khan jân inti om mak jo ning, kanivâr leh hmeivâr rangei mak jo ning, ajârchu Rōngpu Pathen kha anvâr kachang sik jo, khana renghei kapōa are-rea anmani’n vai antarôn sik jo kae.

ṬONGPHÔNG 3:12

Ke’n kapa bek-inn shunga anmani kha torna chopui kamanchang sik hei, khana anmani’n kha dahlon hêrmak hei ning. Ke’n marvâna ka-Pathena inphut akajōng sik ka-Pathen rahming, ka-Pathen khōpui rahming Jerusalem, hei kha anchunga kamazet sik. Anchunga karahming ther kha’m kamazetsa sik.

ṬONGPHÔNG 3:21

Torna kanei mi kha, tûn ke’n torna kaneia kapa len in-ongna hnenga ka’n-ong jo kapōa, ke’n kalen in-ongna hnenga a’n-ongna sik kapek sik.

ṬONGPHÔNG 3:5

Torna kaneihei kha hiva kapōa pōn kachek an-invon sik, khana hringna lekharabu shunga inphut anrahming losōtpek mak hei ning. Khana kapa hmaikunga leh angevahei hmaikunga anmani keita hei kae tia inlârtak a kaphông sik.