ṬONGPHÔNG 19:1 - LEKHARABU INTHENG (BSI)

¹ Khava sōa marvâna inphut mipui katamtak hei rasa inhnaktak kapōa kathei, “Hallelujah! Hukmanhringna, lûrna, khana ratha hratna ni-Pathen ta kae!

ṬONGPHÔNG 19:1 ပူးပေါင်းရင်းမြစ်များ

THUHMINGHEI INKHATNA 29:11

Nang chu akalenpen akahratpen, akalûr, ngam kanei leh kaja ka-om che kae. Marvân leh raleichunga neinâk heirakip nangta kae, heirakip chunga reng vaikarôn Chunghnung che kae.

HLAHEI 104:35

Raleia inphut mikaset-hei kha suk manram chang hei rasoh; mikaṭhamak-hei kha om hêrmak jo hei rasoh. Eh karathla, Rōngpu kha choi ka-ân roh! Rōngpu kha choi ka-ân roh!

HLAHEI 106:1

Rōngpu kha choi ka-ân ruh! Rōngpu kha manpâk ruh, ajârchu ama hi akaṭha kae; alungsetna hi kumleikōa kae.

HLAHEI 111:1

Rōngpu kha choi ka-ân ruh! Amipuihei intûpna khan kamalung pumpui vâng Rōngpu kha kamanpâk sik.

HLAHEI 115:18

Tâk-kha akahring eini’nchu, ama nimanpâk sik tun um ahei tik a’m. Rōngpu kha choi ka-ân ruh.

HLAHEI 146:1

Rōngpu kha choi ka-ân roh! Karathla, Rōngpu kha choi ka-ân roh!

HLAHEI 148:1

Rōngpu kha choi ka-ân ruh! Nangni chung inshânga aka-om chei in, marvâna inphut Rōngpu choi ka-ân ruh.

HLAHEI 149:1

Rōngpu kha choi ka-ân ruh! Rōngpu hneng hlather kha sak ruh; taksen ka-om amipuihei intûpna khan ama kha choi ka-ân ruh!

HLAHEI 150:1

Rōngpu kha Choi ka-ân ruh! Abek-inna Rōngpu kha choi ka-ân ruh! Marvâna ahratna kha choi ka-ân ruh!

HLAHEI 3:8

Torna hi Rōngpu hnenga inphut kajōng, amihei mahâmṭhat pek hei rasoh!

HLAHEI 62:11

Rathahrat hi’m kata kae tia, Pathen in vōi khat kakhea ahri kathei.

JEREMIAH 51:48

Akasukset sik a sak tinga mi akajōng hei kut chunga Babylon kha atlu pha, raleichunga leh marvân chunga aka-om rakip in inpâk a ka-ông sik hei.

JONAH 2:9

Tâk-kha ke’n nahnenga manpâkna hla kasak sik; nahnenga inthoina kapek sik che khana ka’ntepna kha katlosōt sik. Hukmanhringna hi Rōngpu a inphut akahong kae!”

MATTHEW 6:13

Mathlemna aṭhōimak roh, tâk-kha Akaṭhamak Inkhat a inphut ahuksōt roh. Ajârchu rengram, rathahrat, khana lûrna ahei tik a nata kae. Amen.’

ṬONGPHÔNG 11:15

Khava sōa ngeva 7 tlukna khan apengkun kha atuma, marvân chunga rasa inhnaktak kasōk a ajōng hri, “Vânhnōi raleichunga vairônna ratha kha tûnchu ni-Rōngpu leh ama Messiah ta kachang jo, ama’n are-rea vai arôn sik jo kae!”

ṬONGPHÔNG 12:10

Khava sōa marvân chunga rasa inhnaktak inkhat katheia hing’hin ahri, “Tûnchu Pathen huksōtna kha kajōng jo! Tûnchu Pathen in Reng changna aratha neina kha amalâr jo! Tûnchu ama Messiah khan aratha neina kha amalâr jo! Ajârchu asûn-ajâna nisōpuihei masetna kapek ṭhak, Pathen hmaikunga kangirpa kha marvâna inphut hlon mathlâk a ka-om jo.

ṬONGPHÔNG 19:6

Khava sōa mipui katamtak rasa kapōa tôngtui rasa kapō, khōjang kapōk, khō inri rasa kapō ke’n katheia hing’hin ahri, “Hallelujah! Ajârchu ni-Pathen Akahratpen Rōngpu kha Reng kae!