ṬONGPHÔNG 2:10 - LEKHARABU INTHENG (BSI)

¹⁰ Khōdeng nathei sik kha heite ṭitmak roh. Rangei roh! Seitan in nang enmansinna sik nankâra mi ṭhahrep hlungkura akhum sik chei, ni 10 katlunga nanmalung inrim sik. Thina katlunga taksenthei chang roh, ke’n hringna kha torna inpâkmana kapek sik che.

ṬONGPHÔNG 2:10 ပူးပေါင်းရင်းမြစ်များ

HLAHEI 31:23

Ahnenga taksenthei akachang rakip in Rōngpu kha lungset ruh! Rōngpu’n taksenthei hei kha ahrung hei, tâk a’nlensak hei kha anrahōi kasōk karâkna apek hei.

ṬAJAISUINA 3:57

Nang in namasôn enga ṭitmak roh tia namanthei eng.

DANIEL 1:12

Ama’n ati, “Keini ni 10 sō leh a-enmansin roh. Anse-hleina leh tui rōk apek ruh.

DANIEL 1:14

Ama’n anmani kha ni 10 katlunga enmansinna sik kahnōm jo.

HABAKKUK 2:3

Mazet inna da roh, ajârchu hihei huitlungna kha apha la-emak a kae. Tâk apha kha kajōngbei sik jo, khana ke’n kamanhmu che kha hui akatlung sik kae. Jâmtak a akahong apō sik, tâk leihngâk roh; ahei kasōk nger sik kae, sôtmak jo ning.

MATTHEW 10:22

Kei jâra mi rakip in an-en kada sik chei. Tâk achaina katlunga akahnet kha huksōt kachang sik.

MATTHEW 10:28

Taksa kathat tor tâk rathla kathat tor mak hei kha ṭitmak hei ruh khava kanek a taksa leh rathla akoptōa hmeikhura kathat inhmangtor kha ṭit jôk ruh.

MATTHEW 24:13

Tâk achaina katlunga kahnet a ka-om mi kha hukmanhring kachang sik.

MARK 13:13

Kei jâra mi rakip in nangni anhōt sik chei. Tâk atorna katlunga akadehrat kha huksōt akachang sik a kae.”

MARK 8:35

Ajârchu tu achang inum abinga hringkhō kahuk hnōm khan amanhmang sik; tâk tu achang inum kei sik a leh ṭong intheng sik a ahringkhō inhmang khan a’nhuk sik kae.

LUKE 21:12

Hihei seng hi asōk mak hma, nangni ansur sik chei khana anmanrim sik chei; intûpna innheia ṭong tan sik a anpek sōt sik chei khana kurkhum a ankhum sik chei; kei jâra renghei leh vaikarônhei hmaikunga ankeimanhlut sik chei.

JOHN 12:25

Tu achang inum anhringkhō inner hei khan inhmang sik hei; tu achang inum anhringkhō hiva raleichunga innermak mihei khan kumsôt hringna anhmu sik.

JOHN 13:2

Jesu leh asonlehei khōhlei thlai an-o jo. Simon sapa Judas Iscariot in Jesu kha mikut chunga pek sōtna sik lungthim Seitan in amalunga aleidapek dek jo.

JOHN 13:27

Judas khan buhlom kha alosōlim leh Seitan ashunga kahlut jo. Jesu’n ahnenga, “Natlo sik kha inranga tlo jo roh,” ati.

ṬŌNTLOHEI 20:24

Tâk-kha ke’nchu kahringkhō hi kei sik a chu heite kahnemmak inkhat a kamandon jo; kahlam hro hi pui mathluk sik khana Pathen maritna chunga ṭong kaṭha phôngsōtna sik Rōngpu Jesu tapek eng ṭōn hi chaihlon sik rōk hi kamadu jo.

ṬŌNTLOHEI 21:13

Tâk-kha ama’n, “Heimo nantatlo jo, hinga akaṭap cheia kamalung nantamakhōi pek eng hi-e? Jerusalema khōp karâk sik rōk changloa Rōngpu Jesu sik jâra khana khan thi sik katlunga a’ntluk jo eng kae,” tia aleimasôn ung.

CORINTHIANHEI INKHATNA 9:25

Resik in-er rakip in an-inthem chûklai chôndân kadiktak thōia ka-om hei; khavakha akasôt hmangthei mak sik reihrui lukhu hmun a sik a kae; tâk eini chu kumsôt a aka-om ṭhak sik kha nihnong kae.

EPHESIANHEI 2:2

Vânhnōi ṭhatmakna hlam kha nanleijui; nangni’n khava lai khan tuna Pathen ṭong kajuimak mihei kathlimpa, bōirōk a ratha kanei, rathla vaikarônpa nanleijuia kae.

EPHESIANHEI 6:12

Heijâra mo niti’nchu eini ralei taksa leh thisen kanei mihringhei leh re a’ntuk me changmak, tâk ṭhatmak rumhrat kahmang vaikarônhei, ṭong kaneihei, leh khang inthim thōia ratha kahrat bōirōk a ka-om hei kadōia eini’n re nituk kae.

JAMES 1:12

Enmansinna shunga taksenthei kachang ṭhak kha mikahōihei kae, ajârchu enmansinna kha anrakan tor inchu, Pathen in alungset hei hneng pek sik a aṭong tepsa hringna lenlukhu kha tloman antarahlâng sik kae.

PETER INKHATNA 5:4

Khana kemōng kakhem kalen kha ahon’lâr pha, akaṭōi hêrmak sik lenlukhu kavâr kha nantachen sik kae.

PETER INKHATNA 5:8

Inrin ṭhak ruh, insing thei ruh! Nanta’nrepui Diabol kha shabakkai inhrung kapōa kalôna, tu mo inkhat madehlon sik a a-enlea kae.

ṬONGPHÔNG 13:14

Ama’n ranhring hma-inkei hmaikunga aṭōntlo inlakna vâng khan raleichunga ka-om mi rakip ahōn mathlâk jo hei. Ranhring khan raleichung mi rakip hneng, ranhring chemjâma a’ntôna alakahringpa kajana, alim antasyem sik a ṭong apek hei.

ṬONGPHÔNG 13:2

Khava kahmu ranhring kha rûtnu ka-ang, ake kha kavom kepha ka-ang, khana ahmur shabakkai ka-ang. Ama hnenga khan rihren in aratha neina leh alen in-ongna, khana aṭong neina katamtak apek.

ṬONGPHÔNG 13:7

Phung leh jât, ṭong leh mi rakip chunga torna ratha inpea, khana Pathen mihei seng re intukpuia torna sik ratha inpek jo.

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 2:13

Na-omna hmun kha Seitan len in-ongna hmun achang kha ke’n kamanhret. Taksen ka-om tak kasâkhi kachang Antipas kha, anleithat katlunga nataksenna eng nang in masō mak chea kei sik a akadik kachang che.

ṬONGPHÔNG 2:9

Namalung inrimna hei ke’n kamanhret; nang sara nachang ke’n kamanhret, tâk kadiktak a chu kahao che! Jehudi chu changlo heia kachang ung kati he’n nang kadōia akaṭhamak antahri kha kamanhret, anmani Seitan ta kachang rup-hei kae!