ṬONGPHÔNG 16:14 - LEKHARABU INTHENG (BSI)

¹⁴ Anmani kha ṭōn-inlak katlosōt rathla kaṭhamak-hei kha kae. Hiva rathla 3 hei hi Akahratpen Pathen Kani lûnpui ning re katlo sik a vânhnōi raleia renghei kaṭhōi intûp sik a kasesōt jo hei.

ṬONGPHÔNG 16:14 ပူးပေါင်းရင်းမြစ်များ

RENGHEI INKHATNA 22:6

Hiva Jâra sânkathem 400 kapō hei abek hei, khana ader hei, “Kei akase enga Ramoth kabuhlu sik mo, kabuhlu mak sik mo?” Anmani’n anmasôn, “Buhlu roh. Rōngpu’n torna apek sik che.”

EZEKIEL 14:9

“Sânkathem inkhat akadik mak ṭong masônna kahri sik a hōnmathlâk jo achang inchu, khavakha Rōngpu ke’n kahōn jâra kae. Israel mipuihei kâra inphut kalosōt sik kae.

MATTHEW 24:14

Khana hiva Rengram Ṭong kaṭha hi vânhnōi raleia jât rakip hneng sâkhi sik a hrimanthang sō sik kae; khava sō leh a’nchaina kha jōng katlung sik jo.

MATTHEW 24:24

Ajârchu Messiah inhlem leh sânkathem inhlem hong kasōk sik hei; khana a-ethei chenna Pathen kadeisōt hei kapha hōn mathlâkna sik det-hla ka-om tak leh ṭōn-inlak antlosōt sik.

MARK 13:22

Ajârchu Messiah kadikmak leh sânkathem kadikmak hong kasōk sik hei. Ṭōn-inlak leh det-hlana antlo sik, a-ethei inchu kadeisōt mihei kapha hōn mathlâkna sik antlo sik.

LUKE 2:1

Augustus Rengkalen changlai Roman Rengram shunga mi rakip mija mazet manhlutna sik ṭongpek inkhat aleinei.

JOHN 8:44

Nangni chu nanpa Rathla Kadikmak sa chei kae, khana nanpa kachang lungdo kha nantajui kae. Ama chu anphutbia inphut mikathat kae, ṭongdik langa khan omphung mak ajârchu ashunga ṭongdik kha om mak. Maleisei ahri kha ama ngaihrep ahri kae ajârchu ama chu malei kasei khana malei kaseihei pa kha kae.

ROMANHEI 1:8

Ahma kakei pena nangni nankhenga sik a Jesu Christa jâra ka-Pathen kamanpâk, ajârchu vânhnōi pumpui in nantaksenna ṭong antheia kae.

THESSALONIANHEI INHNINA 2:9

Khava Akaṭhamak Inkhat kha Seitan ratha leh inṭhōia kajōng sik, ama’n akadik mak ṭōn-inlak leh det-hla hingja atlosōt sik,

TIMOTHY INKHATNA 4:1

Pha hnung intonga chu mi ṭhahrep in antaksenna kha andahlon sik tia Rathla khan inthengtak a ahria kae; anmani’n rathla malei kasei anjui sik khan chu ṭaihei mansena anjui sik a kae.

JAMES 3:15

Hinghiva singna hi marvâna inphut akajōng changmak; raleichung ta kae, hiva hichu rathla aka-emak ṭai kae.

JOSHUA 11:5

Hiva renghei hin anremi anmanchun heia kahongsap hei khana Israelhei re katuk sik a Merom Kōk a rephōr anlei matunga kae.

JOHN INKHATNA 5:19

Akaṭhamak Inkhatpa vairônna thōia vânhnōi ralei pumpui hi a-om inum eini chu Pathen ta me kae ti hi eini’n nimanhret.

ṬONGPHÔNG 12:9

Khana rihren kalentak kha anhei hlonsōt jo, ama kha hmalaia mari kha kae, arahming Diabol a-emak leh Seitan inti vânhnōi kahōn inthlapa kha kae. Ama leh angevahei seng raleichunga anjōnghlon mathlâk jo hei.

ṬONGPHÔNG 13:3

Ranhring lu inkhat khachu thatsa jo kapōhêra intôn, tâk a’ntônna takbi kha kadam jo. Vânhnōi ralei in anmandon-hla et a akahnung anjuia kae.

ṬONGPHÔNG 16:16

Khava sōa Hebrew ṭonga Armageddon inti hmun a khan rathlahei kha’n renghei kha aheiṭhōi mantûp jo hei.

ṬONGPHÔNG 16:7

Khava sōa maichâma inphut rasa inkhat katheia hinga ahri, “Rōngpu Pathen Akahratpen! Naṭongtan hei kadik khana intlun heia kae!”

ṬONGPHÔNG 17:14

Anmani’n Kemōngte kadōia re antlo sik; tâk Kemōngte leh abeksōt hei, akadei hei leh akataksena akajui he’n antor sik hei, ajârchu ama hi renghei Reng leh rōngpuhei Rōngpu kha kae.”

ṬONGPHÔNG 20:8

Khana vânhnōi raleia a’nchekchai hei kahōn inthla sik a ama se inphut sik, khahei kha Gog leh Magog kae. Seitan khan re katuk sik a tui-ôngpui panga, nêrdi ja mi aheiṭhōi mantûp sik hei.

ṬONGPHÔNG 3:10

Ajârchu nande hratna sik a kaṭong pek chei kha nanjui, raleichung mi rakip enmansinna sik a, vânhnōi pumpui chunga malung inrimna ajōng katlung sik a inphut kahuksōt sik chei.

ṬONGPHÔNG 6:17

Ajârchu ahnuk natna kani ṭit ka-om tak kha tûn kajōng jo, khava sik a tu mo akangirtor sik?” anti.