ṬONGPHÔNG 18:3 - LEKHARABU INTHENG (BSI)

³ Ajârchu jât rakip in aju kha an-in jo, khavakha ahur leh ajôngna ju kha kae. Raleichung renghei kha’n amanu leh jông leh kîk antlo, khana raleichunga invei katlo he’n amanu hur jâra anhaosō joa kae.”

ṬONGPHÔNG 18:3 ပူးပေါင်းရင်းမြစ်များ

ISAIAH 47:15

Khava hrep kha nang sik a akaṭha antatlosōt kachang sik, nahringkhōseia ṭong nahong lona hei khava ârsi lekha kathemhei kha. Anmani ankhenga nang andahlon sik che, anbing hlam et a kase sik jo hei, nang kahuk sik a tûte om mak hei ning.”

JEREMIAH 51:34

Babylon rengpa’n Jerusalem amadea khana aleisâk jo. Ama’n khōpui kha bephu kapōa amanrōk; khōhri kapōa amadê. Ama’n amadu kha alosōt, alakseng kha ahlon sōt hei.

JEREMIAH 51:7

Babylon hi kakut chunga sana kōklei inkhat, vânhnōi ralei ju amanrui hei khava kapō kha kae. Jât he’n aju kha an-ina amanvet hei.

ṬAJAISUINA 4:5

Pha khat a bukatui an katui rōk kasak he’n bu kangōia hlamdunga kathihei; kahōia kalura antavei hei khan akachok innim kâra bu anjong jo.

NAHUM 3:4

Notinu Nineveh kha karâkna inpek jo. Amanu kha enhnōm leh madu sik kasip a kae, phung leh jât-hei ajôr heia sōk amanchang heia kae.

LUKE 7:25

Hei ka-en sik a mo akase chei? Ret kaṭha a’nvon mi inkhat ka-en sik a mo? Kadiktak a ret kaṭha a’nvon heia inṭhatsaktak a ka-om hei khachu reng-innpuia aka-om hei kae?

TIMOTHY INKHATNA 5:11

Tâk-kha renghmeinu alakadông hei kha renghmeinu kâra teisa mak hei roh; ajârchu anmani’n anmaduna dungjuia puise anneihnōm pha, Christa inphut kasesōt ri heia kae,

ṬONGPHÔNG 14:8

Ngeva 2 tlukna khan hma-inkei kha ahei juia ahri, “Amanu katlu jo! Babylon kalen kha katlu jo! Amanu’n mi rakip aju apek heia aman in hei, ama juhning, hurna ju kha kae!”

ṬONGPHÔNG 17:2

Raleichung reng he’n hiva notinu hi leh omchen kadikmak antlo, khana vânhnōi raleichung mihe’n amanu jôngna ju kha an-ina inphut inrui jo hei.”

ṬONGPHÔNG 18:19

Khana anlu chunga vaiphin ankathek a, kaṭap heia ṭajai ansuia anti, “Hiva khōpui kalen sik hin heituk-hrep a malung natna ka-om, heituk-hrep a ṭit ka-om jo mo nu! Hiva khōpuia inphut tui-ôngpui chunga rakōng katôr rakip in amanu nei jâra antahao kae! Khana pung khat rōk shunga anei rakip inhmang joa kae!”

ṬONGPHÔNG 18:23

Nashunga hmeivâr indet nôk hêrmak jo ning; hmōipa leh hmōinu rasa inthei nôk hêrmak jo ning. Nang inveina chu vânhnōi raleichunga ratha kaneipen kha kae, khana nadôi choi kadikmak khan vânhnōi ralei mi nahōn mathlâksō joa kae!”

ṬONGPHÔNG 18:7

Amanu abinga kalûr leh ka-êma aleiom kapōhrep a khōdeng theina leh malung inrimna kha’m pek ruh. Ajârchu amanu’n abinga ahri: ‘Kei rengnu inkhat a hin a’n-ong eng kae! Kei renghmeinu inkhat changmak eng, malung inrimna nei hêrmak ning!’

ṬONGPHÔNG 18:9

Amanu hurna leh jôngna shunga aleikatla raleichung renghei kha’n amanu rôna hmeikhu kha anhmu pha, khōpui sik a khan kaṭap sik hei.