ṬONGPHÔNG 18:7 - LEKHARABU INTHENG (BSI)

⁷ Amanu abinga kalûr leh ka-êma aleiom kapōhrep a khōdeng theina leh malung inrimna kha’m pek ruh. Ajârchu amanu’n abinga ahri: ‘Kei rengnu inkhat a hin a’n-ong eng kae! Kei renghmeinu inkhat changmak eng, malung inrimna nei hêrmak ning!’

ṬONGPHÔNG 18:7 ပူးပေါင်းရင်းမြစ်များ

ESTHER 6:10

Khava sōa rengpa khan Haman hneng ati, “Inrang roh, pōn leh shakor kha heichoi jo hei roh, khana hiva kajana hei hi Mordecai Jehudipa hneng pek roh. Nang in nahri kapōa khan ama sik a heirakip tlopek roh. Reng-innpui hlutna kekot a ama in-onga ka-om navahmu sik.”

HLAHEI 10:6

Anmani’n anbinga anti, “Kei thōi tlâkna nei hêrmak ning, inrengna ratō hêrmak ning.”

HLAHEI 45:9

Na-innpui shunga khan nuhmeihei kâra, reng sanuhei invei hei, nareng in-ongna changting khan rengnu kangira ka-om, sana inthengpen vâng inret a kae.

JEREMIAH 13:18

Rōngpu’n kahnenga ahri, “Rengpa leh anu kha anlen in-ongna inphut anjōng ṭumna sik a manthei hei roh, ajârchu anlukhu ret kaṭhahei kha anlu chunga inphut jōngkatla jo hei.

ṬAJAISUINA 1:1

Pha khat a mipui kasip a omna khōpui, Jerusalem kha heikhonga abinga ka-om jo! Pha khat a vânhnōi in kajana anta leipek kha, amanu kha, tunchu renghmei kapōa ka-om jo; Khōpui kâra akalenpen kha sōk changna hrep a katlu jo.

EZEKIEL 23:34

Nang in na-in pha na-insōreng sik, khava akakōi ahar vânga khan na-ôp nakarittan sik.” Kei Chunghnung Rōngpu’n kahri jo.

OBADIAH 1:3

Na’nlensak na’n ahōn jo che. Nakhōpui chu hlungpui rekur kae; na-inn chu tlâng chung heia inshânga ka-om, khava jâra nabinga nati, ‘Tu’n mo akei mathlâk tornâk sik eng?’

ZEPHANIAH 2:15

Aratha neina chunga abinga a’nlensak khana inhuktor eng tia a’ndon khōpui chunga akasōk sik kha khavakha kae. Ami he’n ankhōpui kha raleichunga akalenpen kae tia anmandon. Ramshahei omna akachang sik hmun kha, heituk a dahlon hmun akachang sik jo mo! Khava hnenga akase akahong rakip in malung natna anneia ankahnung inle sik hei.

TIMOTHY INKHATNA 5:11

Tâk-kha renghmeinu alakadông hei kha renghmeinu kâra teisa mak hei roh; ajârchu anmani’n anmaduna dungjuia puise anneihnōm pha, Christa inphut kasesōt ri heia kae,

ṬONGPHÔNG 18:3

Ajârchu jât rakip in aju kha an-in jo, khavakha ahur leh ajôngna ju kha kae. Raleichung renghei kha’n amanu leh jông leh kîk antlo, khana raleichunga invei katlo he’n amanu hur jâra anhaosō joa kae.”

ṬONGPHÔNG 18:9

Amanu hurna leh jôngna shunga aleikatla raleichung renghei kha’n amanu rôna hmeikhu kha anhmu pha, khōpui sik a khan kaṭap sik hei.