ṬONGPHÔNG 19:12 - LEKHARABU INTHENG (BSI)

¹² Ahmit hmeimale vâra kavâr, khana alua lenlukhu hei inkhu. Ama’n rahming inkhat achunga amazet, tâk khavakha ama tamanhret tei loa tûte’n manhret mak hei.

ṬONGPHÔNG 19:12 ပူးပေါင်းရင်းမြစ်များ

A’NPHUTNA 32:29

Jacob in, “Tûnchu narahming amanthei roh,” ati. Tâk ama’n amasôna, “Karahming heijâra mo namanhret hnōm.” Khava sōa Jacob kha vâng apek jo.

HLAHEI 8:5

Achang jo’num nang nabing kanek a thōi katla det a nasyem hei, anlu chunga kajana leh lûrna kha namankhu hei.

SŌKSŌT 23:21

Ama kha malung kahluttak a rangei ruh khana aṭong jui ruh. Ama kha indōipui mak ruh, ajârchu ama kha kajōngtir jo kae, khana ama kadōihei kha rangei mandam mak hei ning.

ṬONGCHÎK-HEI 30:4

Tu’n mo marvân ram chungchâng amanhretsō jo? Tu’n mo akut vânga thli asurtor jo? Achangmak leh pōnhar khat vâng tui akasûntor jo? Achangmak leh raleichung ramri tu’n mo aphun tor jo? Namanhret inchu, ama kha tu mo? Asapa kha tu mo?

HLAHEI HLA 3:11

Zion nuhmeihei, Reng Solomon hi hong una hong-en ruh. Aluhông ninga ama inpâkna leh hōina kani ninga, anu’n alu chunga amankhu lukhu kha inkhua kae.

ISAIAH 62:3

Nang kha Rōngpu sik a lenlukhu kaṭhatak kachang sik jo che.

ISAIAH 9:6

Naidông inkhat a’ntet pek jo me! Sapa inkhat apek jo me! Khana ama kha nivai karôn sik kae. Ama kha, “A’nlaktak Mi inse, “Akahrat Pathen”, “Kumsôt Pa”, “Chamna Rengsapa,” a’nti sik kae.

DANIEL 10:6

Ataksa kha rangkachek kapōa leikavâr. Ahmaisō kha khō inphe kapōa kade, ahmit-hei kha hmei kasuk kapōa kasen. Abân leh ankepha kha kanôt jo sum-êng ka-ang, khana akaresō kha mipuihei rasa ka-ang.

ZECHARIAH 9:16

Khava kani kha ahong pha Rōngpu’n amihei ahuksōt sik hei, kemōng kakhempa’n akemōng thina theia inphut ahuksōt hei kapōa. Lukhua kakop sana mukta kapōa, aram shunga anmani hong kavâr sik jo hei.

MATTHEW 11:27

“Heirakip Kapa’n kei apek jo eng. Pa teilo tûte’n Sapa kha manhret mak, khana Sapa tei loa tûte’n Pa kha manhret mak, khana Sapa khan malârpek sik a akadei hei tei loa tûte’n Pa kha manhret mak.

MATTHEW 21:5

“Zion khōpui kha manthei ruh, Enroh, narengpa kha nahnenga kajōng! Ama amalung innem khana shakōrtung leh atere aheichōng, la’nhmangtet lo shakōrtung kae.”

MATTHEW 28:18

Jesu anhnenga kahonga ahri, “Marvân chung leh raleichunga ratha neina rakip anipek jo.

LUKE 10:22

“Ka-Pa’n heirakip apek jo eng: Pa teilo tûte’n Sapa kha manhret mak, khana Sapa leh Sapa’n ama inlârsōt sik a akadeisōt jo mihei tei loa tûte’n Pa kha manhret mak hei.”

JOHN 17:11

Khana tûnchu kei nahnenga kahong sik jo eng; raleichunga ka-om hi sôtmak jo ning, tâk anmani chu raleichunga alaka-om hei kae. O A’ntheng Apa! nang leh kei pumkhat nichang kapōa, anmani pumkhat anchangna sik, rahming napek eng, narahming ratha neina vâng anmani hrung hei roh.

JOHN 17:12

Ke’n anmani ka-ompuilai hei napek eng rahming, narahming ratha neina vâng khan anmani kahrunghei. Ke’n kahrungsōt heia, ṭong intheng huitlungna a’nhmang sikpa rōk kha tei loa, inkhatbek inhmang mak hei.

EPHESIANHEI 1:21

Khana khan, Christa’n marvân chunga vaikarônhei, ṭong kaneihei, ratha kaneihei leh Rōngpuhei seng chunga vai arôna ka-om jo; tûnlaia leh hnunga akahong sik raleichunga rahming inphō ratha kanei rakip chunga achung katōngpen kha kachang joa kae.

HEBREWHEI 2:9

Tâk-kha Pathen maritna jâra mi rakip sik a athi theina sik a pha bongkhat ngevahei kanek a thōi katla det a aleisyem Jesu khachu nihmu. Ama’n khava thina intak kha aleide jâra kajana leh lûrna khana lenlukhu a’nkhu kha eini’n tûnchu nihmu joa kae.

ṬONGPHÔNG 1:14

Asam kha sahme chek kapōa a-emak leh kavur kapōa kachek, khana ahmit kha hmeimale kapōa in-ât a kae;

ṬONGPHÔNG 12:3

Marvân chunga a’n-ip neinâk ahlop inkhat inlâr. Akalentak Rihren kasen alu 7 araki 10 kanei khana aluhei chunga lukhu kanei inkhat leika-om.

ṬONGPHÔNG 13:1

Khava sōa tuipuia inphut ranhring inkhat ahei kasōk ke’n kahmu. Ama’n alu 7, araki 10 anei; aluhei chunga khan Pathen teitômna rahming inzet et, araki chunga lenlukhu ka-om et a kae.

ṬONGPHÔNG 19:16

Apōn chunga leh arakō chunga: “renghei Reng leh rōngpuhei Rōngpu,” inti rahming inzet a kae.

ṬONGPHÔNG 3:12

Ke’n kapa bek-inn shunga anmani kha torna chopui kamanchang sik hei, khana anmani’n kha dahlon hêrmak hei ning. Ke’n marvâna ka-Pathena inphut akajōng sik ka-Pathen rahming, ka-Pathen khōpui rahming Jerusalem, hei kha anchunga kamazet sik. Anchunga karahming ther kha’m kamazetsa sik.

ṬONGPHÔNG 6:2

Ke’n ka-ena, shakor kabang inkhat leika-om. Akachōngpa khan sâi inkhat achoi, khana lenlukhu inkhat anpek a kae. Ama re kator inkhat kapōa torna kanei sik a shakor achōnga kasesōt jo.

ṬONGKATANHEI 13:18

Ngeva khan ader, “Hei sik a mo karahming namanhret hnōm? Hivahi rahming inlak kae.”