ṬONGPHÔNG 16:18 - LEKHARABU INTHENG (BSI)

¹⁸ Khava pha khō inphe, khō inria, khōjang kapōk, lingnu inhnaktak a innok joa kae. Mihring insyembia inphut hiva kapō lingnu la’nnok phungmak, lingnu innok rakip kâra a’nhnakpen kha kae!

ṬONGPHÔNG 16:18 ပူးပေါင်းရင်းမြစ်များ

ISAIAH 29:6

Chunghnung Rōngpu’n thlikhō inphe leh lingnu innok leh inṭhōia ahuksōt sik che. Khan chu thlipui leh hmei kasûk ajōngtir sik hei;

DANIEL 12:1

Pōn innem kasi ngeva khan ahri, “Khava pha nami kahngâk ngeva kalen Michael, he’nlâr sik. Khava sōa jât he’n anhei ombia inphut akaṭhamak tak omchen, inrengna pha kha kahong sik. Khavakha ahong pha, Pathen lekha shunga a’nzet najât mi rakip huk sik hei kae.

MATTHEW 24:21

Ajârchu khava pha inrimna kha ralei insyembia inphut tuning katlunga aleikasōk rakip akakhe chet inrimna kachang sik. Khana khava kapō kha inkhatbek avea sōk mak ning.

ṬONGPHÔNG 11:13

Khava laitak khan lingnu inhnaktak innok jo; khōpui kha sôma inkhat asuk manhmang jo, khana mihring 7,000 kathiheia kae. Alak mihei seng kha kaṭihêr jo hei khana marvân Pathen lenna kha anmanpâk joa kae.

ṬONGPHÔNG 11:19

Marvân chunga Pathen bek-inn kha inhlânga, Ṭongtep Bôm kha inhmua kae. Khava pha khō inri, khōjang jōng kapōk, khō inphe, lingnu innok, khana kahre inhnaktak katla a kae.

ṬONGPHÔNG 4:5

Khava len in-ongna inphut a khan khō inphea, khōjang kapōk a, khō inria kae. Khahei kha Pathen rathla 7 hei kae. Len in-ongna hmaikunga khan hmeiser 7 kavâr hei.

ṬONGPHÔNG 6:12

Khana Kemōngte khan 6 tlukna achîkna intat kha asuk khōia amahlâng ke’n kaleihmu. Khana lingnu inhnaktak innok, khana kani kha sahme pōn kaphok akadup kapōa kadup jo, khan chu thla kha thisen kapōa kasen jo.

ṬONGPHÔNG 8:5

Khana ngeva khan ro mankhutna thlengkam kha aloa, khana maichâm hmei kha asun mansip a, khana raleichunga ajōng hlon mathlâk a kae. Khava pha khōjang kapōk rasa intheia, khō inphea, khana lingnu innok a kae.